Досега нема случај некој од Авганистан да побарал политички азил кај нас. Сите лица за кои се подготвуваме да ги пречекаме и за кои сме дале потврда дека сме подготвени да ги примиме, ќе добијат статус на времен престој од 90 дена преку издавање на виза за време на престој од три месеци, иако за некои од нив имаме најавено дека веднаш заминуваат, некои за 10-15 дена.

Вака денеска одговори премиерот Зоран Заев на новинарско прашање каков статус ќе имаат лицата кои во земајава ќе пристигнат од Авганистан, дали ќе бидат бегалци, азиланти…

Зошто ние по глава на жител ќе примиме повеќе хуманитарци, миротворци, активисти за човекови права, новинари, локално вработено население на ОН, на НДА, на ИРИ и на многу организации за човекови слободи, прави и демократии и слично? Веројатно поради тоа што имаме поголемо срце во моментот од сите други, заради тоа што чувствуваме поголема хуманост од сите други, веројатно заради тоа што нашиот регион поминал своевидни трауми во блиско минато, поблиско од другите земји, па знаеме колку е важна помошта кога може некој да ти подаде рака, да ти помогне, посебно заради тоа што навистина ги знаеме сликите од фундаменталистички напливи што значат одземање животот, сите страотни сцени што ги имаме видено, се со конечна цел да подадеме рака и да помогнеме, истакна Заев.

Псоочи дека трошоците ќе ги покријат соодветните организации, САД, невладините организации, како НЕТ, Фондација Отворено општество, ИРИ,…

Засега нашите трошоци се за превоз до хотелите, вакцината, ПЦР – тест, бесплатен здравствен преглед.

Со децении понеделникот се смета за најлош ден во неделата. Но, дали е навистина? Дали почетокот на вашата работна недела предизвикува огромно чувство на вознемиреност, тага или стрес? Повеќето од нас ги мразат понеделниците, но зошто! Еве неколку причини зошто луѓето ги мразат понеделниците. Но,се е во умот.

1. Почеток на нова работната недела

Голем дел од вашиот мозок создава стрес, бидејќи се што може  помислувате е количината на работа што е натрупана за цела недела. Ова се случува постојано, секоја недела. 

2.Психолошка промена од недела до понеделник

Вашиот опуштен начин на размислување прави огромен скок кога доаѓа работниот понеделник по неделата за одмор. Не сте ментално подготвени за тоа. Оттука, психолошката промена ви отежнува да го преживеете понеделничкиот работен ден.

3. Следниот викенд е далеку

Фокусот се префрла од енергичните и работните активности на понеделник кон мрзливите и одморачките пози на викендот. Умот го чека викендот во очај. Овој очај се претвора во презирање на понеделник затоа што мислите дека викендот е толку далеку од понеделник. Така, добивате уште една причина да мразите понеделник!

Мразењето понеделник е во основа претпоставка. Само го гушиме мозокот, обидувајќи се да си објасниме зошто ги мразиме понеделниците. Многу е едноставно да се одговори.

Ние всушност не ги мразиме понеделниците или поточно вие не ги мразите понеделниците. Само размислувате за негативната перспектива и не гледате на посветлата страна. Ако мислите дека понеделник е ден, кој ви носи нови можности, перспективата се менува.

Во новите мерки, кои грчката Влада ќе ги соопшти утре, а ќе се однесуваат пред сè на невакцинираните граѓани, не е планирано воведување рестрикции за туристите, како на пример затворање граници или забрана за влез од одредени земји, потврди владиниот портпарол Јанис Иконому, одговарајќи на прашањето на дописничката на МИА од Атина, на денешниот редовен брифинг со новинарите.

Засега немаме такви мерки на ум. Новите мерки се однесуваат на рамката на функционирање на јавната сфера, ако можам така да ја карактеризирам, од септември па натаму и станува збор за низа активности што се однесуваат на секој од нас, рече Иконому.

Во однос на новите мерки, владиниот портпарол рече дека намерата е да постои „рамка на мерки кои ќе бидат ефикасни, кои ќе се спроведуваат и главно што ќе можат да се контролираат за да се обезбеди нивната ефикасност“.

За жал, значителен дел од нашите сограѓани одбиваат да придонесат во националниот напор, бидејќи одбиваат вакцинација. Причините се познати, но неприфатени од научната заедница, од мнозинството граѓани, од Владата. Општеството не може да чека и пред сè не може да остане заложник на таквите сфаќања. Одиме напред со објавување, утре попладне, и имплементација на мерки и регулативи, кои ќе обезбедат колку што е можно поцелосно функционирање на јавната сфера во приватни и јавни простори, каде што ќе се забележуваат гужви, истакна Иконому.

Паралелно, одговарајќи на новинарско прашање за колективниот имунитет, потенцираше дека сè уште не е постигнато посакуваното ниво.