Ангела Меркел е една од најмоќните жени денес. Таа сака фудбал и наука, но има паничен страв од кучиња. Својот приватен живот го чува во тајност.

Многу работи не сте ги знаеле за Ангела Меркел до сега, а ние издвоивме неколку најинтересни:

1. Нејзиното моминско презиме е Ангела Каснер, додека презимето Меркел е од нејзиниот прв сопруг.

2. Германците ја нарекуваат МАМА уште од далеку.

3. Додека студирала, Маркел работела како шанкерка на студентски диско-забави.

4. Таа има завршено физика и докторат по квантна хемија. Некои велат дека таа постигнала успех затоа што пристапила кон проблемот од научна, аналитичка гледна точка.

5. Откако се разведе од својот прв сопруг, таа живееше во нелегален стан во близина на железничката станица. На нејзиниот триесетти роденден, татко ѝ доаѓа да ја посети и разочарано ѝ вели: „Не си дотуркала многу далеку!“

6. Ноќта кога падна Берлинскиот ѕид, во ноември 1989 година, Ангела Меркел имаше 35 години. За да го прослави овој голем настан, таа отишла во сауна, подоцна прошетала кратко и испила пиво. Таа брзо се вратила дома да се одмори бидејќи утре бил работен ден. Сите други во Германија беабудно до утрото.

7. Нејзиниот сопруг Јоаким Зауер е професор на универзитетот во Берлин. Тој не сака публицитет, па затоа не се појави ниту на инаугурацијата на Меркел во 2005 година. Тој обожава опера и пешачење и лета со евтини летови дури и кога му е дозволено да патува со Ангела со службени авиони. Поради неговиот интерес за опера, и недостаток од тоа во јавноста, Германците го нарекуваат „Фантом на операта“.

8. Меркел е добра готвачка. Обожава да прави колачи со сливи и често се гледа како купува намирници во супермаркет. Таа има навика да прави појадок за нејзиниот сопруг секое утро.

9. За неа велат дека живее во изнајмен стан со нејзиниот сопруг, професор по квантна физика и дека сака да готви супа од компир.

10. Уште во 1995 година, ја касна куче, а потоа се појави силен страв од кучиња кај неа. А се вели дека Путин често ја запознавал со своите миленици, кучиња, за време на официјалните посети.

11. Меркел обожава фудбал и честопати влегува во соблекувалните на мажите за да им ја честита победата. Се вели дека при една таква ненадејна посета, таа случајно го видела Бастијан Швајнштајгер (сопругот на Ана Ивановиќ) гол.

12. Минатата година беше забележано исклучително лошо здравје на Ангела Меркел. За време на официјалните посети, канцеларката беше обземена од трепет што беше видлив и кој траеше подолго време. Германците се сомневаат или дека Ангела има рани знаци на Алцхајмерова болест или дека станува збор за алкохолизам.

13. Утре Меркел ќе го прослави својот 67-ми роденден.

На светските берзи паднаа цените на акциите минатата недела, бидејќи инвеститорите стравуват дека ширењето на делта варијантата на коона вирусот во светот ќе го забави закрепнувањето на економиите, а високата инфлација ќе ги наведе централните банки да ја заострат монетарната политика.

Падот на индексите во последните четири недели се должи на значителниот пад на цените на акциите во петокот, откако беше објавено дека бројот на случаи на новоинфицирани со коронавирус во САД минатата недела се зголеми за 70 проценти и бројот на смртни случаи за 26 проценти.

Досега, инвеститорите ги игнорираа вестите за ширењето на делта варијантата на вирусот во Азија и Европа.

Според анализите, индексот на технолошкиот сектор S&P 500 загуби повеќе од 1,5 проценти во четвртокот и петокот. Енергетскиот сектор минатата недела падна уште повеќе, во просек 8 проценти, како резултат на падот на цената на нафтата, откако членките на ОПЕК се согласија на компромис за зголемување на производството. 

Во склоп на нашата кампања за поддршка на млади жени претприемачи, денес разговараме за инспиративната приказна на Стефани Караџовска, сопственик на друштво за производство на филмови, видеофилмови и телевизиска програма КОКОС ПРОДУКЦИЈА.

1.Најпрво, раскажете ни која беше вашата основна идеја при креирање на вашата компанија и од каде потекнува мотивот за создавање на истата?

Основањето на фирмата се случи во период од мојот живот кога размислував за прекфалификација во дејност која ке ми нуди простор за креативно изразување. Во тој период заедно со брат ми Кристијан Караџовски кој е професионален кинематограф со долгогодишно искуство, а дотогаш цело време од позиција на слободен уметник дојдовме до идеја за започнување на нешто ново и свое. Токму во тој период наидов на повик за грантови за самовработување на млади лица и едноставно знаев дека тоа беше вистинскиот момемент за аплицирање.

