Главниот координативен кризен штаб на Владата на Република Северна Македонија за обезбедување целосна координација на органите на државната управа, на правните лица основани од државата, како и на единиците на локалната самоуправа, во врска со спречување, внесување и ширење на коронавирусот КОВИД-19 на денешниот состанок ги разгледа и потврди препораките на Комисијата за заразни болести за олабавување на мерките за заштита од КОВИД-19 и ги предлага на конечно усвојување на утрешната Владина седница.

На состанокот на Главниот кризен штаб, по исцрпната дискусија и имајќи ја предвид поволната моментална епидемиолошка состојба со КОВИД-19 во државата, која се карактеризира со намалување на 14-дневна инциденца (бројот на новонастанати случаи) на позитивни случаи, намалување на позитивни тестови за КОВИД-19 во однос на вкупен број тестирани лица, намалување на бројот на активни случаи и бројот на хоспитализации, по препорака на Комисијата за заразни болести, беа донесени следните предлог-препораки за олабавување на мерките, почнувајќи од 1 јуни 2021 година:

1. Укинување на мерката носење на заштитна маска на отворено со препорака за носење на маска кога лицата се во поголема група. Останува на важност мерката за задолжително носењето на заштитна маска во јавен превоз, такси превоз и во сите затворени простори.

2. Да се дозволи присуство на публика на спортски натпревари кои се одржуваат на отворено до 30 проценти, од вкупниот капацитет на посетители, со задолжително почитување на растојание помеѓу посетителите од 1,5- 2 м (три седишта) и со доследно применување на мерките за заштита од КОВИД-19.

3. Се укинува мерката за забрана за групирање на јавен простор на не повеќе од 4 лица.

4. Да се дозволи организирање на свадби, прослави, веселби на отворен простор/летни тераси до максимум 100 лица, но не повеќе од 50 проценти од капацитетот на просторот и до максимум шест лица на маса со обезбедување на препорачаната дистанца помеѓу лицата. Присуство на музичари е дозволено само при организирање на свадби, а согласно соодветен протокол.

5. Се зголемува бројот на лица на една маса во угостителските објекти од четири лица на шест лица со обезбедување на препорачаната дистанца помеѓу лицата на масата.

6. Се препорачува укинување на мерката за работа во смени и од далечина (член 3 т. 14 од Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразната болест КОВИД-19 предизвикана од вирусот SARS-CoV-2,случаите и временскиот период на нивна примена („Сл.В.РСМ“ бр.263/20),

7. Продолжува да важи мерката за полициски час до 15.06.2021 година.

Не може да се каже дека таа е губитник по разводот со Џеф Безос...

Велат дека по разводот сите се губитници, но тоа не може да се каже за поранешната сопруга на најбогатиот човек на светот, Џеф Безос, Мекензи Скот.

Жената која му помогна на својот поранешен сопруг да ја изгради познатата империја „Амазон“, тивко напредува по најскапиот развод во историјата.

Како последица на разводот, таа денес е прогласена за најбогата жена на светот.

Првиот голем чекор по разводот се случи кога таа донираше дури 1,7 милијарди долари во добротворни цели. Тоа беше јасен потег на некогаш срамежливата публицистка за време на нејзиниот 25-годишен брак со технолошкиот магнат.

Мекензи го врати своето моминско презиме Скот, што ја крена од сенката на Џеф Безос.

За време на разводот, Џеф и Мекензи споделија 137 милијарди долари, а таа доби нето 38 милијарди во форма на акции на Амазон.

Сепак, сето ова докажува дека Мекензи не била само обична сопруга која живеела на сметка на нејзиниот сопруг, туку жена која исто така придонела за растот на Амазон.

Растејќи во Сан Франциско, Мекензи е ќерка на финансиски планер и домаќинка, а го запознала Џеф уште во 1992 година кога била 23-годишна студентка на постдипломски студии.

Иако имала амбиции да стане писателка, за да преживее, станала истражувач во анкетна куќа. И погодете кој беше нејзиниот претпоставен - токму Џеф Безос.

Работејќи во заедничка канцеларија, таа вели дека веднаш се за вљубила во неговата насмевка. По неколку месеци излегување, тие се венчаа.

„Мислам дека сопругата е паметна, снаодлива и многу згодна. За среќа, имав можност да ја видам биографијата пред да ја запознам“ - изјави Безос за Вог уште во 2013 година.

Првата нивна заедничка канцеларија беше во гаража во Сиетл, а таа беше сметководител на тогашната мала почетна компанија и помогна да се дојде до сега познатото име Амазон.

Како што растеше компанијата, желбата да стане писателка падна во заборав, покрај тоа што одгледа четири деца - три сина и ќерка посвоени од Кина. Сепак, во 2005 година, таа успеа да го објави романот „Лутер Олбрајт тестирање“ и во 2013 година „Стапици“, работејќи од изнајмен стан во близина на нивната куќа.

