Samsung најави сензор од 200MP кој најверојатно ќе биде користен за Galaxy S22 Ultra, а треба да излези  на почетокот на следната година. Motorola исто така ќе биде една од првите компании што ќе лансира смартфон со главен сензор на камера од 200MP. Ликстерот Ice Universe додава дека и Xiaomi ќе биде следниот со 200MP смартфон, во втората половина на 2022.

​Motorola ќе го  лансира својот уред со 200MP пред Xiaomi, а најверојатно тоа ќе биде моделот Moto Edge X. Овој модел ќе има Qualcomm - Snapdragon 8 Gen1 чип и ќе биде првиот смартфон со ваков чип. Moto Edge X би требало да биде лансиран во средина на 2022 година. Овој модел ќе ја има камера од компанијата Samsung со 200MP која се нарекува ISOCELL HP1, и располага со пиксели од 0.64μm, со нова ChameleonCell pixel-binning технологија и ќе има можност да снима во 8K.

Renault Kadjar ќе добие нов изглед, редизајниран ентериер, обновени погонски единици, па дури и ново име кога ќе влезе во својата втора генерација во 2022 година.
 

Ривалот на Toyota RAV4 сега ќе се вика Renault Austral - име за кое Renault вели дека „ја потсетува на живоста и топлината на југот, мирното задоволство на природата, како и широко отворените простори, евоцирајќи неограничени можности“.

Претходните видувања на камуфлирани прототипови, исто така, потврдија дека водечкиот SUV ќе претрпи значителен стилски ремонт, следејќи го водството на новиот Renault Mégane E-Tech Electric, кој го поставува тонот за дизајнерскиот етос на Renault од новата ера.
 

Крешник Бектеши, министерот за економија, рече дека Владата размислува да ги замрзне и цените на оризот и јајцата со бранот на инфлација кој веќе се чувствува во земјата.

Тоа значи дека овие производи ќе се додадат на веќе постоечката листа на замрзнати цени на сончогледовото масло, брашното тип 400, леб, шеќер, свежо млеко, сирење која беше усвоена со одлука на Влада во саботата.

Ќе ги почекаме цените од Заводот за статистика за месец ноември. Ако има зголемување драстично, ќе донесеме прошируваме на одлуката за замрзнување на оризот и јацата за наредните два месеци, рече Бектеши.

Цените кои биле формирани од трговците од 1 декември ќе важат до 31 јануари. Бектеши вели дека во овој период тие нема да се зголемуваат.

Engineered Arts, дизајнер и производител на хуманоидни роботи со седиште во Велика Британија, неодамна ja покажа една од своите најреалистичните креации во видео објавено на YouTube. Роботот, наречен Амека, е прикажан како прави серија неверојатни човечки изрази на лицето.

На почетокот на видеото, се чини дека Амека „се буди“, бидејќи нејзиното лице покажува мешавина од збунетост и фрустрација кога ги отвора очите. Но, кога Амека почнува да ги гледа рацете, роботот ја отвора устата и ги крева веѓите изгледајќи зачудено. На крајот од видеото се гледа како Амека се насмевнува и ја подава раката за добредојде кон гледачот - ако така сакате да го протолкуваме тој гест.