2. Кажете ни нешто повеќе за вашата дејност, која е основната идеја и цел кон која се стремите?

Просторот за креативно изразување во оваа дејност е завидно голем. Работиме на тоа преку creative storytelling да ги доближиме продуктите на компаниите до граѓаните, изработка на рекламни и промотивни видеа следејќи ги последните трендови на анимација, продукција и постпродукција, снимање на музички спотови, фестивали, фотосесии, документарни серијали и слично. Се стремиме кон тоа Кокос Продукција да расте во однос на проекти и број на вработени нудејќи го најквалитетното од себе.

3. Кои се актуелните проекти на кои работите во моментот?

Моментално најмногу работиме со снимање на документрани серијали во соработка со невладини оганизации. Соработувавме со ИРЛ – Истражувачка репортерска лабораторија во снимањето на првата сезона на серијалот, а соработката продолжува и за втората сезона. Во тек на изработка е проект со КСП Центар – Јадро во кој работиме на целосна продукција вклучувајќи режија и сценарио, a неодамна работевме и на музички спот “Копнежи”. Продолжуваме да работиме и на останати тековни проекти.

4. Што за вас значи да се биде жена претприемач во нашата држава и како ја

доживувате бизнис атмосферата во моментот?

Ова искуство е ново за мене и сеуште го пронаоѓам одговорот на ова прашање, но

ова за мене е можност да докажам дека успешен бизнис може да биде предводен  независно од полот. Бизнис атмосферата е доста конкурентна со оглед на тоа што се повеќе луѓе се заинтересирани  и се приклучуваат во работа на оваа дејност.

5. На крај, би сакале да прашаме како изгледа вашиот план за иднина, каде ја

гледате вашата компанија и која е вашата најголема желба за вашето развивање на овој пазар?

Кокос Продукција во иднина ја гледаме со оставен голем број на квалитетни и успешни проекти зад себе, а работејќи на тековни проекти со зголемен број на вработени млади и талентирани креативци. Нашата цел е да се равиваме во повеќе правци, со работење на различни проекти и ширење на работното портфолио. Се надеваме дека во иднина Кокос Продукција ке се истакне како доверлива фирма која и понатаму ке ја има можноста да нуди успешна креативна експресија.

По седум месеци Град Скопје ги заврши градежните работи на новиот бул. „Никола Карев“ во Скопје, со изградба на нови 980 метри, и денеска беше официјално пуштен во употреба. Инвестицијата на Град Скопје е околу 160 милиони денари. Булеварот има четири коловозни ленти, две комбинирани – велосипедски и пешачки патеки поради фреквентниот сообраќај, а направен е и потпорен ѕид од 690 метри.  Има и лед (смарт) осветлување, за кое градоначалникот Петре Шилегов рече дека ќе биде воведено во фази во градот.

Град Скопје на овој потег реши нешто што повеќе децении беше проблем на граѓаните на Скопје. За седум месеци успеавме да изградиме нови 980 метри нов булевар. Со потпорниот ѕид целосно го заштитивме автопатот и ридот кај касарната („Илинден“) со целосна подземна инсталација која ќе овозможи долготрајно и безбедно користење на овој скопски булевар. Минатата година почнавме со т.н. Пластичарска која е на истиот овој булевар „Никола Карев“, на потег од 1400 метри, и ова е всушност втора фаза, изјави Шилегов на официјалното отворање на булеварот.

За вторник најави почеток на градба на голема клучка кај Момин Поток, а од понеделник Град Скопје ќе ја почне и најавената реконструкција на многу градски сообраќајници.

Затоа ги замолувам граѓаните на Скопје да бидат трпеливи и да ги почитуваат сообраќајните режими, ќе бидеме брзи и квалитетни, како и секогаш досега. Ја обновуваме инфраструктурата која повеќе децении не била ни воопшто пипната и во агендата на Град Скопје, рече Шилегов.

Градоначалникот на Карпош Стефан Богоев изјави дека сообраќајницата „Никола Карев“ е исклучително важна за жителите на Карпош.

Ова беше тесно грло и простор каде што се создаваше огромна гужва и граѓаните не можеа да стигнат до своите домови или на работните места. Дополнително, покрај решавање на сообраќајниот проблем, со овој булевар се создаваат и предуслови за урбанистичко ширење на градот на Скопје во северниот дел. Општина Карпош донесе и ДУП-ови за делот зад касарната „Илинден“ и ваквата инфраструктура и кружниот тек што е најавен за неколку дена кај Хубо-маркет и клучката, придонесуваат за развој на овој дел од градот, рече Богоев, додавајќи дека во неговата општина има тековни реконструкции на повеќе сообраќајници – во Карпош 1,2 и 3 и во Нерези.