Владата на денешната седница донесе одлука за прогласување кризна состојба во снабдувањето со електрична енергија во траење од 30 дена на барање на Комисија за проценка на енергетскиот сектор во државата, формирана од Министерството за економија.

Како што информираше министерот за економија Крешник Бектеши на денешната прес-конференција во Владата, одлуката е донесена врз основа на процената на Комисија дека постои ризик од настанување на кризна состојба поради недостиг на електрична енергија и состојбата на пазарот на електрична енергија врз основа на извештајот изготвен од МЕПСО за проценката на стабилноста на македонскиот електроенергетски систем за последниот квартал на оваа година.

Единствена цел на прогласувањето кризна состојба е подобрување на ликвидноста на енергетските компании за да можат континуирано да ги снабдуваат домаќинствата и да се стабилизира состојбата на пазарот со електрична енергија. Нема да има никакви рестриктивни мерки за граѓаните и компаниите, рече Бектеши и додаде дека за таа намена на енергетските компании ќе им бидат трансферирани околу четири милијарди денари од Буџетот.

Владата во моментов, нагласи, е фокусирана на успешно справување со предизвиците настанати од глобалната енерегетска криза.

-За остварување на таа цел, вклучени се раководствата на сите компании од енергетскиот сектор и владини институции. Во моментов работиме на ставање во функција на сите енергетски капацитети со цел да го зголемиме домашното производство на електрична енергија и со тоа да спречиме поголеми ценовни шокови за домаќинствата и малите потрошувачи, посочи Бектеши.

Прашан дали ќе има одговорност за состојбата, рече дека му е препорачано на Управниот одбор на ЕСМ да ја извести Владата за начинот на кој работела компанијата во сите подружници и согласно добиените информации ако се утврди дека не е работено согласно плановите Владата ќе препорача да преземе мерки.

Мое лично мислење е дека треба да има одговорност, но првично треба да се справиме со енергетската криза, а потоа ќе зборуваме и за конкретна одговорност кој потфрлил и зошто, рече Бектеши и додаде дека на денешната седница не било разговарано за евентуална оставка на генералниот директор на АД ЕСМ Васко Ковачевски.

Одговарајќи на новинарски прашања истакна дека е во тек евалуацијата на пристигнатите понуди за набавка на јаглен за потребите на РЕК Битола и посочи дека ТЕЦ Осломеј треба да биде во функција од 1 декември, во РЕК Битола веќе е вклучен Блок 1, а за неколку дена треба да биде ставен во функција и Блок 2.

На 30 октомври, Владата донесе Уредбата за критериумите и условите за прогласување на кризна состојба во снабдувањето со електрична енергија. Со оваа Уредба се утврдуваат критериумите и условите за прогласување на кризна состојба и мерките што се преземаат во случај на кризна состојба настаната поради временски и природни непогоди, хаварии и нарушувања на пазари на енергија, начинот на снабдување со електрична енергија во услови на кризна состојба, како и правата и обврските што произлегуваат.

Токму заради тоа, како што рече Бектеши, операторот на преносниот систем МЕПСО изготви извештај за проценката на стабилноста на македонскиот електроенергетски систем за последниот квартал на оваа година. Според доставениот извештај Комисијата процени дека постои ризик од настанување на кризна состојба поради недостиг на електрична енергија и состојбата на пазарот на електрична енергија.

-Ваквата проценка на ризици се темели на неколку основи заради капацитетите на домашното производство, но и заради зголемените цени на странските берзи, прецизира Бектеши.

Има причина да прославиме кога би добиле понуда за работа од друг работодавец. Но, штом ќе завршиме, може да почувствуваме страв бидејќи треба да го известиме сегашниот шеф. Тоа е деликатна ситуација, но ако постапите правилно, може да се најдете во среќна позиција и  да направете контрапонуда во вашата моментална компанија. Ова може да доведе до покачување на вашата моментална плата на сегшаното работно место или можеби сепак ќе одлучите да заминете. Еве неколку начини како да го информирате вашиот шеф дека сте добиле понуда за работа од друга компанија.

