Наоѓањето работа сега може да ви се чини како невозможен потфат. На крајот на краиштата, ако многу компании мораа да отпуштаат голема бројка од своите вработени, како можат да имаат потреба од нови вработувања? И, ако бизнисот е во поволна позиција да го прошири својот тим, како можете да се издвоите од километарскиот куп на апликанти?

Прва работа: Земете здив.

Иако несомнено е тешко време за промена на работно место, сепак има можности за работа. Иако може да се чини како невообичаено време за барање нова работа, компаниите вработуваат за позиции со полно и скратено работно време, како и бараат други начини да ги прошират своите понуди.

Што бараат регрутерите периодов?

Работници кои самостојно се мотивираат

Како трагач по работа, сега треба да внимавате на многу хонорарни понуди или отворени работни места за работа од далечина. Но, без оглед на тоа каков тип на работа барате, менаџерите за вработување обрнуваат внимание на кандидатите кои се чини дека се самоиницијативно почетници во бараната област. Зошто?

Бидејќи не постои точна временска рамка кога официјално ќе се отворат компаниите за вработените целосно, регрутерите треба да донесат професионалци кои не само што се чувствуваат пријатно да работат од дома, туку се и најдобри во практиката. Потребни им се сигурни вработени кои не треба да бидат во канцеларија за да ја завршат својата работа. Тие треба да имаат можност да веруваат дека новиот вработен е доволно самостоен и дисциплиниран за да работи од дома или од канцеларија.

Работници кои демонстрираат флексибилност

Всушност во ваш најдобар интерес е да пренесете како сте се снашле за време на кризата. Повеќе од кога било, компаниите ги ценат вработените кои можат да се справуваат со „ударите“ од кризата и да останат позитивни.

Регрутерите сакаат да ангажираат некој пријатен и подготвен за правење промени во последен момент. Флексибилноста е неверојатно важна бидејќи регрутерите треба да притискаат силно дури и кога работите не одат според ветеното или според планираното. 

Работници кои се технолошки потковани

Сметајте дека ова е вашиот потсетник за да ги разгледате основите на Zoom - и осигурете се дека имате најдобра можна интернет- конекција дома. И, ако не сте го тестирале Slack, време е за тоа. Не треба да ја знаете секоја алатка за да се истакнете, но добро е барем најважните да ги имате во резимето во делот за дигитални вештини.

Да се ​​биде упатен во технологија е клучно во време на пандемија бидејќи луѓето работат на далечина, а сите апликации и алатки се префрлаат преку Интернет. Последната грешка што сакате да ја направите е да имате интервју со слаба конекција и регрутерите не може да разберат што зборувате, предизвикувајќи веднаш да го изгубат интересот.

Работници кои комуницираат ефикасно

Деновиве нема такво нешто како прекумерна комуникација. Со оддалеченостa на многу менаџери од нивните тимови, регрутерите обрнуваат внимание на тоа како потенцијалните вработени зборуваат, се справуваат со виртуелни дискусии и како се прилагодуваат на променливите околности. За да го демонстрирате ова важно е да вербализирате сè: вашите хоби и интереси, вашите квалификации со специфични примери, поставената канцеларија дома итн.

Скопје како еден од најзагадените градови во Европа, ќе стане првиот град на Западен Балкан кој ќе воведе систем на брз автобуски превоз (БРТ), рече градоначалникот Петре Шилегов на потпишувањето на договорот за кредитирање со ЕБОР во вредност од 70 милиони евра.

Договорот предвидува воведување на приоритетни автобуски коридори со хибридни автобуси за побрз и пофреквентен јавен превоз. Новиот систем на БРТ предвидува намалување на емисијата на јаглероден моноксид од над 95 отсто, на ПМ честичките за приближно 90 отсто и нитроген оксид и јаглероден диоксид за најмалку една четвртина.

,Горди сме што Скопје е првиот град на Западен Балкан кој го воведува БРТ. За граѓаните на Скопје ова е остварување на сонот после 40 години. Добиваме подобар транспортен систем согласно нашите потреби. Добиваме брз, безбеден и одржлив јавен транспорт, кој ќе биде атрактивен, и ќе овозможи намалување на сообраќајниот метеж и аерозагадувањето“, истакна Шилегов на денешната прес-конференција.

Анди Аранитаси, претставникот на ЕБОР, договорот го опиша како голем чекор во унапредување на транспортните услуги на Скопје и дека со овој превоз ќе се намали користењето на приватните автомобили. 

„Справување со загадувањето во Скопје е приоритет и ја поздравуваме посветеноста на властите за одлучна и брза акција, каде ЕБОР стои подготвен за целосна поддршка, што се покажува и со денешното потпишување на овој проект“ рече Аранатиси.

