Пандемијата ги затвори границите и патувањето ќе беде можно во најдобар случај само доколку патниците се подготвени за карантин. Со доаѓањето на вакцината, работите ќе се променат, но до кој степен? И што ќе значи „вакцина-пасошот“?

Првите вакцини против коронавирусот веќе се примаат во Европа, иако досега само во Велика Британија, и иако се поставува прашањето кога ќе пристигнат во посиромашните земји во Европа, по една година од пандемијата конечно постои трошка надеж дека животот ќе се врати во нормала. меѓутоа, вакцината нема да го избрише вирусот или влијанието на пандемијата врз нашите животи, а вакцината сега станува уште една варијабила што ќе го обликува секојдневниот живот на граѓаните.

Се очекува масовната вакцинација да го олесни преминувањето на границите и на крајот да ги релаксира ограничувањата што ги спречија луѓето да се движат во пандемијата, но тоа неизбежно ќе им наметне избор на граѓаните – да купат билет за слобода со вакцина или да ја продолжи агонијата на блокирање и карантин.

„Имунитетските пасоши“ беа споменати како концепт на почетокот на пандемијата, со образложение дека тие ќе им овозможат на луѓето кои на еден или друг начин стекнаа имунитет кон коронавирусот слободно да се движат. Со се поизвесното доаѓање на вакцината, идејата се модифицира – доказ за вакцинација е најдобриот имунитет.

Проблематична е валидноста на таканаречените „дигитални здравствени пасоши“ или „вакцина пасоши“, како што повеќе луѓе ги нарекуваат, бидејќи се уште не е официјално потврдено дека тие ќе се сметаат за средство за спречување на пренесување на вирусот преку границите.

Еуроњуз ја истражуваше оваа тема и ја контактираше Светската здравствена организација за конечно појаснување, но не доби одговор.

И покрај оваа финта, пасошите за вакцини полека се инфилтрираат во мејнстримот, а на крајот на ноември, една од австралиските авиокомпании објави дека само вакцинираните патници ќе можат да се качуваат на нивните летови.

Етичка дилема

Додека овие пасоши, од една страна, ќе служат за враќање на слободата на движење на граѓаните на кои таа им беше одземено со пандемија, од друга страна, се поставува и прашањето на етичноста поради потенцијална злоупотреба на личните слободи и приватноста.

Истражувачите кои се осврнаа на ова прашање го илустрираат проблемот со хипотетичка ситуација: замислете да ве замолат постојано да го откривате вашиот здравствен статус на јавноста, без разлика дали се работи за резултати од тест за коронавирус или вакцинација, за да можете да влезете во ресторан, црква или возило за јавен превоз.

Некои луѓе сигурно би можеле слободно да се движат, додека оние кои, да речеме, не се заразиле со вирусот, но не се вакцинирани, ќе им биде скратена слободата на движење.

Исто така, постои прашање за споделување лични здравствени податоци со трети лица.

Апликација што решава се

Дигиталниот проект „CommonPass“ до одреден степен може да ги реши проблемите што го попречуваат воведувањето на вакцина пасошите.

Апликацијата „CommonPass“ нуди безбедно споделување на здравствени податоци, а швајцарската непрофитна организација што го создаде „CommonPass“ истакнува дека целта на апликацијата е „да овозможи дигитални алатки за јавно добро“. (Euronews)

Надлежните објавија ажуриран список на кој граѓаните ќе можат да проверат дали им следува финансиска помош од Владата во висина од 6 000 денари. Станува збор за четвртиот пакет мерки за справување со последиците од Ковид-19. Граѓаните на овој ЛИНК можат да извршат проверка, доколку го внесат матичниот број.

Финансиската поддршка е наменета за граѓани со низок доход, корисници на пензија, корисници на право на социјална сигурност на стари лица, млади лица на возраст од 16 до 29 години, самохран родител, деца без родители и родителска грижа, уметници и други лица кои вршат дејност во културата, филмски работници и естрадни уметници. 

