Цената на трудот е многу нерамномерна меѓу членките на Европската унија.

Најскапата работна сила минатата година во Европската унија била во Данска и Белгија, а најевтина во Бугарија и Романија, према податоците на Европската канцеларија за статистика- Еуростат .

Просечната цена  во ЕУ за еден час работа изнесувала 25,4 евра, а во еврозоната 29,8 евра, се наведува во извештајот на Еуростат. Меѓутоа, цената на трудот е многу нерамномерна меѓу членките на ЕУ, оценува Еуростат.

Највисоката цена на час минатата година била во Данска. Таа изнесувала 42 евра, потоа Белгија со 39,2 евра, Шведска со 38 евра, Луксембург со 36,6 евра и Франција со 35,6 евра.

Најевтино биле платени во Бугарија со 4,4 евра на час, потоа Романија со 5,5 евра, Литванија со 7,3 евра, Унгарија со 8,3 евра и Полска со 8,6 евра.

Во Финска има 100.000 слободни работни места, а државата се соочува со недостиг од работна сила. 

Земјата има висок раст поради развојот на автомобилската индустрија и бродоградбата. 

Проблемот е најголем во главниот град Хелсинки. 

Иако има 300.000 невработени Финци, тие не сакаат да ги потполнат овие работни места затоа што се за луѓе со ниски квалификации. 

Во шумарскиот и градежниот сектор исто така се потребни работници. 

Владата на Финска со посебен закон ќе ги поттикнува луѓето да се преквалификуваат и да се преселат онаму каде има слободни работни места. 

Истражување на  „The Economist" покажува кои градови во светот се најскапи, а кои најевтини за живот. 

Во истражувањето беа споредувани 133 градови по 150 различни фактори. 

Најскапи градови се:

1. Сингапур

2. Хонг Конг

3. Цирих

4. Токио

5. Осака

6. Сеул

7. Женава 

8. Париз 

9. Њујорк

10. Копенхаген

Најевтини градови во светот се:

1. Алмати

2. Лагос

3. Бангалор

4. Карачи

5. Алжир

6. Ченај

7. Мумбај

8. Киев

9. Букурешт

10. Њу Делхи

OECD објави листа држави во кои високото образование е бесплатно. Во овие земји даночните обврзници ја плаќаат сметката за сите студенти кои сакаат факултетска диплома.

Земјите во оваа листа се главно во Европа и имаат култура “да се грижат едни за други”, пишува RT. Овие земји обично имаат повисоки стапки на данок на приход, но тоа е добро доколку сакате здравствената заштита и школувањето на колеџ да ви бидат платени.

Според извештајот на OECD, Данска е една од осумте земји со неколку бесплатни колеџи: „University of Copenhagen”, „Aurhus University”, „Technical University of Denmark”, „Aalbog University”, „Copenhagen Business School”, „University of Southern Denmark”.

Останатите земји со беслатни универзитетски системи се Естонија: „Tallinn University”, „Tallinn University of Technology”, „University of Tartu”.

Потоа следува Финска со 10 бесплатни универзитети меѓу кои се „University of Helsinki” и „Abo Academy University”. На листата е и Норвешка со пет вакви универзитети: „University of Oslo”, „University of Bergen”, „Western Norway University of Applied Sciences”, „University of Tromso”, „University of Stavanger”.

На листата на OECD се и Словачка, со пет бесплатни универзитети меѓу кои „University of Economics in Bratislava” е исто така на листата, потоа Словенија „University of Ljubljana”, Шведска „Lund University”, „Stockholm University”, “University of Gothenburg”, и Турција „Ankara University” , „Istanbul University”, „Istanbul Technical University”.