Државниот здравствен и санитарен инспекторат (ДСЗИ) по третпат му забрани да работи на Иван Исцелител, откако продолжил да ги нуди своите надрилекарски услуги.

По добиена дојава дека во атарот на селото Старо Нагоричане, Иван престојува и прима пациенти, екипа на ДСЗИ изврши вонреден инспекциски надзор. Во моментот на надзорот затекнати се шест лица кои чекале средба со Иван. Еден од присутните изјавил дека со Иван само разговарале и немале физички контакт, а не им бил препорачан каков било препарат, што го потврдил и Иван –  велат од инспекторатот.

ДСЗИ претходно му ја затвораше „ординацијата“ на Иван во близина на Клиничкиот центар во Скопје во тензична атмосфера поради тоа што пациенти ги колнеле инспекторите. Станарите од соседството негодувале зашто се правел метеж од паркираните автомобили. Исцелител тогаш изјавуваше дека ординацијата му била затворена зашто сите пациенти од Клинички доаѓале кај него.

Обвинителството и Министерството за внатрешни работи повеќе од 10 години не покренуваат обвинение против надрилекарот Иван Исцелител, кој за себе веќе изгради слика на „Божји пратеник“ и хуманитарец, а му беше отстапуван простор и на телевизија.

Денес тој на социјалните мрежи отворено промовира дека им помага на пациенти болни од рак, тумор, цисти, мигрени, епилепсија, депресија, шизофренија, страв, зуење во ушите, вртоглавица и уште барем 50 дијагнози со кои современата медицина едвај излегува на крај. На Фејсбук тој тврди дека помага без пари, но секој пациент му остава или пари или храна, која што тој потоа вели дека ја донира на социјално загрозени граѓани. Во своите објави на социјалните мрежи тврди дека донирал 4.401 пат, а лани тврдеше дека со своите молитви успеал да го спаси српскиот пејач Дарко Лазиќ од смрт по сообраќајката.

Извор: Слободен Печат

Станува збор за договор меѓу Европската комисија и институциите на ЕУ од 2019 година, кој потона во заборав и може драстично да го промени светот на автомобилите и воопшто патниот транспорт.

Оваа одлука треба да стапи на сила во 2022 година, што значи дека оттогаш сите нови автомобили ќе бидат опремени со ограничувач. Не мислиме на класичните ограничувачи кои работат со 250 км на час во премија и со 180 км на час во Волво. Судејќи според најавите, границата ќе биде значително пониска и зависи од голем број фактори.

Имено, овој систем треба да користи податоци за позиционирање на GPS, системи за читање сообраќајни знаци и веројатно извештаи за состојбата на патот. Ова значи дека ограничувачот би работел на сите јавни патишта, од градски улици до празни автопати.

Рори Рид исто така зборуваше за сè и сними видео во кое објасни што можеме да очекуваме во иднина.

Автомобили хомологирани пред 6.7.2022. ќе треба да ја усвојат технологијата до 2024 година. За работењето на системот не се знае многу, но се претпоставува дека возачот кој премногу го компресира бензинот ќе биде известен со светло и звучно предупредување, можеби со вибрации, а последната реакција би била присилно ослободување на бензин.

Законот ќе се однесува на целата ЕУ, вклучително и на Обединетото Кралство, и се претпоставува дека тој ќе го придвижи светот посилно кон имплементација на системи за автономно возење. Се претпоставува дека Америка ќе преземе автомобили со оваа технологија, барем некои од нејзините земји.

Помош од државата ќе добијат туристичките водичи. 

Владата на денешната редовна 86-та седница го разгледа извештајот за спроведениот јавен повик за финансиска поддршка на лиценцирани туристички водичи и донесе одлука да се одобрат 2.460.000,00 денари за 80 лиценцирани туристички водичи кои ги исполнија условите и критериумите утврдени во јавниот повик.

Со оваа одлука на туристичките водичи ќе им биде исплатена еднократна финансиска поддршка во висина од 30.750 денари за надминување на последиците од ковид кризата опфатена во шестиот пакет мерки на Владата.

Она што денес се случува во банкарството во светот слободно би можело да се нарече технолошка револуција. Електронското банкарство во последно време завзема се поголем замав во употребата, без разлика дали станува збор за физички или правни лица тоа претставува основна потреба во современиот живот. Неговиот развој е тесно поврзан со информатичката технологија (компјутери, интернет мрежа, мобилна телефонија, банкомати, магнетни картички, чипови) и сл. Целта е да се избегне метежот во експозитурите и филијалите, а воедно и да ни помогне да стигнеме да ги платиме сметките и покрај долгиот напорен работен ден.

Во Македонија, забрзан развој на електронското банкарство е забележан во последниве две години. Анализата направена од Институтот за развој на електронски комуникации покажува дека сите 14 банки во земјава на своите клиенти им нудат електронско банкарство. Ги нудат услугите преку нивните интенет страници странции преку мобилна апликација. Секако секоја банка промовира свој начин за плаќање, со различни можности и цени на услугата.

Комерцијална банка како најголема банка во Македонија, ја држи и лидерската позиција во електронското банкарство нуди интернет банкарство и две мобилни апликации m-bank  и  Kompay. 

Стопанска банка АД - Скопје е банка со најдолга традиција на македонскиот пазар, во понудата вклучува три услуги е-банкарство, м-банкарство и телефонско банкарство.

НЛБ како трета по големина банка во земјава е меѓу лидерите во поглед на имплементација на новите технологии и канали за комуникации. НЛБ нуди класично веб банкарство, две мобилни апликации, како и дигителен асистент преку мобилна апликација Вибер. 

ПроКредит Холдинг е компанија мајка на глобална група од 21 ПроКредит bанки. Специфичност на нивната веб страна е интерактивниот водич преку кој потенцијалните клиенти можат да се запознаат со основните карактеристики на електронското банкарство и услугите кои ги нуди оваа банка.

Шпаркасе нуди ,,Net-Banking’’, ,,S-banking’’, ,,S-Token" за плаќања СМС известувања, како и изводи преку меил. Во оваа широка листа на банки влегуваат и УНИ-Банка, Битолската Стопанска Банка, ТТК Банка, Силк Роуд, Капитал Банка.

Ова се оналјн верзиите на нашите банки:

• Стопанска банка АД 
• Комерцијална банка
• Халк банка
• Капитал банка
• Шпаркасе банка
• Силк Роуд банка
• ТТК банка
• Про Кредит банка
• Стопанска банка АД Битола
• Уни банка