Милијардерот Бил Гејтс предупреди на самитот на ОН за климата во Глазгов COP26 дека, покрај пандемиите, нова опасност за човештвото може да бидат и терористичките напади со биолошко оружје. Затоа тој повика да се инвестираат милијарди долари во таканаречените „Игри на микроби“, со цел човештвото да биде соодветно подготвено.

Гејтс го изјави ова за време на дискусијата со Џереми Хант, претседател на Комитетот за здравство и благосостојба на британскиот парламент и поранешен британски министер за здравство за време на самитот COP26.

Основачот на „Мајкрософт“ повика на формирање на глобален пандемски „ударен тим“ во Светската здравствена организација (СЗО).

Потребни се околу милијарда годишно за пандемиски „ударен тим“ во СЗО, кој би се занимавал со надзор и со она што јас го нарекувам „Игри на микроби“, односно вежбање одговори, рече Гејтс.

Тој даде и пример како терористите можеле да нападнат неколку аеродроми во исто време со вирусот на сипаници, па тоа би можело да биде едно од сценаријата за вежбање на „Игри на микроби“ за да се подготват за евентуален напад.

Тој објасни дека има природно предизвикани епидемии, но дека тие можат да бидат и последица на биотероризам и како такви може да бидат полоши од природни. Сепак, како што додаде, напредокот во науката треба да ни даде алатки за подобар одговор отколку што имаме сега.

Милијардерот рече дека земјите како САД и Велика Британија треба да инвестираат десетици милијарди во истражување и развој за да бидат подготвени за следната пандемија.

Тој исто така изјави дека се надева дека светот за пет години ќе биде подготвен да одговори на евентуална нова пандемија, но дека за тоа е потребна сеопфатна инвестиција во развој и истражување.

Ова може да доведе до многу иновации, а за да бидеме подготвени за евентуална нова пандемија, треба да ги искорениме грипот и настинката, да ги направиме вакцините евтини, да имаме големи фабрики, да направиме вакцини кои би можеле да бидат во форма на мал фластер, кој го ставате на рака. И сето тоа би било многу корисно дури и ако нема пандемија, рече Гејтс, пренесува „Скај Њуз“.

Од 15 ноември месецов почнува да важи задолжителната обврска за носење зимска опрема во возилата. За возачите на автомобили, џипови и лесни камиони е задолжително носење зимски гуми и синџири, а за возачите на автобуси и на тешки камиони и лопата ако на погонските тркала не може да се постават синџири за снег.

Оваа обврска ќе трае до 15.03.2021 година.

Еве што ви е потребно

За мотоните возила со тежина која не надминува 3 500 кг во зимска опрема влегува:

• зимски гуми на сите тркача со минимална длабочина од 4 милиметри
• гуми со летен профил на сите тркала со најмалку 4 милиметри длабочина по слојот што гази, ако возилото во приборот има синџири за снег со адекватна големина за погонските тркала или други соодветни помагала.

Како зимска опрема за моторни возилата со погона на четири тркала (4 х 4) потребни се:

• зимски пневматици на сите тркала, со минимална длабочината на шарите на слојот што гази по обем и широчина, од 6 mm.
• Како зимска опрема на моторни возила со најголема дозволена маса која надминува 3.500 kg се подразбира:
• зимски гуми на погонските тркала со минимална длабочината на шарите на слојот што гази, по обем и широчина, од шест mm.
• пневматици со летен профил на сите тркала со длабочината на шарите на слојот што гази, по обем и широчина, со минимум од четири mm. Ако возилото во приборот има синџири за снег со адекватна големина за погонските тркала или други соодветни помагала.
• автобуси и товарни моторни возила кои поради технички причини не можат да постават синџири за снег на погонските тркала треба да имаат зимски пневматици на погонските тркала и прирачен алат – лопата.

Зимски пневматици се оние кои на својата бочна страна имаат ознака: „MS“, „M+S“, „M&S“ и знак на снегулка на стилизирана планина со три врва.

