Добро позната е фразата дека „Македонецот е познат по тоа што заработува 250 евра, а во месецот троши дупло повеќе“. Па така, и кога станува збор за годишниот одмор, не е мал бројот на Македонци кои се одлучуваат да заминат на море на кредит.

Работиме приватно и јас и сопругот, тргаме на страна заштеда за одмор, но секогаш нешто друго ќе излезе и заштедата ни оди за тоа. Кога ќе дојде време за одмор се чудиме како да ги организираме финансиите за да ги одведете децата на море. Последниве неколку години земаме потрошувачки кредит кој потоа го отплаќаме со месечна рата. Едноставно банката ни одбива од платата и мислам дека не е осетно, вели 38-годишната скопјанка Ели П.

Ние со партнерот одамна сакаме да го посетиме Египет. Годинава решивме да подигнеме кредит за да си го оствариме сонот, бидејќи во ова стресно секојдневие мислам дека треба да инвестираме во сопственото задоволство. Не се знае утре што ќе биде, а вака со минимална позајмица од банка, на рати ќе го отплаќаме патувањето, раскажува друга скопјанка.

Банкарските работници велат дека во летните месеци побарувачката за потрошувачки кредити е поголема, но, иако кредитобарателите немаат обврска да кажат за што им се потребни парите од кредитот, во неформален разговор откриваат дека ќе инвестираат во годишен одмор.

За некого, годишниот одмор е потреба, за некого луксуз од кој може да се откажат. Многумина на социјалните мрежи коментираат дека „колку е чергата, толку треба да се испружат нозете“ или соодветно на можностите треба да изберете дестинација и да менаџирате да си поминете убаво, но евтино. Сепак, секој одлучува за своите избори.

Во текот на вчерашниот ден (18.07.2021) Министерството за внатрешни работи спроведе зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 435 возачи.

Од нив, 35 возила се движеле со брзина над 50 километри на час повеќе од дозволеното, а четири возила се движеле со дури над 70 километри на час повеќе од дозволената брзина.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

По благиот пораст на новозаразени со корона вирусот во Македонија, Комисијата за заразни болести денеска разговараше за актуелната епидемиолошка состојба. Фактор дозанава дека на состанокот било заклучено дека не се потребни нови рестрикции во овој момент, но дека е многу важно да се стави акцент на имунизацијата. Иаковпрвично се најавуваше дека е можно да се забранат семејните веслби во затворен простор тоа засега нема да се случи.

Здравствените власти уверуваат дека засега имаме мирно лето и дека нема потреба од рестрикции, но секако најпозанатите кластери од тетовско се од поголеми собирања во затворен простор - еден од свадба, друг семејна веселба. Сепак нема да има забрани барем засега. 

Останува и слободниот влез во земјава односно засега нема да се воведе задолжителен ПЦР или потврда за вакцинација за граѓаните кои доаѓаат од странство. 

Во Собранието е закажана и седница на Комисијата за одбрана и безбедност, која, пак, ќе расправа за Предлог законот за изменување и дополнување на Законот за заштита и спасување, во прво читање.

Собраниската Комисија за труд и социјална политика денеска треба да расправа за Предлог законот за изменување и дополнување на Законот за работните односи во прво читање, со којшто се определува недела како ден на неделен одмор за сите, со одредени исклучоци кај работодавачи во дејностите каде работниот процес не дозволува да се направи прекин на работниот процес.

Многу истражувања го утврдуваат значењето на рамнотежата помеѓу професионалниот и приватниот живот, како неопходен елемент во животот на работникот, затоа што оваа рамнотежа придонесува работникот да биде поефикасен и мотивиран на работното место, а од друга страна да има и приватен живот – семеен и социјален, што ги задоволува неговите потреби и потребите на неговите блиски. Гледно во национален контекст, односите со семејството и пријателите се традиционални вредности коишто треба да се чуваат и развиваат. Дополнително, работникот треба да има време да се занимава со хоби, да спортува и да посетува културни настани, а сето тоа, вклучително и исполнетиот семеен и социјален живот ќе му помогнат на работникот да го канализира оптоварувањето на работното место и да биде попродуктивен, стои во образложението на Предлог законот од Министерството за труд и социјална политика.

За спроведување на овој закон, се потребни дополнителни финансиски средства од државниот Буџет.Врз основа на расположивите податоци за бројот на вработени во јавен сектор, кои би работеле во недела ( 30 проценти), просечната плата во земјата, се проценува дека фискалните импликации би изнесувале околу 43.100.000 денари месечно, односно 516.600.000 денари на годишно ниво.

Во Собранието е закажана и седница на Комисијата за одбрана и безбедност, која, пак, ќе расправа за Предлог законот за изменување и дополнување на Законот за заштита и спасување, во прво читање.

Основна цел на предложените измени и дополнувања на законот е да се измени статусот на пиротехниарите од административни службеници во лица со посебни овластувања, како и да се усогласат правата на пиротехничарите со меѓународните норми.