Скијачки одморалишта, фотоволтаични центри, ветерници, енергија од отпад, клинички центар, централа за гас, фабрика за челик, железница, гасификација, се само дел од новите инвестиции што ги објави премиерот Зоран Заев во рамките на планот за инвестиции 2021-2027. Според премиерот, тоа ќе донесе 12.744 нови работни места од 30 договори што се веќе потпишани со инвеститорите..

Вкупната вредност на Планот за интервенција за инвестиции 2021-2027 година е над 8 милијарди евра. Повеќето се приватни инвестиции или грантови од ЕУ, концесии, јавно приватно партнерство, што е вкупно 4,2 милијарди евра, изјави Заеви.

Премиерот рече дека Македонија е најатрактивната земја во Југоисточна Европа, не само во Западен Балкан.

Затоа што сме членка на НАТО. Дури и во најтешките моменти, институциите наоѓаат решенија. Зошто американската компанија одлучи да инвестира во Македонија? Закажавме специјална седница пред полноќ за експертите на Мерцедес од Германија да стигнат на време за време на најсериозниот врв на третиот бран, за да го постават уредот во втората фаза. Ниту полицијата ниту царината не можат да дозволат одредени патници да влезат во нашата земја и во странство, рече Заев..

Најави инвестиции во прехранбена индустрија, автомобилска индустрија, градежништвото, трговијата, а вели дека досега се потпишани договори со инвеститори од Турција, Швајцарија, Канада, Италија, Германија, САД, Холандија, Словенија и тројца инвеститори од земјава.

Минатата година помал број на странци добиле германски пасоши, вклучувајќи ги и македонските. Во 2020 со овој документ се стекнале 690 македонски граѓани (310 мажи и 380 жени).

Тоа претставува намалување од околу 19 проценти во споредба со 2019-тата, кога германски пасош добиле 850 граѓани од Северна Македонија (400 мажи и 450 жени). Тоа значи дека се помалку Македонци стануваат Германци, ако се знае дека во 2018 имало 940, а во 2017 година - 988 македонски граѓани.

Вкупно 109.900 странци добиле германски пасош минатата година, а најмногу тоа биле Турци, чиј број сепак паднал од 16.200 на 11.600.

Втори се Сиријците со 6.700 и овој број бил поголем отколку во 2019-тата (3.900). 

Технолошките компании Dell и HP генерираа квартални приходи што ги надминаа проценките на Вол Стрит, бидејќи потрошувачите продолжија да купуваат компјутери, дури и со намалувањето на ограничувањата во многу делови на светот.

Сепак, акциите на Dell и HP паднаа за еден и шест проценти, соодветно, откако обете компании предупредија дека недостатокот на чипови може да влијае на нивната можност да ја задоволат побарувачката за лаптопи оваа година.

Расположливоста на залихите и деловите остануваат ограничени, рече главниот финансиски директор на „Дела“, Томас Свит, додавајќи дека зголемувањето на трошоците за набавка на овие чипови ќе влијае на приходите од работењето во тековниот квартал и ќе доведе до малку пониски приходи.

HP рече дека недостигот ќе ја ограничи неговата можност за испорака на електронските уреди барем до крајот на годината.

Сепак, обете компании очекуваат раст на целиот пазар, бидејќи побарувачката за лаптопи, кои се потребни во училиштата и телекомуникациската работа, ќе се зголеми.

Дваесет и две компании кои имаат над 200 работни позиции беа дел од  5-тиот по ред “Саем за кариера” во организација на Младински Културен Центар- Битола, каде сите кои се во потрага по работа, без досегашно искуство или пак им е потребна дообука, подобро да се запознаат, да се информираат и да го направат првиот чекор кон нивното  вработување.

Имајќи ги во предвид брзите динамики кои се случуваат денес, а кои се јавуваат како последица и во пазарот на трудот, ваквото партнерско делување дава шанса повеќе за оние кои бараат работа и оние кои имаат потреба од вработување на кадри. Треба да делуваме во преквалификациите и дотурот на информации за тоа кој тип на профили се потребни за нудење на работни услуги кон фирмите. Се надевам дека овој проект кој има три делови, прво бизнис старт-ап центарот, саемот на кариера и третиот јакнење на ИТ вештините кај популацијата, сите три дaваат можност младите луѓе, самохраните родители, а воедно и оние кои ги доживеале последиците од пандемијата во својот работен ангажман да добијат шанса повеќе, рече градоначалничката на Битола, Наташа Петровска.

Оваа активност е единствена во државата поддржана од Меѓународната организација на трудот , преку фондови на ЕУ, а Општина Битола беше еден од многуте апликанти кои беа препознати како единствена проектна апликација која се поддржа и која финишира со ваков голем настан.

Близу 40 проценти од луѓето од Западен Балкан кои немале странско државјанство или биле со привремен престој во земјите на ЕУ со појавата на пандемијата се вратиле и останале дома. Најголем дел од нив се сѐ уште тука, со можност поголемиот дел од нив да останат во своите држави и тука да почнат да придонесуваат со работа , преку отворање на сопствени бизниси или вклучување како експерти во различни бизниси, истакна Сашо Додовски директор на Младинскиот културен центар од Битола, повикувајќи се на истражувања од Европската Унија.

Мисијата на “Саемот за кариера” е да информира, мотивира и едуцира невработени лица од општина Битола да аплицираат и да се вработат во брзорастечки компании, големи компании, мали и средни бизниси, иновативни бизниси и старт ап компании кои нудат слободни работни места.

Исто така една од целите е да ја поврзува  бизнис заедницата, продолжува  како и мотивирање на младите да останат во својот роден град, да започнат свој сопствен бизнис и/или да се вклучат во едукативни програми и да работат на сопствениот кариерен раст и развој.

Во секоја голема криза, како што е оваа глобалната здравствена криза со Covid-19 која предизвика и очекувана економска криза, може да биде и период за  огромни шанси. Ова особено важи за земји, кои што побргу ќе го фатат чекорот со развиениот свет преку засилена дигитализација и уште позабрзан развој на стартап- сцената. А изминатата година и тоа како не префрли во онлајн светот. Овде денес гледам и шанса за реално поврзување на бизнис секторот со младите од Битола и знам дека ќе резултира со успеси кои како индикатори ние ги следиме,  изјави Наташа Симјановска проектен координатор на Меѓународната организација на трудот со седиште во Скопје.

На настанот беа поканети и четири мотивирачи-говорници кои ги раскажаа своите лични приказни на успех, Весна Иваноска – генерална менаџерка на Сеавус едукативен и развоен центар, Пеце Цветковски-Персата, кој Вила Дихово ја претвори во туристички производ за кој зборува светот, Мартин Ангелов основач на Улаф Сте- првото знаковно кафуле и Елена Петровска која работи во Cylindo Битола, старт-ап компанија која има свои канцеларии во Копенхаген, Бостон и Скопје.