Промовирани огласи »

По 20 години во државата се спроведува попис на население и објекти. Првпат освен прибирање на податоци директно од населението на терен, ќе се користат и податоци од таканаречената Претпописна база, каде со внесувањето на матичниот број на граѓанинот во пописната апликација, автоматски се повлекуваат сите податоци што за тоа лице постојат во базите во државата.

Ова го забрзува целиот процес, што значи дека до крајот на годинава, најдоцна во јануари 2022 треба да бидат објавени податоците – кои ќе бидат од интерес и важност за речиси секоја сфера од живеењето и работењето во државата. Ќе добиеме точна бројка колку не има во државата и каде сме точно распоредени, ќе се добие прецизна слика за половата, старосната, образовната, економската структура на населението, бројот на објекти и слика на условите за живеење на населението.

Директорот на Државниот завод за статистика Апостол Симовски, во интервју за МИА, вели дека по успешно спроведениот попис овој септември, нашата држава, во наредниот циклус на пописи околу 2030 година, ќе може да спроведе попис целосно базиран на регистри.

„Комбинираниот модел подразбира одење на терен, односно попишување лице в лице и користење на податоци од бази. Вообичаено, овој комбиниран метод е преодна фаза меѓу класичниот попис и пописот базиран на регистри“, вели тој за МИА.

Симовски додава и дека според Законот за Попис, Заводот има обврска да ги објави податоците 6 месеци по  завршувањето на теренските активности, но верува дека ќе успеат да ги завршат обработките многу порано и до крајот на годинава, најдоцна во јануари 2022 да бидат објавени податоците.

„За разлика од претходно, кога имавме првични, па следеше долг процес на внесување податоци, со овој процес сега ќе објави само дефинитивни конечни податоци“, нагласува тој.

Промовирани огласи »

Варијантата Делта на коронавирусот не предизвикува потешки случаи на ковид-19 кај деца и адолесценти отколку другите варијанти на вирусот, според првите податоци од студијата објавена од американските здравствени власти во петокот.

Загриженоста за ефектите на варијантата делта врз младите расте неколку недели во САД поради зголемениот број хоспитализирани деца.

Центрите за превенција и контрола на болести (ЦДЦ), главната федерална агенција за јавно здравје во земјата, ги проучуваа податоците од пациентите хоспитализирани за „Ковид-19“ во 99 окрузи во 14 држави.

Агенцијата го спореди периодот од почетокот на март до средината на јуни со оној од средината на јуни до крајот на јули, кога делтата стана доминантна во Соединетите држави.

Помеѓу овие два периода, стапката на хоспитализација за деца и млади до 17 години се зголеми петкратно.

Меѓутоа, „процентот на деца и адолесценти примени во болница поради тешка форма на болеста“, како што се оние примени на интензивна нега, „беше сличен пред периодот кога варијантата на делтата стана доминантна и за време на истата“.

Покрај тоа, студијата покажува дека вакцините добро ги штитат адолесцентите од варијантата на делта, бидејќи стапката на хоспитализација е околу десет пати повисока за невакцинираните. Во САД, децата на возраст од 12 години можат да добијат вакцина Фајзер.

ЦДЦ, сепак, посочува дека бројот на тешки случаи на ковид-19 помеѓу средината на јуни и крајот на јули кај деца и адолесценти бил премногу мал за споредбите да бидат целосно релевантни. Тој нагласува дека е неопходно да се продолжи со следење на податоците.

Извор: Индекс.хр

Промовирани огласи »

Со последната одлука на Република Бугарија донесена на 27 август, односно пред една недела, на македонските граѓани од 1 септември до 30 ноември им се забрани влез во Бугарија затоа што Македонија влезе меѓу државите во Црвената зона, односно во земји кои се најпогодени од коронавирусот.

Граѓаните кои изутринава тргнале кон Бугарија преку граничниот премин Деве Баир наишле на блокада од бугарските гранични службеници кои не им дозволиле да влезат во земјата и покрај тоа што имале вакцинален сертификат, односно негативен ПСР-тест или брз антиген тест.