Откако произведоа ковид-вакцина со висока ефикасност, која масовно се користи во светот, Фајзер ја претставува и оралната терапија, пилула која ги олеснува симптомите, спречува хоспитализации и тешка форма на болеста. 

Сега, откако завршија прелиминарните експерименти и тестирања, Фајзер чекаат на ФДА да ја одобри оваа терапија. 

Тие објавија резултати од истражување кои покажуваат дека апчето го намалува ризикот за хоспитализација и до 89%. Во изминатиот период, тие направиле низа тестирања кои покажале дека ако нивниот лек се вклучи во стандардната ковид-терапија, многу тешки последици и смртни случаи ќе бидат навреме превенирани. 

Лекот кој има работно име PF-07321332 работи на принцип на инхибитор на протеаза. Засега, единствен лек за ковид-19 кој ФДА го одобрува е ремдесивир. Од Фајзер сметаат дека со правилна комбинација на лекови, во кои ќе влезе и нивниот нов производ, многу помалку пациенти ќе развиваат тешка клиничка слика или ќе умираат.

Publicis Groupe's Spark Foundry е новата медиска агенција на Facebook. По седум месечни интензивни анализи, Facebook го избра Publicis Spark Foundry како свој „глобален партнер за медиумско планирање и медиски закуп за брендовите на Facebook“, кој од неодамна е ребрендиран во ново име и ново лого под називот Meta.

Publicis Spark Foundry ќе го спроведува процесот на ребрендирање на Facebook во Meta, креирајќи нова корпоративна порака и култура. Ќе имплементира стратегија за ребрендирање и медиумски иновации, преку ефикасни канали на комуникација, користејќи уникатни алатки за планирање.

Facebook, сега Meta, е компанија со годишен маркетинг буџет од близу 1 милијарда долари. Медиумската агенција  ќе помогне да се развие најдобрата медиска стратегија, и да се пласираат реклами на интернет, телевизија и надвор од домот на ефикасен начин, велат од Meta. 

Metaе комплетно нова визија на начинот на кој Facebook се гледа себеси, и од Facebook се надеваат дека тоа ќе помогне во иднина да се обликува начинот на кој јавноста гледа на компанијата. Meta е „метаверс“ компанија, која е фокусирана на хардвер и софтвер на кој ќе биде изградена следната генерација на компјутерска технологија. Mета има планови за повеќе уреди, како комуникациските екрани Meta Portal, очилата за виртуелна реалност (VR) Meta Quest, целосни VR софтвер платформи како Horizon Workrooms, Home и Worlds, кои се алтернативни сајбер-светови за аватарите на вистински луѓе кои ќе имаат меѓусебна интеракција во „метаверсот“.

„Ние имаме богато наследство на водење на брендови низ процесот на трансформација и со огромно задоволство прифативме да работиме со Meta на следната еволуција на нивниот бизнис“, изјави Сара Крејмер, Генерален извршен директор на Publicis Spark Foundry U.S..

Facebookисто така им посака добредојде на повеќе агенции од различни холдинг компании како креативни агенции, вклучувајќи ги Johannes Leonardo, Ogilvy, Wieden+Kennedy, TBWA, Leo Burnett and Droga5. Publicis ги вбројува и Digitas, Leo Burnett и Publicis Sapient во своето семејство на креативни и рекламни агенции кои работат со бази на податоци.

Publicis е позната како агенција чии клиенти се големи брендови како Sephora, Kraft Heinz, Hulu и L’Oreal. Претходно оваа година, Publicis како клиент го доби и гигантот во малопродажба Walmart. Walmart, кој исто така, имаше блиска соработка со Facebook на експериментална технологија за купување, со програми како трговија со пренос во живо.

Facebook неодамна пријави цели 95 милијарди приход од реклами само во 2020 година. Компанијата пред себе има предизвикувачка маркетинг стратегија, која вклучува и создавање на „метаверсот“, кој во иднина може да стане новата форма на технологија која брендовите мора да ја разберат за да останат релевантни.