Денес, на градскиот плоштад во Скопје љубителите на игрите на среќа имаа уникатна можност да се дружат со најдобриот македонски автомобилист  Игор Стефановски - Иџе и водителката Марјана Станојковска.

На среќното место на Државната Лотарија на Македонија, во една преубава постпразнична атмосфера, играчите го искористија убавото време  да си ја пробаат среќата со инстант лозовите АВАНТУРА и ДЕТЕЛИНКА и секако со среќните броеви во  НовоЛото 7/34. Покрај убавата дружба и насмеаните лица, и бројните  добивки  ги израдуваа посетителите и редовните играчи. 

Најупорните трагачи по добивки  си заминаа и со маички, капчиња и разни други реквизити со знакот на Детелинка, а  потпишани токму од Марјана и Иџе.

Ве потсетуваме дека и прекрасниот автомобил КИА СПОРТАЖ сеуште чека трпеливо на својот нов сопственик, а покрај среќното место на Градскиот Плоштад ќе блеска до 13ти мај.

Државна Лотарија на Македонија ги повикува своите верни играчи, да го посетат среќното место и да и дадат шанса на среќата да им се насмевне.

За добро!

Постојат два начина да станете шеф. Потрадиционалниот е постепено да се искачите на позициите во компанијата и во одреден момент да ја предводите. Другиот е да создадете свој бизнис.

Додека при првата опција шефови стануваат луѓе кои веќе имаат стекнато доста искуство, кај вториот работите треба да се учат во движење. Од Форбс велат дека има 3 карактери кои ќе ви покажат дека веќе сте се претвориле во вистински бизнис лидер.

За вас е важен вкупниот успех отколку личниот

Добрите лидери не се загрижени што ќе постигнат на лично ниво, а сакаат сите нивни потчинети да имаат достигнувања. Самиот Стив Џобс вели: „Нема смисла да вработите умни луѓе за да им кажуваш што да прават. Тие мора да ни кажуваат што да правиме“. Шефовите треба да создаваат таква средина, која им овозможува на вработените да го зголемат својот потенцијал.

Трансформирате енергија во акција.

Секој може да измисли идеја и да се обиде да ја реализира. Само вистински лидер, сепак може да создаде долгорочна стратегија. Способноста да ги инспирираат другите да преземат иницијатива е исклучително важна за управувањето.

Ја вдишувате целата вина за неуспесите.

Желбата да си ги припишуваат успесите само на себе е знак на несигурност. Но преземање на одговорност за неуспесите ве прави вистински лидер. Шефовите не смеат да бидат диктатори, а да грижат и да ги заштитат луѓето. Само затоа што на картичката ви пишува „директор“, не значи дека сте лидер. За последното се бара време и посветеност.

Турската лира зајакна во однос на американскиот долар, по референдумот кој се одржа во земјата и ги зголеми овластувањата на претседателот. 

Лирата има скок од 3.5% на азиските берзи, објави Хина. 

Турскиот премиер Бинали Јилдирим прогласи победа доцна во неделата. 

По пребројани 99% од гласовите, за гласаа 51,35%, а против беа 48,65% од оние кои гласаа. 

Над 55 милиони Турци имаа шанса да се изјаснат за најголемите реформи во земјата уште од времето на Кемал Ататурк. 

69 отсто од граѓаните во Македонија не може да си приуштат да одат барем еднаш годишно на одмор или на некакво патување, а 68 отсто од граѓаните не можат да си дозволат да одат во кино или театар. Ова го покажуваат последните резултати од анализата на Институтот за економски истражувања „Фајнанс тинк“.

Во Анализата пишува дека за 78 отсто од населението во Македонија, платата или пензијата е основен извор на пари. Останатите преживуваат со помош на родителите, сопружниците, роднини од странство или од државата. Според ова истражување само една третина од населението успева да ги задоволи сите потреби и да заштеди дел од својот доход, 42,1 отсто успеваат да ги задоволат само потребите за храна и сметки, а 28,1 отсто не успеваат ниту тоа.

Повеќе на Макфакс