Во обид да се откажат луѓето од пушењето, строгите прописи за обликот и бојата на кутиите на цигарите во Велика Британија ќе отпочнат да се применуваат во недела.

Според новиот закон, сите цигари ќе се продаваат во стандардизирани пакети кои ќе бидат во зелена боја, која претходно истражувачите ја опишаа како “најгрдата боја во светот”, специјално направена за луѓето за да се откажат од пушењето, пишува британскиот весник Индепендент.

Предупредувања за штетните ефекти од пушењето врз здравјето, вклучувајќи и фотографии на заболени органи меѓу пушачите, ќе треба да покрие 65 проценти од површината на пакетите, кои ќе бидат исти за сите цигари, со единствената разлика што се појавува името на брендот.

Новиот закон, исто така, обезбедува дека во пакетите треба да има минимум 20 цигари, што значи дека пушачите нема да бидат во можност да купат поевтини пакувања од 10 цигари. Тутунска компанија Филип Морис, која го произведува Марлборо е обвинет за обид да ги избегне новите прописи за дистрибуција на пакети со калај кутија, која исто така изгледаше како обичен пакет, но со 10 цигари, пренесува Гардијан.

Првата фаза на стандардизацијата на кутиите со цигари започна во мај минатата година, тогаш на компаниите им беше даден извесен период на прилагодување и да се потрошат старите пратки на цигари. Се проценува дека пушењето предизвикува прерани смртни случаи на 700.000 луѓе годишно.

Поради политичките збиднувања во Вашингтон, доларот падна на светските берзи. Неговата вредност е најниска за период од шест месеци.

Еврото скокна за 2.5% во однос на доларот односно изнесуваше  1,1205 долари. Во однос на јапонската валута, доларот ослабна за 1.8% и се тргуваше за  111,25 јени.

Се смета дека овој пад се должи на низата скандали и лоши одлуки на новиот претседател на САД, Доналд Трамп.

Од друга страна еврото доби „ветер во грб“ откако во Франција на претседателските избори победи Емануел Макрон.

По неколку месеци протести, работниците кои работат за компанија SIS која работи за Амазон конечно го добија она за кое што се бореа во изминатиов период.

Сите муслимани кои се вработени во Амазон со полно работно време веќе: право да се молат за време на денот во одредени периоди во специјални простории само за нив.

Досега овие луѓе мораа да се молат во гаражи и други места надвор кампусот истите се пожалија дека некои од менаџерите, им се заканува ако тие се излезени од своето работно место повеќе од 15 до 30 минути поради религиозни причини.

Компанијата SIS која директно соработува со Амазон брои од 500 до 800 муслимани вработени и истите ќе можат да ги користат просториите за молење на Амазон кои функционираат од претходната година за сите вработени со полно работно време во гигантот Амазон.

За илјадници вработени во светската IBM, можноста да работат од дома е клучна предност од нивната работа. Но, компанијата во петокот изјави дека дојде крај на можноста за работа од дома за сите вработени.

Технолошкиот гигант беше еден од првите кој им дозволи на своите вработен да работат од дома, и воедно беа објавени и големи заштедувања токму од оваа услуга која им ја даваат на вработените во компанијата низ светот а со тоа и зголемена продуктивност и високо растечки резултати. Околу 40% од речиси 400.000 вработени низ целиот свет не работат од канцеларија, изјави компанијата во 2007 година

Но, компанијата оддеднаш ја промени политиката на работење, и многу од своите вработени ќе мора да се вратат во своите канцеларии.

Во многу области, како што се развој на софтвер и дигитален маркетинг,  природата на работата се менува, и истата бара нови начини на работа, се вели во соопштението од компанијата.

IBM, одби да каже колку вработени ќе мора да се вратат во канцеларија, меѓутоа потврдија дека мал број сеуште ќе можат да работат од дома.

Повеќето од вработените од кои беше побарано да се вратат во своите канцеларии се согласија а оние кои не се согласија на пормените за жал ќе мора да ги изгубат своите работни места.

Помеѓу 1995 и 2008 година, компанијата соопшти дека го намали своите канцелариски простор и од просторот кој го продаде доби $1,9 милијарди.