Има 30 години и три дипломи од различни факултети, досега 30 пати е одбиена за работа.

Хрватката Ивес Водановиќ Лукиќ дипломирала уметност, компаратива книжевност и географија, но не може да најде работа.

Таа многу вложила во себе, но е несреќна затоа што нејзиното знаење никому не му треба.

На било кој оглас и да аплицира, или е одбиена или нема повратен одговор.

„Кои се причините за одбивање? На еден оглас тоа беше доказ за познавање на англиски јазик и ми пишуваат дека не ми се признава ТОЕФЛ, а тоа е меѓународен сертификат кој се признава секаде. Го признава Оксфорд, но не и секторот за туризам во градот Загреб – вели таа.

Додава дека е очајна затоа што уште од средно училиште знаела што сака да студира, да работи, но тоа не се вреднува.

Германците во текот на годината на работа поминуваат 1.370  часа. 

Ова го покажува анализата на Организацијата за економска соработка и развој. 

Најмногу работат Мексиканците по 2.250 часови, а зад нив се работниците во Костарика кои на работа се 2.230 часа годишно. 

Во Јужна Кореја се работи по 2.110 часа, во Чиле по 1.990 часа, во Русија 1.980 часа. 

Овие податоци даваат поинаква слика за тоа кои народи работат многу, а кои малку. 

Земји во кои многу се работи се Полска, Израел, Португалија и Исланд. 

Помалку работни часови имаат Холанѓаните, Данците, Французите и Белгијците. 

Во „златна средина“ се САД, Италија и Ирска. 

Во Хрватска еден заварувач може да заработи и до 10.000 куни, а кадар нема. 

Ова занимање важи за дефицитарно во Хрватска. 

Во странство за истата работа се заработува од 2.200 до 5.000 евра. 

Во Борско-посавската жупанија се бараат над 200 заварувачи. 

Ако се неопходни 2-3 заварувачи работодавците се снаоѓаат, но доколку се потребни 20 до 30 луѓе тогаш оди потешко и работниците од други струки не прифаќаат да работат како заварувачи. 

Експертите советуваат дека мора да се работи на преквалификација и на образување на млади кадри. 

Еден сребрен и три бронзени медали освои тимот на Македонската асоцијација на готвачи и шефови – ГастроМак Македонија, на годинешниот Втор меѓународен кулинарски фестивал, што се одржа во Крањска Гора, Словенија.

Како претставници на националната Асоцијација на готвачи и шефови – ГастроМак Македонија, Игор Атансов и Кристијан Китанов се натпреваруваа во категориите на традиционални и модерни јадења.

Две бронзени медали освои Игор Атанасов во подготовка на традиционално и модерно јадење, додека за истите категории, младиот и талентиран шеф Кристијан Китанов, под менторство на шеф Влатко Ѓоргиевски, освои по едно сребро и бронза. Со кулинарските вештини и креативност, двајцата македонски шефови ги задоволија и највисоките критериуми на натпреварот и ги освоија симпатиите на жирито.

Исклучително сме горди на нашите готвачи за добиените признанија и награди особено ако се има предвид дека се натпреваруваа со готвачи од асоцијации на земји кои се поискусни од нас, но и лидери во гастрономијата во светски рамки’, изјави претседателката на Асоцијацијата ГастроМак, Адријана Алачки.