-Вакцинирани сме и направивме ПЦР, бидејќи знаевме дека Бугарија тоа го бара, но не знаевме дека поради тоа комплетно ни е забранет влез. Да знаевме немаше ниту да тргнеме, ни рекоа дел од патниците.

Граѓаните не биле информирани за одлуката донесена од пред седум дена, а за ова не знаеле ниту полициските служби на граничниот премин Деве Баир.

“Не знаеме дали некои државјани биле вратени назад. Ние не сме добиле никаков допис ниту од Република Бугарија ниту од МНР дека има таква забрана за македонските државјани и затоа колегите не можат да  спречат некој граѓанин на македонскиот дел од границата ако тој уредно поседува ковид документи за патување“, рекоа за ММС од одделот за гранични работи и миграции за ММС.

Министерството за надворешни работи исто така не знаеше дали некои граѓани биле вратени назад поради некомплетни документи или поради тоа што ниту МНР ниту министерството за здравство не ги информирале граѓаните за новите услови за патување во Бугарија иако одлуката е стара седум дена.

Интернет-страницата на МНР со информации за ковид-19 е ажурирана и може да се види одлуката на Бугарија, „Обновена Заповед РД-01-733“ која ќе важи во следните три месеци.

Исклучок од забраната за влез во Бугарија се: бугарските граѓани, граѓани на државите членки на ЕУ, ЕЕЗ и на државите од Шенгенскиот договор и Конфедерација Швајцарија, членови на семејства (странци) на бугарски граѓани, странски државајни со привремено и постојано место на живеење во Р. Бугарија, медицински специјалисти, членови на државни делегации и дипломати, лица кои патуваат по хуманитарни причини, сезонски земјоделски и туристички работници, странци кои треба да земат бугарско државјанство, странски студенти со виза „Д“, лица со посебно одобрение на министерот за здравство или од него овластен.

Овие лица влегуваат во Бугарија под следните услови: со ковид сертификат за извршена вакцинација со две дози вакцини и 14 дена минати од последната примена вакцина или документ за прележан КОВИД 19, за период од 15 до 180 дена заедно со документ со негативен резултат од ПЦР тест, направен 72 часа, пред влегувањето во Бугарија.

Доколку не се исполнети условите или еден од нив, лицето се става под 10-дневен карантин дома или на наведена адреса, кој може да се разреши доколку се направи ПЦР тест со негативен резултат во првите 24 часа од пристигнувањето.

Исклучоци од поседување на горенаведените услови и документи имаат: транспортни работници и членови на екипажи за железнички, патен, авио и морски сообраќај, погранични работници, ученици и студенти кои живеат во државите во регионот, меѓу кои и Република Северна Македонија и кои патуваат најмалку еднаш неделно во Република Бугарија или, пак, ученици и студенти кои живеат во Бугарија и патуваат најмалку еднаш неделно во државите во регионот, меѓу кои и Македонија, лица кои минуваат транзитно, како и деца до 12 годишна возраст.

Македонските граѓани кои може да патуваат во Република Бугарија ги користат сите 3 граничните премини „Деве Баир’ – „Ѓуешево“, „Делчево“ – „Станке Лисичково“ и „Златарево“ – „Ново Село“.

Извор – www.mmks.mk

Промовирани огласи »

Amazon им дава бонус од 50 фунти на работниците кои не доцнат на работа. 

Се нуди седмичен бонус од 50 фунти за постојаните работници во Велика Британија доколку навреме да дојдат на работа, пренесува во четвртокот BBC. Наградата ќе важи за работниците кои се јавувале на работните места секој ден во седмицата, исклучувајќи ги боледувањата поради инавлидност или коронавирус. Од Amazon изјавиле дека наградата ќе ѝ помогне на компанијата да ги исполни своите летни и божикни деловни цели. Интернетскиот малопродажен гигант минатата седмица понди бонус од 1.000 фунти за работниците во складиштата кои ќе почнат да работат пред 18-ти септември. Ваквите поттикнувања се нудат во периодот на закрепнување на британскиот пазар на трудот, порад што бројот на слободни работени веста во август бил рекордно висок.

Повеќе вести...
барај огласи за вработување » барај останати огласи »