Од денеска на платформата на Управата за јавни приходи е поставен образецот на кој работодавачите од денес па се до 30 април може да ги поднесуваат Барањата за финансиска поддршка за исплата на плати на работниците за месеците февруари и март 2021 година.

Барањата се поднесуваат електронски за секој месец одделно, информираше директорката на Управата Сања Лукаревска.

Комплетноста на Барањето треба да го потврди Управата за јавни приходи, во рок од 3 дена од денот на доставувањето на барањето.

Условите од Законот за користење на финансиската поддршка се истите како и од претходниот Закон, односно работодавачот треба да има пад на приходите од најмалку 30 отсто, да не се врши исплата на дивиденда и награда за деловна успешност, работникот да нема остварено нето плата поголема од 39.900 денари во претходните 4те месеци, работодавачот да не исплатува нето плата повисока од 120.000 денари за месецот за кој се бара финансиската поддршка на повеќе од 10 отсто од вкупниот број на вработени, да не користи ослободување од плаќање на данокот на личен доход и придонеси од задолжително социјално осигурување, работникот да не е пријавен на дополнително работно време и работодавачот во годишната сметка и финансиските извештаи за 2017, 2018 и 2019 година, има остварено кумулативно акумулирани добивки пред оданочување помали од 600.000.000 денари.

Во месецот за кој се бара финансиска поддршка, работодавачот треба да има ист или поголем број на вработени споредбено со месец декември 2020 година со исклучок на одјавените работници по оправдани основи согласно законот. Овој услов рече Директорката немаат обврска да го исполнат работодавачите кои вршат угостителска дејност односно дејности за подготовка и служење на храна и објекти за сместување, како и транспортната дејност, односно копнен и цевоводен транспорт кој поради здравствените протоколи имаат затворено најмалку 50 проценти од своите капацитети преку кои го остваруваат прометот.

Висината на износот на финансиската поддршка по вработен ќе зависи од процентот на намалување на приход на работодавачот и истата изнесува од 14.500 денари по вработен за пад на приход од 30 до 40 проценти, до максимални 21.776 денари по вработен за намален приход над 80 отсто.

Министерот за финансии Фатмир Бесими вчерабрече дека вкупната вредност на оваа мерка е 1,9 милијарди денари, кои се издвоени од буџетот, а ќе се опфатат околу 60.000 работници. Фирмите ќе можат да аплицираат и за кредити од 3.000 до 30.000 евра согласно Ковид 4 бескаматната линија преку Развојната банка, за која се издвоени 615 милиони денари (10 милиони евра). Предвидено е за компаниите кои ќе го зголемат бројот на вработените или прометот, дел од бескаматниот кредит да им се трансформира во грант.

Викендот биткоинот доживеа таканаречен „флеш пад“, а во саботата вечерта, за помалку од еден час, тој падна за скоро 14 проценти, од 59.000 на 51.000 долари.

Падот продолжи и завчера, но и вчера утрото. Вчера, оваа криптовалута се тргуваше по цена од околу 54.000 долари, што е пад од околу 6% за 24 часа.

Другите популарни криптовалути, вклучувајќи ги Ethereum и Dogecoin, исто така драматично паднаа, пред да надоместат дел од нивните загуби.

Биткоинот нагло се зголеми во вредност оваа година, бидејќи доби зголемено прифаќање, но наглиот пад на цените овој викенд беше предизвикан од непотврдена гласина на Твитер дека Министерството за финансии на САД планира да ги спречи шемите за перење пари кои вклучуваат криптовалути.

Брзиот пад на биткоинот преку ноќ е најновиот индикатор дека пазарот на криптовалути останува крајно нестабилен.

„Крипто-ентузијазмот“ се чинеше дека го достигна својот врв минатата недела кога платформата Coinbase излезе во јавноста со околу 86 милијарди долари.

Застапниците на криптовалутите инсистираат со години дека биткоините, етереумот и другите дигитални монети можат да предизвикаат револуција во светот на финансиите.

Тесла започна да прифаќа плаќања со биткоин за своите автомобили и сега држи дел од дигиталните валути во својот биланс на состојба. И многу други, како PayPal, MasterCard (MA) и Visa, се обидуваат да ги насочат крипто плаќањата на нивните мрежи.

Во меѓувреме, најавено е дека Голдман Сакс наскоро ќе им понуди на своите приватни клиенти можности за управување со богатството да инвестираат во биткоини и други дигитални валути, а Морган Стенли најави дека на своите богати клиенти ќе им понуди пристап до фондовите на биткоин.