Пратениците со 61 гласа „за“, без ниту еден глас против и без воздржани констатираа дека Предлог-законот за попис на населението, домаќинствата и становите во Република Македонија, 2020 година, во прво читање е прифатлив и може да се проследи на натамошно читање. Опозицијата не беше присутна во салата и не гласаше за пописот.

Пописот треба да започне на 1 април следната година, а ќе го спроведува Државниот завод за статистика. Се очекува податоците да бидат готови за шест месеци. Пописот ќе биде со комбиниран метод, односно за разлика од претходните години, ќе има електронски прашалници на лаптопи и ќе има комуникација со бази од каде автоматски ќе се преземаат податоците и ќе се надополнуваат од терен.

За лицата – државјани на Република Македонија кои се на привремена работа или престој во странство податоците од член 10 од овој закон ги дава полнолетно лице на кого најмногу му се познати, при што го дава својот ЕМБГ и ЕМБГ на лицето за кое дава податоци во пописот. За лицата-државјани на Република Македонија кои се на привремена работа или престој во странство ќе се овозможи и самопопишување во периодот од 1 март до 21 април 2020 година на посебна апликација која е достапна на веб страницата на Државниот завод за статистика.

Заменик-министерот за внатрешни работи Агим Нухиу за време на расправата на пленарната седница во понеделникот побара поддршка од пратениците за законот посочувајќи дека се отстранети сите можности за манипулација.

Имавме дискусија на седниците на комсиите, но би сакал да прецизирам дека со овој предлог на закон ние сме ги отстраниле сите можности за манипулации и дополнителни дела кои се согледани на претходните пописи и на претходниот попис, што пропадна. Ние сме свесни за важноста за попис на населението што претставува за сите етнички заедници во земјата. Би сакал да ве уверам и вас и вкупната јавност и тие кои живеат во странство, надвор од територијата на Македонија дека со овој предлог на закон ги имаме земено предвид интересите на сите државјани на РМ, опфаќајќи ги и тие кои се на привремен престој или работат надвор од нашата територија – рече Нухиу.

Дополнително, со овој предлог на закон е отстранета каква било можност за манипулација, додаде тој, особено врз етничка основа бидејќи, како што кажа, со закон гарантираме 45 пописни региони, посебни комисии, значителни број на државни и регионални инструктори, регионални членови на попис и други учесници.

Граѓаните државјани на Македонија кои во моментот на пописот ќе бидат надвор од територијата на нашата држава тие ќе можат да бидат регистрирани од блиски поединци кои попишувачот ќе може да земе матичен број од тие граѓани – рече Нухиу додавајќи дека со законот ќе може нашите државјани сами да се попишат преку посебна апликација која ќе биде објавена преку Државниот завод за статистика.

До 7 јануари македонските граѓани нема да можат да патуваат во Грција.

Грција ја продолжи забраната за влез нa македонски државјани до 7 идниот месец. 

На сила е забрана за влез на странски државјани со цел да се спречи понатамошното ширење на коронавирусот. Оваа забрана не се однесува на државјаните на земјите членки на ЕУ и на земјите од шенгенот. Забраната не се однесува на медицинскиот персонал, истражувачите и здравствените работници, под услов нивниот влез во Грција да има деловни цели, лица кои подолго време престојуваат во земја членка на ЕУ или во шенген-зоната, како и оние кои имаат дозвола за престој во земјите членки на ЕУ или во шенген-зоната.

Забраната не се однесува на членовите на државната делегација, персоналот на дипломатско-конзуларните претставништва и делегации, персоналот на меѓународни и европски институции, членови на хуманитарни организации за време на активностите, воениот персонал и припадниците на безбедносните сили или грчкиот Генерален секретаријат за цивилна заштита. Забраната не се однесува на вработените во областа на транспортот, вклучително и поморскиот и речниот сообраќај, екипажот на авионите, екипажот и техничкиот персонал на противпожарните авиони, како и на возачите на камиони кои се во транзит поради транспорт на стоки, како и апсолутно потребниот персонал за нивниот транспорт.

Оваа одлука не важи за патниците во транзит, студентите кои студираат во Грција, луѓето кои се грижат за стари лица и лица со посебни потреби, како и сезонски земјоделски работници.

За 24-часа во Грција повторно е регистриран зголемен број смртни случаи од Ковид-19, починаа 98 лица, а заразени се уште 1.240 лица, јави дописничката на МИА од Атина. 

Нема сомнение дека барањето работа за време на пандемијата е исклучително предизвикувачко, но, исто така не е лесно да се бара работа ниту кога економијата расте.

Кога луѓето решаваат дека сакаат да пронајдат друга работа, тие често одлучуваат да започнат со истражување на можностите. Како што преминуваат од пасивни трагачи по работа во активни баратели на работа, конкуренцијата за одредената позиција расте затоа што тогаш има апликации од лица кои се невработени, и лица кои сакаат да го променат моменталното работно место.