1. Размислете за вашите цели и смислете стратегија
Добивањето на понуда од друга комапнија не мора да значи дека ќе ја прифатите и ќе ја напуштите сегашната работа. Можеби понудата ја добивте во погрешен момент со што треба да ја споредете со вашата моментална работа. Дури и ако сте интервјуирани за  новата работата и сериозно ја разгледувате понудата, можеби сè уште не сте сигурни дали сакате да ја преземете новата позиција.
 

2. Бидете позитивни додека разговарате
Начинот на кој ќе објаснувате за вашата нова можност може да ви донесе  позитивно искуство, без разлика дали вашата цел е да заработите повеќе пари кај вашиот сегашен работодавец или да заминете во новата компанија. Дури и ако сте возбудени да ја напуштите работата и да продолжите понатаму, важно е да бидете професионални до крај.

3. Бидете спремни за контра-понуда
Штом ќе ги споделите вашите вести можно е да  вашиот претпоставен да ви предложи контрапонуда за да ве разубеди да останете во сегашната компанија. Вашиот шеф може да ве праша која е вашата нова плата и да ве искушува со зголемување на истата  за да останете на вашата моментална работа.

Доколку ги следете овие совети, ќе можете да водете успешен разговор со вашиот шеф.

16-годишно девојче од американската држава Кентаки била киднапирана на улица, а ја спасил тајниот сигнал за кој благодарение на ТикТик дозна целиот свет. 

Девојчето си шетало по улица во попладневните часови кога со возило и приѓол 61-годишниот Џејмс Херберт Брик. И рекол дека наводно се загубил, а таа наивно се согласила да му помогне и влегла во автомобилот бидејќи одела во иста насока. Брзо сфатила дека направила кобна грешка и се снашла на невиден начин. Имено, штом Брик ја заклучил вратата, случајно го оставил отворен прозорецот, а таа ја извадила раката и со дланката го покажала тајниот сигнал дека е киднапирана.

Овој знак со дланката во кој палецот е внатре во тупаница веќе некое време е омасовен на социјалните мрежи како сингла дека некој е киднапиран или дека се работи за семејно насилство. Девојчето го забележал моторџија и веднаш ја алармирал полицијата која брзо го запрела автомобилот. Брик е уапсен, а девојчето спасено.

Излегло дека тој случајно не ја одбрал жртвата. Некое време ја следел, а ја избрал затоа што обавувала разголени фотографии на социјалните мрежи. Благодарение на пријател дошол до нејзина фотка на која таа е гола.

Таа фотографија и била најдена во неговиот телефон при апсењето. Брик се обидел да ја измами полицијата кога го запрела, велејќи дека е ќерка на пријател на која и треба помош и со која наводно тргнал кај свои роднини.

Макс Верстапен е победник на ГН на Мексико во Формула 1. Фантастично возење, без никакви проблеми, Холанѓанецот покажа кој е кој во моментов, едноставно никој ништо не му може. Па дури ни Луис Хамилтон, актуелниот светски првак кој завршиа како втор, додека Мексиканецот Серхио Перез беше трет пред домашната публика.

Со овој триумф Холанѓанецот сега е поблиску до титулата, инаку ова за него беше 19 победа во кариерата а деветта во тековната сезона. Супер трка на Макс Верстапен на Ред Бул, кој на подиумот имаше двајца возачи.
 

Иако беше трет на стартот, сепак Верстапен по само неколку стотина метри успеа да избие на челната позиција. На мајсториски начин ги помина Ботас и Хамилтон, а овој првиот по судирот со Рикаирдо имаше и тоа како проблеми. Прво застана, но потоа се врати во трката. Холанѓанецот ја презеде трката под своја контрола, беше едноставно одличен, исто така и во боксот одлично си ја завршија својата работа при промена на пневматиците.

На крајот голема радост и еуфорија покрај патеката во таборот на победничкиот тим. Сега Верстапен има 19 бодови предност пред Хамилтон на четири трки до крајот