Завчера се одржаа локалните избори во Македонија, а во трката за градоначалник на град Скопје беа Данела Арсовска и Петре Шилегов.

По завршувањето на локалните избори, град Скопје доби градоначалничка првпат по три децении од независноста на земјава, откако независната кандидатка поддржана од ВМРО-ДПМНЕ и Коалицијата, Данела Арсовска го победи противкандидатот Петре Шилегов кој раководеше со градот во изминатите четири години.

Жена - по цели три децении од независноста на земјава ќе ја води метрополата.

Интересен факт е тоа што последната жена на оваа позиција Скопје ја имало во 1948 година.

Инаку, Арсовска е 26-от градоначалник на Скопје по ослободувањето на градот во 1944 година.

Првиот градоначалник на Скопје по неговото ослободување бил Лазар Танев, а инаку прв градоначалник на Скопје бил Спиро Китинчев во периодот од 1941 - 1944.

Во прилог на досега кажаното, на Фејсбук групата „Стари скопјани“ објавена е колаж фотографија од сите градоначалници на Скопје во последните 77 години.

Погледнете ја фотографијата:

Извор: Град Скопје

Германската компанија M-sense објави твит во кој го споредува логото на Meta со своето лого, посочувајќи дека тие се речиси идентични.
 

Објавата стана вирална, а корисниците на Twitter одговорија со уште неколку примери.

„Почестени сме што логото на нашата апликација ги инспирирале Facebook – можеби ќе се инспирираат и од нашата политика за приватност на податоците“, напишаа накратко на официјалниот Twitter профил на германската апликација.

Како одговор на твитот, неколку корисници презентираа уште неколку примери на идентични логоа, како оние што ги користат Webex, Mobius, Microsoft...

Социјалните мрежи веќе неколку дена се полни со реакции за новиот деловен потег на Марк Закерберг. На крајот на октомври милијардерот соопшти дека овој чекор претставува ребрендирање на компанијата, што наиде на бројни осуди.

По скоро цели две годнини, тизери, најави, неофицијални слики и видеа, конечно Husqvarna собра храброст и го претстави Norden 901 и тоа во сабота!

Скоро и да нема што ново да се каже, освен да се поботри се она што се оечуваше и веќе беше најавено за овој модел. Norden 901 е базиран на KTM 890 Adventure, но има различен, повеќемина би рекле далеку поубав, дизајн кој напред го краси уникатниот лед преден округол фар.  

Градбата на телото е насочна да му овозможи лесна управливост на тешки терени на познатиот KTM паралелен двоцилиндарец со 889cc кои производува 103,9 КС и 73,4 lb.ft. Рамот е повотрно наследен од сестринскта компнија, KTM, но кај Norden 901 аголот на предната дел е поагресивен и треба да овозможи поголема агилност на самиот мотор во кривини. Суспензијата е повторно онаа која ја има KTM 890, станува збор за WP Apex, но кај 901 одот е малку зголемен, поточно за 20 мм напред и 15мм назад. 
Висината на седиштето може да биде 854 или 874мм а истото се стеснува на предниот дел кон резервоарот за да овозможи возачите посигурно да може да застанат со двете нозе на земја.
За крај, додека не каже некој какво е искуството да се вози Norden 901 останува само да претпоставиме дека по толку најави сепак ова Хаски е само убаво издизајниран KTM 890 Adventure, а дека е убав, убав е! Иако нели за вкусови не се дискутира.    

Новата, шеста генерација на Corsa веќе се покажа како многу успешен модел во комерцијална смисла, со одличната продажба во Велика Британија и Германија. 

Германскиот хечбек е целосно базиран на технологијата на поранешната групација PSA, од платформата CMP до искористените агрегати.

Така, Corsa и Peugeot 208 се во суштина идентични близнаци кои се насочени кон пазарите од различни страни на Рајна. Сепак, Opel задржа одредена слобода во дизајнот на своите модели, па со рестилизацијата ќе се случат одредени промени во изгледот на Corsa.

Имено, во овој момент, малиот субкомпакт, заедно со Insignia, е еден од ретките модели на Opel кои не го користат т.н. Vizor анфас. Се очекува со рестилизацијата ова да биде променето. Дополнително, би требало да има мали промени околу стилизацијата на задната светлосна групација, а сè друго во екстериерот веројатно ќе остане горе-долу исто.

Што се однесува до салонот, се верува дека Opel ќе понуди нова, целосно дигитална инструмент табла, како и подобрен и поголем дисплеј за контрола на инфо-забавниот систем. Останатите промени би требало да бидат од суптилен карактер.

Кога станува збор за палетата на мотори, германските новинари се убедени дека Corsa ќе се откаже од дизелот 1.5 BlueHDi, а по рестилизацијата Corsa ќе биде достапна само со 3-цилиндeрски бензински мотори со моќност од 75 до максимални 130 КС.

Најмоќното издание на Corsa ќе остане електричната варијанта, која ќе продолжи да користи електромотор од 136 КС. Сепак, тука треба да се вметне батерија со поголем капацитет, па e-Corsa би можела да добие автономија од 400 km.

Производителот од Риселсхајм освежениот хечбек ќе го покаже на крајот од следната година, а продажбата ќе започне во 2023 година.