Според извештајот објавен од страна на Институтот за истражување на вработеноста во Германија, никогаш немало толку многу отворени работни места; во првите 3 месеци во 2017 година работодавците барале 1.064.000 работници, што е за 9.000 повеќе отколку во последниот квартал од 2016 година, кој досега бил рекорд.
Проценката на Институтот е вз основа на одговорите на 8.000 работодавци од сите економски сектори.

Околу 77% од сите отворени работни места се наоѓаат во западна Германија. Околу две третини (64%) од овие работни места од потенцијалниот вработен бара да има завршено некој занает, додека 16% бараат високообразовни работници. Од останатите 20% од работниците не се очекува никакво посебно образование.

„Моментално малите и средни претпријатијата пред сè бараат работници занаетчии“, вели Александер Кубис од Институтот.

Институтот прогнозира дека во март во Германија вработеноста ќе биде рекордно висока, речиси 45 милиони, што би било зголемување од 670.000 во однос на минатата година.

4425 субјекти, фирми, граѓани, јавни претпријатија на државата ѝ должат 230 милиони евра за неплатен ДДВ ,данок на добивка, персонален данок на доход… Ова го покажува најновата петта листа на должници која ја објави Управата за јавни приходи.

Најмногу должи охридскиот текстилен гигант АД Отекс, во вредност од околу 11 милиони евра. Од државните претпријатија, најмногу должи Јавното претпријатие „Македонија пат“ кое на државата ѝ должи речиси седум милиони евра за ДДВ и данок на добивка, Македонската Радио Телевизија должи околи 1,4 милиони евра за данок на добивка…

Ваква листа на должници УЈП објавува еднаш во месецот, најдоцна на 10-ти, на која се објавуваат имињата на должниците.

Дипломираните студенти денес се најзадолжени со студентски кредити во историјата на модерниот свет. Американците должат повеќе од $1,3 илјади милијарди и во моментот има околу 44 милиони должници.

Сепак, бизнис светот никогаш не бил повеќе конкурентен. Затоа, на компаниите и нивните основачи навистина им е важно да инвестираат во себе. Еве неколку начини на кои можете да го сторите истото, без тешкотии и кредити

Oнлајн курсеви

Ако сакате некој вид на формална обука или учење, постојат многу бесплатни или евтини опции онлајн. Сакате да дознаете повеќе како да бидете претприемач во земјите во развој?

Заинтересирани сте за основните принципи на архитектурата? Харвард има безброј програми на нивниот веб-сајт без трошоци. Сакате да работите низ забава и да сте креативни? Pixar соработува со Кан академија да ги инспирира младите луѓе да се креативни. Сакате да дознаете еден од најважните вештини во денешниот пазар на труд? CodeAcademy ќе ве научи како се кодира - бесплатно.

Читање книги

Никогаш не било полесно да се стигне до книги. Можете да ги купите од книжарница,пишани или звучни или од Амазон, да позајмите од библиотека, или да ја користите слободата на правниот јавен домен на книги од Barnes & Noble, Google Play или iTunes.

Многу од менаџерите се регистрирани на онлајн страниците кои овозможуваат бесплатно или пак за ефтини пари дообразување во било која област која ве интересира

Направете план на играта
Пишувањето на "идна" биографија (или LinkedIn профил) прави чуда во мотивирањето и ви дава шанса да ги следите вашите соништа уште посилно. Тоа ви помага да ги визуелизирате сите планови и да почнете чекори за да одите кон нив.

Многу од успешните луѓе сонуваат да излезат од корпоративниот живот, да почнат компанија која им помага на другите, и работат за тебе - таквите луѓе, се луѓе со визија и идеји кои ги ставаат во пракса и остваруваат големи успеси. Токму биографијата на иднината им помогнала директно во остварувањето на своите соништа.

Вклучување во проекти

Работењето понекогаш ни дава простор и за дополнително вклучување во некои активности. Проектите најчесто се работат во групи на одредени теми и во склоп е многу лесно да се научат нови работи.

Најчесто невладините организации раководат со проекти во кои може да се вклучат разни експерти од најразлични области а учесниците освен финансиски бенефит да добијат и неповторливо искуство.

Патување

Патувањето е еден од најважните нешто што треба да ги направите ако сакате да растете како личност и да собирате искуства од другите култури. Патувањата учат на толеранција, независност и доверба.

Додека патувањата може да бидат скапи, искуствата се добар начин да се трошат пари и постојат многу начини да се намалат трошоците во зависност од каде и што посетувате. Патување е најстариот витален дел од бизнисот и со тоа бизнисот расте а исто така се унапредувате и себеси како претприемач.

Тимот на Македонската асоцијација на готвачи и шефови – ГастроМак Македонија, освои три златни медали на годинашниот Прв интернационален гастрономски натпревар во Измир, Турција, што се одржа од 6 до 8 мај годинава.

Тимот на готвачи на ГастроМак Македонија, составен од шеф Бобан Билбиловски, Лирим Даути и Цветанче Тодоровски, се натпреваруваа во категоријата приготвување нриба, при што со нивните кулинарски вешти и креативност ги задоволија највисоките критериуми на натпреварот и ги освоија симпатиите на интернационалното жири.

Македонските готвачи уште еднаш покажаа и докажа дека можат да се носат рамо до рамо со високите стандарди во светската гастрономија. Уште повеќе, да иновираат, да експериментираат и да ги наметнат своите вкусови и кај најпребирливите и строги меѓународни судии, изјави претседателката на асоцијацијата ГастроМак Адријана Алачки.

Исто така, на Асоцијацијата и беше укажана доверба, со тоа што на овој интернационален натпревар, како член на меѓународното жири, беше делегиран и еден од основачите на ГастроМак Македонија, Бесим Латифи, лиценциран судија од WACS – Светската организација на шефови на кујни.

Чест и задоволство е да се биде дел од една ваква манифестација и за мене лично, но е и признание за нашата Асоцијација, изјави Латифи.

ГастроМак е национална асоцијација на готвачи и шефови на кујни во Македонија. Како национално здружение, ја претставува Македонија во WACS во која што членуваат национални асоцијации од над 150 држави во светот.