Прототипите на новата, шеста генерација на Mercedes-Benz E-Class се забележани како се тестираат на јавните патишта за прв пат пред планираното претставување во Велика Британија во првата половина на 2023 година.
 

Познат под името W214, новата E-Class е во развој кој е фокусиран на доработка на електричната архитектура и моторот. Неговата електрична архитектура во голема мера се надградува за да поддржува нови функции кои вклучуваат опција за автономно возење земјите каде што е дозволено, заедно со 5G конекција што овозможува брзо ажурирање на софтверот.

Новиот Mercedes-Benz, кога ќе биде пуштен во продажба, ќе ви понуди електрични погонски линии. E-Class 2023 ќе остане со електрифицирани верзии на денешните мотори со четири и шест цилиндри.

Стапката на слободни работни места во третото тримесечје од 2021 година изнесува 1,69%, покажуваат податоците на Државниот завод за статистика.

Вкупниот број слободни работни места во земјава е 8.595, од кои најмногу се во секторот преработувачка индустрија (1.732), кој, сепак, нема највисока стапка на слободни работни места.

Највисока стапка на слободни работни места од 3,32% има во секторот административни и помошни услужни дејности, каде што има вкупно 730 слободни работни места.

Голем број слободни работни места има и во секторот трговија на големо и трговија на мало, поправка на моторни возила и мотоцикли (1.554), сектор кој има стапка на слободни работни места од 1,82%, а има и 906 слободни работни места во секторот градежништво, кој има стапка од 3,03% и 648 слободни работни места во секторот транспорт и складирање, кој има стапка од 2,29%. Секторот образование има стапка на слободни работни места од 1,67%, односно вкупно 626 непополнети работни позиции.

Најмала е стапката во секторот снабдување со електрична енергија, гас, пареа и климатизација, во кој изнесува 0,20%, а каде што се бараат само 16 работници.

Според податоците на ДЗС, вкупниот број на пополнети работни места во третото тримесечје од годинава е 500.145, од кои најмногу се во преработувачката индустрија (115.467), а потоа следува секторот трговија на големо и трговија на мало, поправка на моторни возила и мотоцикли (83.628), јавна управа и одбрана, задолжително социјално осигурување (37.782), дејности на здравствена и социјална заштита (37.716) итн.

Најмал број пополнети работни места има во секторот дејности во врска со недвижен имот, 2.050, но таму има и мал број слободни работни места (26).

За најевтин град за живот е прогласен сирискиот главен град Дамаск, објави Економист.

Утврдено дека проблемите во синџирите за набавка и антиепидемиските мерки кои ги ограничија производството и трговијата придонеле на порастот на трошоците за живот во многу градови.

Трошоците за транспорт пораснале поради растот на цените на горивата, а забележан е значителен пораст на цените на тутунот, производите за лична хигиена и забавни содржини.

Најскапи градови се Тел Авив, Париз, Сингапур, Цирих, Хонг Конг, Њујорк, Женева, Копенхаген, Лос Анџелес и Осака, а потоа следат Осло, Сеул, Токио, Виена, Сиднеј, Мелбурн, Хелсинки, Лондон, Даблин, Франкфурт и Шангај.

фото Wikipedia

Германија воведува лотарија за добивање работна виза за македонските граѓани. 

Сo најновото ажурирање кое го направи Амбасадата, ќе има нови правила  за процедурата за закажување. Веќе има многу голем интерес. 

За таа цел, во февруари по првпат ќе се отвори нова листа за регистрација на термини за поднесување барање за визи. Оваа прва листа ќе биде отворена за регистрации за одреден временски период (најверојатно 2 недели). Листата нема да се затвори, како досега, кога ќе се дојде до одредена бројка на регистрации. Наместо тоа, листата за регистрација ќе се затвори на одреден ден и од сите регистрации, компјутерски, по случаен избор по пат на лотарија ќе се избере кој ќе добие термин во март 2022 година. За точните податоци кога ќе се отвори листата, ќе информираме навреме на нашата веб-страница и преку нашиот фејсбук-профил велат од германската амбасада во Скопје.

Лотаријата ќе се реализира во германското Министерство за надворешни работи во Берлин под надзор од повеќе лица. 

Инаку, македонските граѓани сакаат да заминат на работа во Германија. Податоците на Евростат покажаа дека во оваа земја има повеќе од 100.000 македонски граѓани.