Вистината е дека издвојувањето од вашата конкуренција е од суштинско значење за добивање на работата за која аплицирате. Еден од најефикасните начини да го направите тоа е да се покажете како лидер, авторитет во одредената индустрија.

Иако не е можно да станете таков лидер преку ноќ, вие можете да започнете да работите кон тоа уште од денес , преку давање вредни информации на вашите колеги и заедницата.

Споделете ги новостите од индустријата

Сите оние кои аплицираат за некоја повисока работна позиција треба да бидат секогаш информарани за трендовите во индустријата. Ако сте извршен директор или ги стремите кон тие улоги, веројатно ќе бидете во тек со технологијата што се појавува, економските смени, прогнозите на пазарот и многу повеќе. Започнете да споделувате неколку од овие значајни читања како објави на LinkedIn најмалку двапати неделно.

Споделете го она што го знаете

Пишувањето блогови или објави е вешт начин да го покажете своето знаење. Многу продажни места, вклучувајќи ги LinkedIn, Medium и Thrive Global, ви дозволуваат да објавувате дела што ги пишувате. Потоа можете да ги истакнете овие статии во делот „featured“ на вашиот профил на LinkedIn и да ги споделите како објави на LinkedIn.

Да се ​​биде активен во вашата индустрија е уште еден начин да го споделите она што го знаете. Многу национални здруженија на индустрии имаат веб-страници, публикации и настани. Може да поднесувате статии за објавување и да се поставите себеси како говорник за локален настан или годишна конференција. 

Споделете ги вашите согледувања

Друг начин да го подигнете вашиот профил на LinkedIn е преку интеракција со другите членови. Следете ги целните работодавци, работодавци кои работат за нив и лидери во вашата индустрија. Читањето и коментирањето на нивните објави ви овозможува да ја покажете својата експертиза. Овие размени, исто така, можат да ги постават темелите за идните односи.

Овие активности - споделување на новости од индустријата, споделување знаење и споделување анализи на LinkedIn - ќе помогнат да се изгради вашата репутација како експерт во вашата област. Тоа ќе ви послужи добро на кој било пазар на труд.

LinkedIn е од голема важност за секој кој бара и нуди работа. Според истражувањето на Jobvite во 2020 година, 72% од вработувачите го користат LinkedIn за да најдат кандидати.

Исто така LinkedIn е обично првата станица за работодавците импресионирани од вашата биографија. Активните, ангажирани профили на членови се попривлечни од застојаните профили без активност со месеци.

Во овие бурни времиња, разликувањето од другите кандидати е побитно од било кога. Да се ​​биде признат како авторитетен лидер во вашата индустрија - лидер на размислување и анализа - може да ви даде конкурентска предност што ќе ви овозможи да напредувате во својата кариера.

Професорката Симона Груевска Маџоска, од Институт за македонски јазик, реагира во врска со презентација на Министерството за образование и Бирото за развој на образованието кои најавуваат дека веќе ќе нема посебен предмет историја туку историските факти ќе се учат како дел од „Општествени науки“.

Професорката Груевска Маџоска, истакнува дека е несфатливо како е можно Историја, Граѓанско образование и Географија да се изучуваат во еден предмет и тоа од прво до деветто одделение.

Скандалозна реформа на основното образование! Комплетно згрешена концепција и експериментирање со учениците! Укинат предметот историја и ставен во групен предмет Општествени науки! Е па „браво”! Што да кажам друго! – реагира Груевска Маџоска.

Министерката за образование и наука Мила Царовска, вчера одржа онлајн состанок со директори и наставници од основните училишта на кој разговараа за новата концепција за основно образование која треба да стартува од идната учебна година.

Основното образование е базата на образованието и затоа промените ги започнуваме токму од овде. Новата концепција ќе значи повеќе време во училиште, помалку предмети, односно спојување на повеќе предмети во еден, повеќе интеракција помеѓу наставниците и учениците и помеѓу самите ученици. За сето ова е потребна максимална посветеност на наставниците коишто низ креативен и инспиративен начин низ наставата и дополнителни активности вон наставата ќе го поттикнат полниот потенцијал кај секое дете – изјави Царовска.

Со реформите е предвидено учениците да поминуваат повеќе време во училиште, но не само за настава, туку и за други активности и курсеви како што се дополнителен спорт, дополнителни часови по кодирање, дополнителен странски јазик и слично…

Досега во јавноста немаше информации дека се работи на укинување на предметот историја. Засега нема информации дали укинувањето на предметот историја има врска со споровите со Грција и Бугарија и барањата од таму за промени во учебниците.

На состанокот се обрати и Директорот на Бирото за развој на образование Зеќирија Хасипи, а презентацијата на концепцијата ја водеа членови на работната група проф. д-р Виолета Петровска Бешка од Институтот за психологија и Митко Чешларов од БРО.