Основачот на „Алибаба“ и „Ант груп“, Џек Ма ја загуби титулата најбогат Кинез, откако неговата „империја“ беше ставена под строга контрола на кинеските регулатори.

Така, на новиот „Глобален ранг на богатите 2021“ од истражувачко-медиумската групација „Хурун“, Ма и неговото семејство кои беа најбогати луѓе во Кина во 2020 и 2019 година, сега паднаа на четвртото место. Пред него се Жонг Шаншан – сопственик на компанијата за вода во шише – „Нонгфу спринг“, потоа – Пони Ма, кој го води „Тенсент холдинг“ и, на трето место е Колин Хуанг со компанијата „Пиндуодуо“, со услуги околу електронската трговија.

„Хурун“ забележува дека регулаторите на кинескиот пазар почнале истрага за монопол кај „Алибаба“, откако Ма во октомври минатата година јавно го критикуваше кинескиот регулаторен систем.

Новата листа се прошири за 259 Кинези кои имаат богатство од над милијарда долари и брои вкупно 1.058 лица. Со тоа, Кина е прва земја во светот што ја премина границата од 1.000 луѓе милијардери.

За споредба, САД годинава имаат 70 нови милијардери, со што нивниот број достигна вкупно 696 луѓе.

Актуелниот најбогат Кинез, Жонг, годинава првпат го зазеде првото место на списокот на „Хурун“, со богатство од 550 милијарди јуани (85 милијарди долари). Тој тоа го стекнал, главно, благодарение на зголемувањето на вредноста на акциите на „Нонгфу спринг“ и на производителот на вакцини – „Биолошка аптека Пекинг вантај“, којашто исто така е под негова управа.

Јагода Шахпаска, министерката за труд и социјална политика, денеска појасни дека вчера на владината седница било договорено субвенциите за правична застапеност на вработувањата по етнички критериум во приватните компании всушност да се распределуваат процентуално онолку колку што изнесуваат етничките заедници во земјата.

Во оперативниот план за 2021 на Агенцијата за вработување се предвидени 25 милиони евра за стимулирање на вработувања во приватниот сектор и тие, според она што го вели министерката, треба да се распределат според етничката структура во земјата и според принципот на рамномерен развој, односно да се дадат повеќе субвенции во оние региони кои се помалку развиени.

Ова е потврда на принципот на инклузивност и диверзитет согласно меѓународни стандарди  Со вицепремиерот Артан груби сакавме да го пресликаме општеството во овие мерки. Значи, рамноправно учествои, меѓутоа во услови кога имате припадници од различни етнички групи, нивната репрезентативност да биде на ист начин како што тие се застапени во општеството, појасни Шахпаска.

  

Градоначалникот на Град Скопје Петре Шилегов присуствува на погребната церемонија на загребскиот градоначалник Милан Бандиќ.

Денеска во Загреб е прогласен ден на жалост по повод смртта на загребскиот градоначалник.

Утрото, заменичката на градоначалникот на Загреб Јелена Павичиќ Вукичевиќ ги прими градоначалниците на Скопје - Петре Шилегов, на Сараево - Абдулах Скака, на Белград - Зоран Радојичиќ, на Сплит - Андро Крстуловиќ - Опара, и на Љубљана - Зоран Јанковиќ, кои се запишаа во книгата на жалост во градската управа.

„Лагите добиваат повеќе внимание на Интернет отколку вистината“, вели поранешниот аналитичар на ЦИА, дипломат и вработена во Фејсбук, Јаел Ајзенстат. „Сè додека целите на алгоритмите [на социјалните мрежи] не одржуваат ангажирани, тие ќе не хранат со отровот што одговара на нашите најлоши инстинкти и човечки слабости.“ Во овој смел говор, Ајзенстат истражува како компаниите за социјални медиуми како Фејсбук ја поттикнуваат разгорувачката содржина, придонесувајќи за култура на политичка поларизација и недоверба и ги повикува владите да ги повикаат на одговорност овие платформи за да ги заштитат граѓанскиот дискурс и демократијата.

Видеото е кратко, но ефективно. Погледнете што има да каже Јаел.