Германија воведува лотарија за добивање работна виза за македонските граѓани. 

Сo најновото ажурирање кое го направи Амбасадата, ќе има нови правила  за процедурата за закажување. Веќе има многу голем интерес. 

За таа цел, во февруари по првпат ќе се отвори нова листа за регистрација на термини за поднесување барање за визи. Оваа прва листа ќе биде отворена за регистрации за одреден временски период (најверојатно 2 недели). Листата нема да се затвори, како досега, кога ќе се дојде до одредена бројка на регистрации. Наместо тоа, листата за регистрација ќе се затвори на одреден ден и од сите регистрации, компјутерски, по случаен избор по пат на лотарија ќе се избере кој ќе добие термин во март 2022 година. За точните податоци кога ќе се отвори листата, ќе информираме навреме на нашата веб-страница и преку нашиот фејсбук-профил велат од германската амбасада во Скопје.

Лотаријата ќе се реализира во германското Министерство за надворешни работи во Берлин под надзор од повеќе лица. 

Инаку, македонските граѓани сакаат да заминат на работа во Германија. Податоците на Евростат покажаа дека во оваа земја има повеќе од 100.000 македонски граѓани. 

Последниот неработен ден за 2021 година, кој ќе важи за сите граѓани ќе биде 8 декември (среда). На овој ден се празнува “Св. Климент Охридски“.

Инаку во месец декември ќе одмараат и граѓаните припадници на турската заедница во земјава на 21 декември (вторник), Ден на настава на турски јазик.

Ќе одмараат и Kатолиците во земјава и тоа на 25 декември, прв ден Божиќ кој се паѓа во сабота.

Макеоднските граѓани од следната, 2022, година ќе плаќаат повисоки сметки за струја. Надлежните  сè уште не соопштуваат колку ќе биде растот на цената, а според неофицијални информации, како што, пренесе ТВ24, поскапувањето ќе биде за 20%

ТВ24 дознава производната цена на струја на ЕСМ од сегашните 36 евра најверојатно ќе порасне на 45 евра за мегават час. Еден од главните критериуми за формирање на цената за домаќинствата е токму производната цена на ЕСМ.   

Според инфромации на ТВ24 државната компанија ќе бара зголемување на цената на струја за дваесетина проценти, во дописот кој е адресиран до Влада дадени се различни пресметки, цени и количини - и што ќе значи секоја од нив финансиски.   

Зголемување ќе бара и државната МЕПСО но засега се уште анализираат. 

Македонија од 9-ти ноември и официјално е во енергетска криза. На компаниите досега им беа вбризгани 65 милиони евра за покривање на трошоците кои изминатиов период ги имаа. Надлежните најавија доколку е потребно ќе има и дополнителна финансиска помош.  

Пред околу 10 години за првпат имаше обид во Македонија да се намали употребата на пластичните ќеси и истите да се наплаќаат 1-2 денари, но и да се понуди опцијата за хартиена ќеса, која потрошувачот би ја добил бесплатно.

Некои маркети и брендови уште тогаш со купени производи даваа гратис торби за купувачите, други воведоа таканаречени биоразградливи ќеси, а трети останаа со обичните, пластични и ги наплаќаа. 

Сега е 2021 година и од денеска, 1 декември, на сила стапува нова цена на пластичните ќеси, кои ќе чинат 15 денари да се купат во маркетот. Според една група потрошувачи тоа е прескапо, а според друга, на високи сметки за неделно пазарење, уште 100-тина денари нема да направат голема разлика.

Пластиката низ светот

Пластиката важи за еден од најголемите загадувачи на почвата и на океаните, најмногу поради нејзиниот долг период на разградување. Ова загадување не доаѓа само од ќеси, туку и од амбалажи, фолии, шишиња, чаши за една употреба, цевчиња за пиење... Не секоја држава располага со соодветни капацитети за рециклирање на пластиката.

Свесноста околу селектирањето на отпадот кај нас е на најниско ниво, бидејќи најпрво, дури и тие малку корпи и контејнери што ги има не се користат правилно, а потоа и дека на луѓето не им се „губи време“ да селектираат. Низ Европа има многу примери на земји каде селектирањето е задолжително, а различни служби го собираат отпадот соодветно. 

Интересна појава се младите луѓе кои сакаат да го променат светот, па мотивираат рециклирање и замена на пластиката со одржливи решенија, на пример метални цевчиња за пиење, чаши за кафе за носење направени од материјали кои се рециклираат, избегнување на секаков вид пластика во секојдневниот живот, восочни фолии за пакување храна, торби од текстил и мора да признаеме, стануваат навистина креативни во тоа што го нудат. 

Во продавниците можете да најдете и четки за заби со бамбусова рачка, кои исто така се лесни за рециклирање. 

Проблемот во Македонија

Постојат и мали бизниси во Македонија кои ја промовираат одржливоста и имаат за мисија да го намалат отпадот од каков и да е вид. 

Продажбата на ќеси за 15 денари некои ја дочекаа со одобрување, а други со жестоко противење. На долг план, можеби ќе има одредено ниво на одржливост. Некои сметаат дека имаме поприоритетни проблеми од пластичниот отпад (и веројатно се во право). Но, она што многумина го забележаа вчера во маркетите беше масовно купување на брендирани ќеси - за фрлање на ѓубре, велат. 

Но, само на неколку чекори од касата, може да се најдат вреќи за ѓубре од кои најмалите се по 15 литри волумен, имаат рачки и се издржливи, а цените се движат меѓу 30-50 денари за 10-12 ќеси (има и поскапи и поевтини). 

Што значи - решение за фрлањето ѓубре има, но ние веројатно не сакаме да ја почнеме промената од себе. 

Останува надежта дека откако ќе ги потрошат ќесите кои ги купија вчера, луѓето ќе имаат доволно време да се освестат и да придонесат во одржливоста, рециклирањето и заштитата на животната средина.