Речиси секој основач на компанија на почетокот размислува за тоа како ќе биде интернет адресата, на која ќе може да ја изгради својата веб страница. Бидејќи постојат огромен број на имиња на компании, во поново време, се повеќе истите се дуплираат и е невозможно компанииите да одберат погодно име за својот домен.

Mногу од светските компании, сметаат дека доколку не поседуваат .com домен не изгледаат доволно професионално пред своите потрошувачи и конкуренција.

Меѓутоа, во поново време многу од модерните компании одбираат некои други назнаки за нивните домени да се брзо памтливи и истите да останат во меморијата на потрошувачите подолго.

Бидејќи многу од домените се зафатени, компаниите одбираат нова завршница наместо .com за да може да го имаат посакуваното име на доменот на пример findjobs.org наместо findjobs.com. 

Една нова претприемачка куќа, на своите почетоци ангажирала IT експерт и маркетинг аналитичар за да им помогнат со промоција на новата компaнија и нормално едно од основните линии е оформување на веб страница за која треба да се одбере соодветен домен. Основачот на компнијата се присеќа како експертите му рекле дека одбрал ужасно име за својата компанија (Global) бидејќи околу 700 други компании од регионот го имале зборот global во името на својата компанија и истото природно го користеле во оформувањето на својот домен. Било речиси невозможно да се пронајде слободен домен со името кое им одговарало, па затоа на крајот морале да завршат со нешто друго наместо .com.

Според светските анализи, 67% од ново оформените демени за правни лица во првите месеци од 2017 биле со поинаква завршница од .com што зборува за нов тренд кој се шири со брзината на светлината.

Во индустриската зона Чојлија во општина Петровец ќе се гради нова фабрика за обработка на метали. Станува збор за белгиска инвестиција која ќе овозможи вработување на стотина лица. Индустрискиот објект кој ќе се простира на површина од околу 7.000 метри квадратни се очекува да биде пуштен во употреба најдоцна за 2 години.

Се` поголем е интересот за инвестирање во општина Петровец, а најпривлечни за инвеститорите се индустриските зони Чојлија и Ржаничино, вели градоначалникот Борче Митевски.

Во последниве 4 години, 128 странски и домашни компании инвестирале на територијата на Петровец.

Поради големиот интерес, започната е постапка за пренамена на земјоделското земјиште во градежно со цел да се овозможи изградба на дополнителни две индустриски зони – информираат од општината.

Во Хрватска на оние луѓе кои се помлади од 55 години, пензиите ќе им се намалат за 27%.

Сите кои се родени во 1962 година и по неа ќе имаат 27% пониски пензии! Тоа произлегува од најновата Програма за конвергенција која заедно со Националната програма на реформи, Владата на Пленковиќ ги прифати минатиот четврток.

Земјата за пензии издвојува околу 11% од БДП, односно околу 38 милијарди куни, а владините проекции се дека до средина на векот јавните трошоци за пензии ќе се намалат на околу 7,2% од БДП.

Големото намалување на јавните трошоци би почнало од 2027 година, наведе Владата во својата програма, затоа што покрај државните пензии во поголем број ќе почнат да се исплаќаат и приватните пензиски фондови.

„Тоа намалување ќе биде до толку позначајно бидејќи пензионерите кои ќе примаат пензија од двата столба нема да имаат додаток од 27% на дел од пензиите кои се исплатува од првиот столб“ - велат од Владата. 

Голема заштеда во пензиските трошоци во не толку далечна иднина се планира да се постигне со намалување на идните пензии на сите кои сега се помлади од 55 години. Сите тие се осигуреници на вториот столб, кој 15% од своите пензиски придонеси ги уплатуваат во првиот столб, а 5% во вториот столб.

Додатокот според важечкиот закон е составен дел од реформите за пресметување на пензиите, а го воведе Владата на Иво Санадер во 2007 година, затоа што новите пензионери стануваа социјални случаи. Од 2010 година тој додаток изнесува 27%, но проблемот е што додатокот се исплатува само на осигуреници на првиот столб. Вработените лица родени во 1962 година и по неа, се членови на двата пензиски столба и иако во првиот имаат поголем придонес, правото на додаток нема да се прошири и на нив.

Стратешкиот документ на Владата е за периодот од 2017 до 2020 година, кога тој проблем ќе кулминира.  Ако имаат доволно стаж, жените родени во 1962 година ќе можат да одат во предвремена пензија веќе во 2019 година, а мажите во 2022 година, а пензиите ќе им бидат 27% пониски од пензиите на работниците родени во 1961 година. Условите за редовна пензија за жени стапуваат на сила во 2026 година, а за мажи од 2027 година.

Симулацијата која ја направи Даниел Нестиќ од Економскиот институт покажува дека за жена која цел свој работен век заработувала просечна бруто плата (што би била плата на наставник во училиште) разликата во пензијата е дури 514 куни.

