Како дел од кампањата на KARIERA.mk за жени претприемачи, разговараме со Катерина Селамовска, млад политиколог, основач и CEO на Lexion Group, фирма која се занимава со политички и маркетинг консалтинг.

За да созрее една бизнис идеја треба време, колку требаше за LeXion Group?

LeXion Group е компанија којашто е неодамна основана. Основањето на компанијата не беше долг и сложен процес.  Идејата беше присутна, но храброста беше пресудна.  Така за еден месец беше реализирана замислата за LeXion Group.

Како се одвиваше процесот од идеја до реализација?

Основање на LeXion Group произлезе од идејата на пазарот да се појави тим на млади ентузијасти, секој од нив подеднакво добар во својата бранша, коишто ќе дадат една подобра, современа и поинаква перспектива за подобрување на конкурентноста на брендовите и политичката стратегија.

Која е целта на LeXion Group?

Целта на LeXion Group произлегува од нашето мото е “Ништо освен најдоброто, не е доволно добро”. Оттука нашата цел е преку детално истражување на пазарот и стратешко планирање да им помогнеме на нашите клиенти да се развиваат и унапредуваат на деловен план, а со самото тоа да придонесеме за подобрување на деловната клима во Македонија. Исто така да послужиме како стимул и за другите млади да започнат свој бизнис, бидејќи на младите останува светот.

Каква нова вредност додава на пазарот LeXion Group?

Новата вредност на пазарот којашто ќе ја даде LeXion Group e тоашто конечно после долго време бизнис светот ќе биде “размрдан” од визијата на млади луѓе, кои ќе ги донесат новите трендови во нашето поднебје.

Што е потребно за да се создаде бренд?

За да се создаде бренд којшто ќе фигурира долг период на пазарот потребни се  истрајност и чесна работа.

Што им препорачувате на младите и амбициозни луѓе?

На сите млади и амбициозни луѓе кои се во потрага по успешна професионална кариера би им препорачала пред се да веруваат во себеси и да не се плашат да превземат ризик. Им препорачувам да се истрајни, упорни, да работат напорно за да ги реализираат своите цели и да учат од грешките. Само со овие квалитети успехот ќе биде загарантиран.

Сања Лукаревска, директорката на Управата за јавни приходи, на денешната прес-конференција рече дека 2.286 претпријатија кои лани добиле финансика помош од државата за исплата на плати на своите вработени, оваа година треба да ја вратат истата.

 Од 3.853 даночни обврзници, 2.286 даночни обврзници им се генерирани решенија за враќање на финансиска помош, додека 1.558 не треба да ја вратат финансиската помо. За претворање во грант комплетирани се 1.288 барања, од кои 801 се прифатени, додека 408 не се прифатени. И натаму очекуваме да има нови бројки, ќе се менува бројката од ден во ден, односно ќе се усогласуваат барањата, рече Лукаревска.

До 31 мај 181 работодавач на кој што му била одобрена финансиката помош за исплата на плати за март и вефруари не им ги префрлиле парите на работниците. Од нив, 24 не изплатиле ниту за двата месеци.

Вкупно од овој циклус, 753 месечни плати не се исплатени, а вкупната сума е 12.071.908 денари.

Доставени се опомени, а по истекувањето на рокот, следува присилна наплата како и глоба од минимум 500 до 10.000 евра во зависност од големината на правното лице, наведе Лукаревска.

За претходниот циклус - октомври, ноември, декември дури 5 работодавачи ги немаат исплатено платите за сите три месеци. Севкупно, тука има 365 неисплатени вработени, за сума од 5 милиони денари 

До Генералниот секретаријкат ќе биде испратена нова листа за јавна објава и известување за понатамошни дејствија до ОЈО, најави првиот човек на УЈП.

Утре ќе заседава Кризниот штаб на грчката Влада, а можни се промени на правилата за влез во земјата. Најверојатно, границата за деца кои мораат да имаат негативен тест за ПЦР ќе се зголеми на минимум 10 или 12 години, како што е случајот за влез во повеќето земји на ЕУ, а можно е за тие кои не се вакцинирани, наместо ПЦР тест да се прифаќа и негативен тест на антигени. Откако добил информации измените ги најави Александар Сеничиќ директорот на Националното здружение на туристички агенции на Србија (YUTA).

Се надевам, со оглед на тоа што Европската комисија го прифати антиген тестот за Хрватска, Бугарија и за голем број други земји на ЕУ, дека и Грција ќе го прифати како модел, бидејќи ПЦР тестот е многу скап. Моите последни податоци зборуваат за фактот дека тестот за антиген ќе биде прифатен, рече Сеничиќ во изјава за ТВ К1.

Тој рече дека има голем интерес за летни одмори во Грција, но пред се оние кои имаат алтернативни патувања, додека другите туристи од Србија се претпазливи и чекаат да се олеснат условите за влез во таа земја.

Сеничиќ рече дека плажите во таа земја се отворени, но сè уште нема многу капачи, бидејќи морето е студено.

Министерството за внатрешни работи на Република Северна Македонија ги информира граѓаните дека поради надградба на системот за лични документи, од  11. 06. 2021 година (петок) започнувајќи од 16 часот, заклучно со 15. 06. 2021 година (вторник-во текот на целиот работен ден до 20 часот) нема да биде во функција системот за прием и издавање на лични документи (лична карта, пасош и возачка дозвола) во Скопје.

Од тие причини се известуваат граѓаните од подрачјето на град Скопје кои имаат закажано термин за аплицирање за личен документ (лична карта, пасош и возачка дозвола) на 11. 06. 2021 година по 16 часот, да дојдат во просториите на Министерството каде што имаат закажан термин за  личен документ истиот ден (11. 06. 2021 година) до 16 часот.  

Граѓаните кои имаат закажан термин за 14. 06. 2021 година, правото за поднесување на барање за личен документ, ќе можат да го остварат на 05. 06. 2021 година на исто место и во истиот час и минути како што имаат закажано.  

Граѓаните кои имаат закажан термин за 15. 06. 2021 година, правото за поднесување на барање за личен документ ќе можат да го остварат на 06. 06. 2021 година на исто место и во истиот час и минути како што имаат закажано.  

Воедно ги информираме граѓаните готовите лични документи да ги подигнат до 11. 06. 2021 година до 16 часот или од 16. 06. 2021 година.