Веста за додавањето на Тесла во индексот С & П 500 ги покачи акциите на производителот на автомобили на 17 ноември, помагајќи му на извршниот директор  Илон Маск, да биде еден од најбогатите луѓе во светот, пренесува Бизнис инсајдер. 

Од вторникот, 17 ноември, кога акциите на производителот на електрични автомобили добија дури 12 отсто, богатството на Маск се зголеми за 11,8 милијарди долари и достигна 114 милијарди долари, според индексот на милијардерите на Блумберг. Тој сега го засени основачот на Фејсбук, Марк Цукерберг кој го заземе третото место на глобалното рангирање на богатството, објави Блумберг.

Добивките не мора да значат дека Маск, чие богатство е главно поврзано со огромни влогови во Тесла и други приватни потфати како SpaceX и Boring Company, има каква било нова потрошувачка моќ. Милијардерот јавно изјави дека води скромен начин на живот и има ставено под хипотека многу од неговите замоци во областа Лос Анџелес. Три од тие замоци беа на списокот на продажба претходно оваа година, бидејќи Маск вети дека ќе ги продаде „скоро сите физички добра“.

По повод првиот ден на Божиќ според Грегоријанскиот календар, 25 декември ќе биде неработен за граѓаните од католичка вероисповед во земјава, согласно Законот за празници, соопшти Министерството за труд и социјална политика.

Воедно, Министерството на граѓаните од католичка вероисповед им го честита празникот Божиќ.

Ова се неработните денови за 2021 година

Согласно со Законот за празниците на Република Македонија (Сл.весник на РМ број 21/98 и 18/07), Министерството за труд и социјлана политика го објави календарот на неработни денови за 2021 година.

За сите граѓани на РМ: 1 јануари (петок), Нова Година, 7 јануари (четврток), Божиќ, првиот ден на Божиќ според православниот календар, 1 мај (сабота), Ден на трудот, 3 мај (понеделник), Велигден, вториот ден на Велигден според православниот календар, 13 мај (четврток), Рамазан Бајрам, првиот ден на Рамазан Бајрам, 24 мај (понеделник) „Св. Кирил и Методиј“ – Ден на сесловенските просветители, 2 август (понеделник), Ден на Републиката, 8 септември (среда), Ден на независноста, 11 октомври (понеделник), Ден на народното востание, 23 октомври (сабота), Ден на Македонската Револуционерна Борба, 8 декември (среда), „Св. Климент Охридски“

За граѓаните од православна вероисповед: 6 јануари (среда), Бадник, ден пред Божиќ, 19 јануари (вторник), Богојавление (Водици), 30 април (петок), Велики Петок, петок пред Велигден, 18 јуни (петок), Духовден, петок пред Духовден, 28 август (сабота), Успение на Пресвета Богородица (Голема Богородица).

За граѓаните од католичка вероисповед: 5 Април (понеделник), Велигден, вториот ден на Велигден, 1 ноември (понеделник), Празникот на сите светци, 25 декември (сабота), првиот ден на Божиќ. За граѓаните од муслиманска вероисповед: 20 Јули (вторник), Курбан Бајрам, првиот ден на Курбан Бајрам. За граѓаните припадници на албанската заедница во РМ: 22 ноември (понеделник), Ден на Албанската азбука. За граѓаните припадници на српската заедница во РМ: 27 јануари (среда), Свети Сава.

За граѓаните припадници на ромската заедница во РМ: 08 април (четврток), Меѓународен ден на Ромите. За граѓаните припадници на влашката заедница во РМ: 23 мај (недела), Национален ден на Власите. За граѓаните припадници на еврејската заедница во РМ: 16 септември (четврток), Јом Кипур, првиот ден на Јом Кипур. За граѓаните припадници на бошњачката заедница во РМ: 28 септември (вторник), Меѓународен ден на Бошњаците. За граѓаните припадници на турската заедница во РМ: 21 декември (вторник), Ден на настава на турски јазик.