Германскиот производител на автомобили „Volkswagen-VW“ е прв во светот според инвестициите во истражувањето и развојот, покажаа податоците не Европската комисија (ЕК).

„VW“ минатата година за истражување и развој издвоил 9,5 милијарди евра.

Второто место го зазема јужнокорејскиот производител на електроника „Samsung“, со инвестиции во вредност од 8,3 милијарди евра. Меѓу првите десет има пет компании од САД, две од швајцарија и една од Јапонија.

Вкупните инвестиции на европските компании во истражувањето и развојот минатата година, според истражувањето, се зголемени за повеќе од шест проценти.

Комисијата, сепак, ја предупреди Европа дека и понатака заостанува зад САД, каде инвестициите пораснале за повеќе од осум проценти. ЕК укажа на недоволните инвестиции на европските компании во врвната технологија, како што е биотехнологијата и софтверите.

„Volkswagen“ е најголемиот европски производител на автомобили, со амбиции до 2018 година да стане најголем и во светот.

Управата за јавни приходи на 12 мај ќе одржи јавна аукција и комерцијална продажба на предмети запленети од даночни обврзници.

Се нудат автомобили со почетни цени од 1.000 евра нагоре, цистерни со почетни цени од 13,000 евра па нагре, и виљушкари за 4.000 евра.

Повеќе детали за условите за учество во аукцијата, како и детална листа на предметите за продажба со почетните цени ТУКА.

Речиси секој основач на компанија на почетокот размислува за тоа како ќе биде интернет адресата, на која ќе може да ја изгради својата веб страница. Бидејќи постојат огромен број на имиња на компании, во поново време, се повеќе истите се дуплираат и е невозможно компанииите да одберат погодно име за својот домен.

Mногу од светските компании, сметаат дека доколку не поседуваат .com домен не изгледаат доволно професионално пред своите потрошувачи и конкуренција.

Меѓутоа, во поново време многу од модерните компании одбираат некои други назнаки за нивните домени да се брзо памтливи и истите да останат во меморијата на потрошувачите подолго.

Бидејќи многу од домените се зафатени, компаниите одбираат нова завршница наместо .com за да може да го имаат посакуваното име на доменот на пример findjobs.org наместо findjobs.com. 

Една нова претприемачка куќа, на своите почетоци ангажирала IT експерт и маркетинг аналитичар за да им помогнат со промоција на новата компaнија и нормално едно од основните линии е оформување на веб страница за која треба да се одбере соодветен домен. Основачот на компнијата се присеќа како експертите му рекле дека одбрал ужасно име за својата компанија (Global) бидејќи околу 700 други компании од регионот го имале зборот global во името на својата компанија и истото природно го користеле во оформувањето на својот домен. Било речиси невозможно да се пронајде слободен домен со името кое им одговарало, па затоа на крајот морале да завршат со нешто друго наместо .com.

Според светските анализи, 67% од ново оформените демени за правни лица во првите месеци од 2017 биле со поинаква завршница од .com што зборува за нов тренд кој се шири со брзината на светлината.

Во индустриската зона Чојлија во општина Петровец ќе се гради нова фабрика за обработка на метали. Станува збор за белгиска инвестиција која ќе овозможи вработување на стотина лица. Индустрискиот објект кој ќе се простира на површина од околу 7.000 метри квадратни се очекува да биде пуштен во употреба најдоцна за 2 години.

Се` поголем е интересот за инвестирање во општина Петровец, а најпривлечни за инвеститорите се индустриските зони Чојлија и Ржаничино, вели градоначалникот Борче Митевски.

Во последниве 4 години, 128 странски и домашни компании инвестирале на територијата на Петровец.

Поради големиот интерес, започната е постапка за пренамена на земјоделското земјиште во градежно со цел да се овозможи изградба на дополнителни две индустриски зони – информираат од општината.