Кои се симптомите на новиот вид корона наречен омикрон...Иако првично беше заклучено дека е позаразна поради големиот број мутации на спајк протеинот, шилец, сега научниците откриваат охрабрувачки вести...

Омикрон, новиот вид на корона вирусот кој беше откриен во јужна Африка, пристигна и во Европа, а според последните информации, Велика Британија е третата земја во која е регистриран, покрај Германија и Чешка. Светската здравствена организација итно заседаваше поради новиот вид корона, а бројот на неговите мутации е поголем од кој било претходен вид, што предизвикува страв во научниот свет.

СЗО објави дека омикрон има 32 мутации во шилецот, што го прави многу заразен и поопасен. Сепак, според најновите информации кои доаѓаат од епицентарот на инфекцијата со овој нов вид, постои можност омикронот да е всушност „побеопасен“ од другите мутации.

Анџелика Кеце, претседател на Здружението на лекари на Јужноафриканската Република, за британски Телеграф изјави дека омикрон предизвикува лесна слика без најчестите симптоми поврзани со оваа инфекција.

Тоа е лесна болест со симптоми како што се болки во мускулите или замор, кои траат ден или два додека болниот не се чувствува добро. Досега откривме дека заразените не го изгубиле мирисот и вкусот. Можно е да имаат блага кашлица Од заразените, дел моментално се лекуваат дома, рече Кеце.

Добрата вест е што омикрон не е пронајден кај вакцинирани луѓе и дека болниците не се преоптоварени со пациенти заразени со оваа варијанта на корона. И дали омикрон е поопасен за невакцинираните, вели Кеце:

Ќе го знаеме тоа за две недели. Омикрон е пренослив, но засега, како лекари, не знаеме зошто имаше толкава врева околу него, бидејќи сè уште го проучуваме. Ќе знаеме повеќе за две , три недели, бидејќи имаме неколку пациенти во болница, а тоа се млади луѓе, помлади од 40 години, објасни докторката.

Програмата на новата коалициска влада во Германија предвидува промена на Законот за државјанства, со што двојното државјанство ќе биде дозволено за државјани кои не се членки на ЕУ – објави iamexpat.de

Со оваа измена на граѓаните кои доаѓаат од земји што не се членки на Европската Унија за прв пат ќе им биде дозволено да се одлучат за двојно државјанство.

Ова е одлична вест за голем број македонски гастарбајтери, кои во моментите кога ќе стекнат услови за германско државјанство мораа да се откажат од македонското.

Покрај Македонците, измената на Законот ќе биде од корист и за припадниците на турската заедница, која брои неколку милиони во Германија.

Министерот за здравство Венко Филипче вели дека во последниве неколку дена се разгледуваат мерки за невакцинираните лица кои нема да ги загрозуваат работните места на граѓаните. Во вторник, на владина седница, ќе биде предложена нова мерка, а тоа е стимулација на матичните лекари.

Свесен сум дека ова беа едни од најтешките предложени мерки бидејќи допираа во работните односи и затоа сега ќе разгледуваме слични мерки кои нема да загрозуваат нечие работно место, а ќе бидат стимулација за вакцинација и затоа интензивно истражувавме во изминативе 2-3 дена, рече Филипче.

Тој вели дека ќе биде предложена нова мерка, а тоа е посебна стимулација за матичните лекари.

Предлогот е матичните лекари да бидат финансики стимулирани, односно кога ќе надминат 70 посто вакцинација на прикрепени пациенти да бидат наградени со 30 денари по пациент, од вкупниот број пациенти запишани кај нив. Тоа е предлогот со кој ќе излеземе пред Владата во вторник, рече Филипче.

По тагата доаѓа потрагата по правда за роднините на загинатите во жестоката сообраќајна несреќа на автопатот Струма. Судот може да досуди отштета до 250.000 лева (125.000 евра) за едно починато лице или вкупно 13 милиони евра доколку се докаже дека патот е причина за смртта на македонските граѓани, пишува бугарски „Блиц“.

Според бугарскиот адвокат Николај Димитров, вината за несреќата е комплексна, како на возачот на автобусот, така и на инфраструктурата.

Но, од друга страна, може да се докаже и вина во изградениот пат и неговото одржување. Роднините на жртвите можат да поднесат барање за надомест на нематеријална штета. Случајот е комплициран бидејќи бројот на загинати е огромен, а границите на осигурувањето од граѓанска одговорност на автобусот во Македонија се ограничени и нема да можат да ги покријат сите побарувања, вели адвокатот Димитров.

Пресметките покажуваат дека парите од осигурувањето нема да бидат доволни ниту за една десетина за покривање на штетите. Така, доколку се докаже вина на матичната Агенција за патна инфраструктура (РИА), најверојатно сите наследници ќе побаруваат отштета жалејќи се на патните услови, бидејќи Бугарија е местото каде што се случи несреќата. Експерти од бугарските осигурителни компании коментираат дека се очекува сумата да достигне најмалку 25 милиони лева (12,5 милиони евра).

Помеѓу 100.000 и 125.000 евра може да побара секој од родителите доколку нивно на дете загинало во несреќата. Возрасните деца без родители можат да добијат до 100.000 евра за изгубен родител, а за починат брат, сестра, баба или дедо сумата е околу 25.000 евра, пишува бугарски „Блиц“.