Министерството за труд и социјална политика информира дека од утре 4 март (четврток) 2021 година започнува исплатата на правата од социјална, детска и цивилна заштита (сите парични прaва) за месец февруари 2021 година.

Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од 4 март 2021 година.

Со цел да се избегне метеж пред банките и да се овозможи поголема заштита на корисниците на парична помош во услови на здравствена криза, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа: 04.03.2021 (четврток) – А, Б, В, Г, Д, Ѓ, Е, Ж, З, Ѕ, И, Ј, К, Л, Љ и 05.03.2021 (петок) – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Министерството за труд и социјална политика потсетува на обврската за носење маска и одржување физичко растојание од два метра.

Управата за јавни приходи распиша оглас за вработување на 40 извршители на определено работно време. Новите работни позиции, како што стои во објавениот оглас, се отвараат поради привремено зголемен обем на работа до крајот на тековната 2021 година. 

Управата бара лица на повеќе позиции. Во Дирекцијата ќе се вработуваат извршители на главно пониски позиции односно помлад асистент или помлад референт, но платата е нешто над 30.000 денари или околу 500 евра. Нови вработувања ќе има и во Дирекцијата за големи даночни обврзници, каде исто така платата е 500 евра. 

Но на огласот има отворени работни позиции и за регионалните канцеларии во Скопје, во Битола, Прилеп, Тетово и Струмица. Од нив најмногу се за во Тетово. Платите на новите вработени за кои е отворено место се движат од 24.000 до 38.000 денари.

Се бара високо образование, а огласот трае до утре.

Инаку ког во јануари беше презентиран планот за вработување на лицата кои биле вработени по Рамковен догово а седеле дома, првиот вицепремиер Артан Груби рече дека УЈП е една од институциите каде ќе се вработат најмногу од овие луѓе. УЈП важи за една од најпосакуваните државни институции каде и платите и условите за работа се меѓу подобрите во администрацијата. 

Извор Фактор.мк

Сер Кен Робинсон на забавен и екстремно детален начин ја поставува тезата околу кретивноста и училиштата. Според него, училиштата треба да ја негуваат вродената креативност и на секој можен начин да придонесуваат за нејзино постојано развивање кај децата. Досега, образовниот систем како да ја потценува способноста кај децата за креативните области од животот.

Авторот и едукатор, Сер Кен Робинсон, е експерт за креативност кој поставува сомнежи околу начинот на кој нашите деца се едуцираат, начинот на кој образовниот систем стимулира креативност и ја негува тековно и навистина одлични други идеи кои прават родителот да се замисли во каков систем го предава своето дете. Слушнете што има да каже, има поента, плус и забавен е.

Македонија конечно влезе во табелата на земји со примени вакцини и се наоѓа на 99-то место со 1.510 дози кои до сега се администрирале, објави „Блумберг“.

На табелата апдејтувана со денешен датум има 108 земји кои до сега успеале да набават вакцини, а зад Македонија со помалку дози се Парагвај, Египет, Црна Гора, Нов Зеланд, Тајланд, Алжир и други.

Процентот на вакцинирани по глава на жител во Македонија е 0,07 дози на 100 луѓе, што е подобро од некои земји како Јужна Кореја, Јапонија, Иран и Украина, кои имаат повеќе вакцини, но имунизацијата е помалку застапена.

На врвот од табелата по број на администрирани вакцини се САД со 76,9 милиони и дневно вакцинирање на 1,8 милиони жители. Следуваат Кина, Британија, Индија, Турција, Бразил и Израел.