Челниците на Формула 1 ја продолжија соработката со првите луѓе на патеката во Каталонија која сега според планот ќе се вози до 2026 година.

Патеката која за првпат беше користена во Формула 1 во 1991 година, кога беше изградена пред Олимписките игри и следната година останува во календарот на Формула 1.

Оваа година Луис Хамилтон дојде до победата на оваа патека, а следната трка во Каталонија е закажана за 22 мај 2022 година.

По добиеното известување од ЕВН, Регионалниот центар за управување со кризи на Град Скопје ги известува граѓаните дека поради технички зафати во дистрибутивната електро мрежа, без електрична енергија ќе останат следните корисници:

На ден 29.11.2021 година (понеделник): од 08:00 до 13:00 часот, корисниците од дел од с. Градовци.Oпштина Зелениково).

Од 09:00 до 13:00 часот, корисниците од дел од с. Долно Количани, ( делот кон гробиштата ).(Oпштина Студеничани )

На ден 30.11.2021 година (вторник): од 08:30 до 15:30 часот, корисниците од селата: Миладиновци, Текија и Дељадровци. (Општина Илинден ).

Швајцарија во саботата ги прошири барањата за карантин за да го спречи ширењето на новата варијанта на коронавирус Омикрон кај патниците кои пристигнуваат од Британија, Чешката Република, Холандија, Египет и Малави, каде што се откриени случаи, соопшти нејзиното Министерство за здравство.

Во петокот, Швајцарија ги забрани директните летови од Јужна Африка и околниот регион поради откривање на нова варијанта на КОВИД-19, истовремено воведувајќи ограничувања за патување од други земји, вклучително Хонг Конг, Израел и Белгија.

Влезот од тие земји би бил возможен само за швајцарските граѓани или оние со дозвола за престој во Швајцарија или пошироката Шенген зона.

Сега, по откривањето на нови случаи на Омикрон, патниците од Велика Британија, Чешка, Холандија, Египет и Малави ќе треба да покажат негативен тест за СОВИД-19 и карантин исто така десет дена, соопшти Федералната канцеларија за јавно здравје во твит.

Не е наведено дали патувањето од тие земји ќе биде ограничено на швајцарските граѓани или не.

Два случаи на новата варијанта на коронавирус Омикрон, исто така, се откриени во јужната германска покраина Баварија и во Италија, двата соседи на Швајцарија, но Швајцарија досега не воведе ограничувања за патување на ниту една земја со која ги дели границите.

На светските берзи, цените на акциите драстично паднаа минатата недела, бидејќи склоноста на инвеститорите за поризични инвестиции опадна откако беше идентификувана нова варијанта на коронавирусот во Јужна Африка за која се стравува дека може да биде позаразна.

На Волстрит, Dow Jones минатата недела падна за 2 отсто, на 34.899 поени, додека S&P 500 потона за 2,2 отсто на 4.594 поени, а индексот Nasdaq 3,5 отсто на 15.491 поени.

До петок на берзите се тргуваше мирно, а потоа пазарите ги потресе веста дека во Јужна Африка е идентификувана нова варијанта на коронавирусот со голем број мутации.

Се стравува дека таа може да биде отпорна на вакцини и позаразна од претходните варијанти на вирусот.

Како резултат на тоа, многу земји, вклучително и ЕУ, Обединетото Кралство, САД и Бразил, најавија построги гранични контроли на патувањата од шест јужноафрикански земји.

Ова ги вознемири инвеститорите кои веќе беа загрижени за брзото ширење на коронавирусот во Европа и повторното заклучување во некои земји, како Австрија.

Во Германија, бројот на смртни случаи од вирусот надмина 100.000 минатата недела, Словачка објави двонеделно „заклучување“, а чешката влада порано ги затвори границите.

Сето ова може да го забави економското закрепнување на регионот од кризата со корона.