Иако беше мажена за најбогатиот човек на светот и како интровертна личност, таа понекогаш го придружуваше својот сопруг на јавни настани, како што беше Мет Гала во 2012 година, кога блескаше во креацијата на креаторот Хуан Карлос Обанд.

Најскапиот развод во историјата

Сепак, во јануари 2019 година, парот објави дека се разведува во заедничка изјава. Но, мирниот развод се претвори во медиумска афера за наводната афера на Безос со Лорен Санчез.

Санчез, која е пилот, тогаш изјави дека станала поблиска со Безос откако работеле заедно во неговата компанија Blue Origin, која се занимава со летови во вселената.

Медиумскиот скандал се влоши кога се откри дека Лорен е таа што ги испратила сите преписки на парот до списанието National Enquirer.

И за време на сето ова, Мекензи молчеше и не даваше изјави за медиумите.

Денес таа е на листата на најбогати жени, а на тронот ја замени Франсоаза Бетенкур-Мејер, француската наследничка на Лореал, која заедно со своето семејство поседуваат 33% од сопственичкиот удел во компанијата.

Мекензи храбро оди напред и останува да видиме кој всушност ќе жали за разводот.

Прекумерното работење физички и психички ги оптоварува работниците и води кон здравствени проблеми.

Стрес, несоница,  исцрпеност, се само дел од работите со кои се соочуваат македонските работници кога е во прашање менталното здравје, набројува психологот Милка Ололоска. Таа вели дека кај нас дел од луѓето се во трка за да преживеат, а другите пак се во трка за акумулирање на што поголем капитал.

Секоја работа бара и ментално ангажирање, нудење на решенија, давање на идеи. Што и да работиме ние ментално се оптоваруваме. Поради работата луѓето ги мачи хроничен стрес, а со тоа доаѓа и пореметување на сонот, нередовно јадење. Ако луѓето не се задоволни од работа, тоа го носат и дома. Се чувствуваат напнати, исцрпени, презаситени, вознемирени и не гледаат некоја цел или перспектива, туку едноставно гледаат да преживеат, да си обезбедат егзистенција. Сетоа тоа е како еден затворен круг. Работите во системот се така поставени и затоа луѓето немаат некоја мотивација. Дури и она слободно време кое го имаат, поради пандемијата и други фактори не го поминуваат квалитетно, вели Ололоска.

Целата статија прочитајте ја на фактор.мк

Да се намали стапката на Данокот на додадена вредност (ДДВ) кој граѓаните го плаќаат на испорачаните сметки за струја откако ќе псокапи наесен електричната енергија. Ова го размислувала Владата, а според информации на Фактор веќе почнале пресметките за тоа колку откажувањето од дел од овој данок ќе го чини буџетот. Во  меѓувреме, лидерот на ВМРО-ДПМНЕ, денеска на брифинг со новинари рече дека партијата планира да ја почека влaста, но ако не го стoри тоа ќе иницираат предлог измени со што ДДВ би се намалил од 18 на 5 проценти за сметките за струја кои ги плаќаат граѓаните. Со тоа, како што вели, би се амортизирал ударот за граѓаните.

Мицкоски тврди дека поскапувањето на струјата ќе биде околу 15 проценти и вели дека државните Електрани се во загуби и во долгови.  

„Ќе почекаме да видиме како ќе реагира власата ако не преку КОмисијата за финансирање и буџет ќе иницираме промени на стапката на ДДВ. Тоа ќе го чини буџетот 100 милиони евра, пари кои Владата може да ги надомести од друго место. Нека си ги скратат непродуктивните трошоци, нека ги намалат крадењата, нека намалат со купување лимузини по институциите. Ете ги парите. Ќе ги заштедиме на пократок рок на година две, преку разни државни хартии од вредност, а граѓаните ќе бидат заштитени и нема да има ценовен шок и намалување на куповната моќ на домаќинствата. Во спротивно, цената на електричната енергија ќе предизвика сериозен потрес на економијата, рече Мицкоски.

Инаку се уште не се готови анализите за тоа колку ќе поскапи струјата. Енергетските компании ги доставуваат извештаите и барањата до Регулатроната комисија за енергетика која ќе го има конечниот збор. ЕВН Хоум моментно и плаќа поскапа струја на Електрани на Северна Македонија по што се очекува растот да се преслика и во сметките. Моментно ЕСМ има долгови, а најверојатно и во загуба. Мицкоски тврди дека во 2017 година АД ЕЛЕМ била во одлична техничка и финансиска состојба, со реновирана главна опрема во термо и хидро централите, со финансиска резерва од 20 милиони евра, без долгови кон никого и сите финансиски обврски према странски и домашни доверители исполнети, а во моментов оваа компанија ги истрошила сите ресурси и затоа се очекува и поскапување на електричната енергија, со што власта како и секогаш порано ќе удри врз грбот на граѓаните.

Тој обвини дека државата вештачки одржувала поевтина струја, затоа што тоа ѝ одговарало политички за време на референдумот и изборите.