Маж и жена отишле на одмор на убаво езеро, меѓу останатото, езеро познато и по местото за риболов. Мажот сакал да рибари во екот на зората, а неговата жена тогаш обожавала во мир да чита книги.

Едно утро, мажот после неколку часа риболов се вратил и одлучил малку да отспие, а сопругата се одлучила сама да отплови со чамецот во езерото. 

Го запалила моторот и со чамецот отпловила на едно осамено место, го фрлила сидрото, ја извадила книгата и продолжила да ужива во тишината читајќи ја својата книга.

По некое време наидува риболовен инспектор со својот чамец, застанал до нејзиниот и и рекол:

-Добро утро госпоѓо. Што правите?

-Читам книга, одговорила таа.

-Вие сте на делот од езерото резервирано за спортски риболов!

-Жал ми е господине, но јас не ловам риба. Јас само седам во чамецот  и читам книга.

-Да, но во чамецот го имате целиот прибор потребен за риболов и што се однесува до мене, би можеле со ловење да почнете во секој момент. Ќе бидам приморан да ве понесам со мене до станица и против вас да поднесам пријава, рекол тој.

-Ако вие тоа навистина и го направите, тогаш знајте дека и јас против вас ќе поднесам, пријава, но поради силување!- му одговорила жената.

-Но, јас не ве ни допрев!- рекол инспекторот.

-Да, но вие за сето тоа го имате потребниот алат и што се однесува до мене би можеле да почнете со тоа во секој момент.

-Довидување госпоѓо, и уживајте во овој убав ден ...

Поука:

Не влегувајте во расправа со жена која чита. Многу е веројатно дека таа знае и да мисли.

А ако веќе се расправаш со жена која чита и мисли, тогаш сфати дека не можеш да ја превеслаш!

Споделете ако сте жена која сака да чита книги :) 

Кина планира да изгради голем град со цел да се намали нивото на загадување на воздухот. Според информациите на официјалните претставници на кинеската влада, тој град би бил три пати поголем од Њујорк.

Во соопштението, кое го потпишуваат двете најмоќни политички партии во земјата, пишува дека новиот град ќе го добие името Сјунган, како и дека тој ќе зазема три области. Исто така, градот Сјунган ќе се наоѓа на стотина километри југозападно од Пекинг.

Не е познато кога ќе започне изградбата на овој град и колку точно ќе чини оваа инвестиција.

Што кажува шефот на персоналот може да биде живото променувачки или пак катастрофално. Инспиративните зборови се во можност да го изнесат најдоброто од вработените, а пак кажувајќи погрешни работи може да ги натера и да ја врачат својата оставка.
Еве листа на шест работи кои шефот треба да ги кажува почесто со цел да ги поттикне членовите на персоналот, направена од нашиот тим на kariera.mk.

Убави зборови

Добар шеф секогаш вели: ”Ви благодарам” и ”добро сработено” за да ја покаже својата благодарност, па дури и за најмали достигнувања.

Фокусирајте се на позитивите

Не ги обвинувајте вработените кога тие ќе направат грешка. Нека знаат дека тие имаат целосна поддршка од менаџерот и заедно дека ќе го надминете предизвикот. Покажете им на вработените дека како менаџер ќе бидете на нивна страна. Велејќи ”Секогаш ќе има друга шанса” им помага на вработените да ја обноват својата самодоверба.

Дајте им шанса на вработените да се надградуваат и растат професионално

Користете го изразот ”може да се обидете да го направите”. Обезбедете им на вработените можности за решавање на проблемите. Исто така, не им давајте на вработените конечен одговор прерано, преку прашања обидете се да ги водите самите кон пронајдок на одговор. Ова може да им помогне да станат независни и секако сигурни во својата работа.

Запознајте со кој всушност работите

Велејќи ”продолжи со добрата работа” не е доволно. Различни луѓе се инспирирани од различни зборови на охрабрување. За вработените кои се желни да движат нанапред, охрабрувачки е да им се каже ”Добро сработено! Сега имам поголем проект за вас.” но за оние кои се задоволни со својата позиција или пак не размислуваат за напредот со ова ќе направите да се чувствуваат под притисок. Добар шеф треба да добро да го познава својот тим на луѓе со кој соработува, и да ги одбира вистинските стратегии со цел да ги инспирира.

Покажете дека сите ги земате во предвид сериозно

Шеф кој се грижи за својот тим, го зема во предвид секој член од персоналот за сериозно. Давајќи им точно прецизно време кога би сакале да имате состанок, ќе им покаже на вработените дека шефот сериозно го троши своето време.

Бидете конкретни

Кога пофалувате вработени, кажете повеќе од само ”Добро сторено”. Бидете малку поспецифичен така што ќе кажете ”Вие сте одлични и направивте исклучителна работа со тоа и тоа”. Вработените се чувствуваат ценети и инспирирани кога шефот покажува дека ги цени точно одредени достигнувања на вработените.

Доколку барате моќен „Android“ со голем екран, моќен хардвер и квалитетна камера, а новите модели на „Samsung Galaxy S“ ви се прескапи, како интересен избор се наметнува новиот модел на брендот на „Huawei“ – „Honor“.

Моделот „Honor 8 Pro“ доаѓа со голем екран со дијагонала од 5.7-инчи и резолуција од 2.560×1.440 пиксели, кој има осумјадрен просецсор „Kirin 960“, како и 6GB RAM и голем батерија со капацитет од 4.000mAh.

Oвој уред доаѓа и со две задни камери со резолуција од 12MP, а на предната страна се наоѓа камера од 8MP, a oд останатите опции треба да се истакне 64GB интерна меморија која може да се зголеми со „microSD“ мемориска картичка (па така корисниците ќе намаат проблем со складирање на поголема количина на содржина).

„Honor 8 Pro“ има сезонор за отпечаток на прстот, „USB-C“ приклучок, поддршка за „NFC“ и брзо полнење на батеријата.

Во рецензиите кои досега се објавени на интернет се фалат и дизајнот и изработката на овој телефон (заоблените рабови и алуминиумот), а некои новинари го споредуваат со „iPhone 7 Plus“, a доаѓа со инсталиран „Android 7 Nougat“ оперативен систем и интерфејсот на „Huawei“ – „EMUI 5.1“.

Благодарејќи на напредниот алгоритам, овој телефон „учи“ кои апликации најчесто се користат, па ќе го оптимизираат користењето на меморијата.

Уште една занимливост е и начинот на пакување на „Honor 8 Pro“ чија кутија може да се претвори во „Google Cardboard“ во која можете да го ставите телефонот и да гледате „VR“ содржина.

„The Verge“ наведува дека станува збор за телефон кој е малку подобар од моделот „P10“ на истиот производител, но со пониска цена. Слично размислуваат и новинарите на „Engadget“ според кои „Honor 8 Pro“ е досега најмоќниот телефон на „Huawei“, а кога ќе се појави во продажба на европскиот пазар (најверојатно на 20-ти април), неговата цена ќе изнесува 549 eвра.