Наместо да добие 2.845 куни, колку што и наставничка родена една година порано, нејзината пензија за идентичен стаж од 36,6 години би паднала на 2.331 куна! Овој удар на новите пензионери ќе се појави веќе во 2019 година. 

Global HR самитот, најголемиот настан за човечки ресурси во регионот што ќе се оддржи на 29ти септември 2017 година во Скопје, вклучува презентации од страна на некои од светските најиновативни експерти за човечки ресурси.

Меѓу нив е Rob Veeresma, раководител на центарот за обука на Gazprom во Холандија.

Роб е одговорен за спроведување на програми за обука на Gazprom EP International, во согласност со системот за управување со компетентност и приспособени на локалните потреби. Претходно, тој работел за Shell International како менаџер на академијата за обука, и бил одговорен за сите аспекти на градење на способни кадри, со што се овозможува понатамошно склучување на зделки од светска класа. Во текот на својата долга кариера, тој се фокусира на глобалнато вклучување на нови кадри во тимот, виртуелна работа, развој на лидерство и менаџмент на cv-ија.

Ние неодамна разговаравме со него и го замоливме да ги сподели своите ставови за денешните промени во сферата на човечките ресурси, како и очекувањата од Global HR Самитот во Скопје.

Кажете ни нешто повеќе за себе и вашиот професионален пат, како се одлучивте дека човечките ресурси ќе бидат ваша професија?

Учев образовни науки на Универзитетот во Гронинген и се повеќе и повеќе се интересирав за нешто ново во тоа време, како индустриска обука или развој на човечки ресурси. По дипломирањето, мојата прва работа беше на одделот за развој на човечки ресурси, и оттогаш сум професионалец кој е секогаш спремен да учи нешто ново на различни работни места, од различни агли и пристапи.

Како изгледа еден типичен работен ден за Вас во канцелариите на Gazprom International во Амстердам?

Пристигнувам во канцеларија, се поздравувам со моите колеги, веднаш го отварам мојот е-мејл, одговарам на итни прашања, започнувам со креирање на приоритетите за тој ден, работам со рокови, никогаш не заборавам да ручам, имам средби и разговори, и конечно, по напуштањето на функцијата се збогувам со сите колеги и заминувам кон мојот дом.

Како страсен поборник за учење и развој, која би била вашата најдобра стратегија да се задржат перформансите на високо ниво?

Секогаш бидете усогласени со бизнисот во кој сте вклучени. Сопственикот на идејата за учењето и развојот не е експертот за човечките ресурси или пак одделот за учење, тоа е бизнисот. Но HR експертот треба да се зборува бизнис јазик, а не јазикот на човечките ресурси.

Како експерт за виртуелна работа, која е најдобрата стратегија од вашите сопствени искуства, за да се надмине оддалеченоста преку технологијата?

Сепак тоа не е само технологија. Тука се познати трите Б како што ги нарекуваат експертите - Three B's: Bricks, Bytes, Behavior. Најмногу сите се фокусираат на технологијата (Bricks) но исто така и на заштедата на канцеларискиот простор (Bytes) но сепак на крајот најголем предизвик е однесувањето (Behavior).

Вие сте во моментов со седиште во Холандија, како ќе се спореди работната средина таму со остатокот од светот?

Во Холандија ние сме среќни што имаме многу добра инфраструктура. Аеродроми, патишта, технологија. Но, за време на моите интензивни патувања, забележав дека постојат повеќе делови на светот кои се одлични, па дури и постојат региони со уште подобра инфраструктура.

На светскиот самит за човечки ресурси во Скопје, ќе ни ги презентирате новите начини за работа, па ќе можете да ни дадеде повеќе информации за тоа што можеме да очекуваме од Вашата сесија?
Во принцип, работејќи во Shell, сфатив дека виртуениот вид на работа е многу потежок од нормалниот.Повеќето луѓе сметаат дека помалку или повеќе е сличен со секојдневната работа со луѓе,но не е. За тоа е потребно повеќе труд и време и фокусирање на новите предизвици,инаку тимската работа нема да биде успешна. На крајот, ќе се обидам да ги воочам предизвиците и решенијата, базирано на моето сопствено искуство,за време на сесијата.

Кои се вашите очекувања од овој настан?

Иако сум патувал во речиси сите делови на светот, ова ќе биде мојот прв состанок со Македонија. Навистина сум заинтересиран и возбуден.

За да го запознаете Роб и уште други 10 меѓународни HR експерти од Facebook, Novo Nordisk, ING и Emirates NBD Bank можете да ја добиете вашата намалена влезница за Global HR самитот во Скопје, денес, на следниов линк: http://www.thepworld.com/event/global -hr