Јавното претпријатие „Паркинзи на општина Центар“ (ПОЦ) не планира да прави корекција на постојните цени за паркирање на паркинзите со коишто стопанисуваат во центарот на Скопје.

Имајќи во предвид дека сите јавни институции и приватни компании се лоцирани во центарот на градот, доколку ги намалиме цените за паркирање ќе ги поттикнеме граѓаните да ги користат своите автомобили повеќе и ќе предизвикаме поголем сообраќаен хаос и узурпација на паркинзите за резиденти кои се обидуваме да им ги обезбедиме на жителите од општината –  велат за Мета.мк од ЈП ПОЦ.

Од ПОЦ велат дека намалувањето на цените за паркирање од ЈП „Градски паркинг“ ќе го зголеми притисокот врз паркиралиштата со кои тие стопанисуваат, но тие се надеваат оти ќе се намали притисокот за паркирање врз резидентните паркиралишта на ЈП ПОЦ.

ЈП ПОЦ ќе продолжи да работи во насока намалување на комерцијални паркиралишта (паркиралишта со смс наплата) и зголемување на резидентни паркиралишта со цел да се обезбедат повеќе паркинг места за жителите и да им се овозможи полесен и побезбеден пристап до нивните домови – информираат од претпријатието.

Во зависност од тоа која зона станува збор (Зона 2, Зона 1, Зона 01, и Зона Ултра), цената за паркирање на паркинзите на ЈП ПОЦ во моментов изнесува од 50 до 100 денари за час, додека паркирањето кај паркингот на „Домот на градежници“ чини 250 денари за час. На овој начин, ЈП ПОЦ се стреми најголем дел од овие паркинг места да ги резервира за жителите на околните згради.

Повеќе на Мета.мк.

Бројни работници ширум светот, особено оние кои работат во ИКТ и други „дигитализирани“ сектори, ја прифатија работата од дома во изминатата година и половина. Претходно, оваа опција беше добредојдена погодност, но со појавата на пандемијата таа стана неопходност, барем кога станува збор за перцепцијата на вработените кои ги анкетираше Microsoft во Британија.

Со овој тренд се согласуваат и експертите за човечки ресурси, кои наведуваат дека можноста за работа од дома и на работното место, позната и како хибридна работа, има позитивни ефекти врз менталното здравје на вработените.

Истата анкета, спроведена во соработка со YouGov, покажа дека 51% од вработените, кои моментално имаат можност да изберат кога да работат од дома и кога во канцеларија, се подготвени да ја сменат работата доколку оваа поволност биде прекината.

Ако се земе предвид фактот дека во Британија, но и во остатокот од светот, моментално има многу значаен бран на отпуштања и промени на работните места (тренд наречен „Great Resignation“ или „Big Quit“), можеме да дојдеме до некои заклучоци зошто милиони луѓе решиле да поднесат оставки токму сега.

Истражувањето на Microsoft дава некои одговори. Анкетираните вработени во Обединетото Кралство бараат нови работни места пред се за да добијат поголема флексибилност. Од друга страна, експертите за човечки ресурси посочуваат дека немањето хибридна опција за работа е ризично за работодавачот, бидејќи може да доведе до ситуација да не може да го задржи талентот, нивните вработени да бидат помалку продуктивни, но и да доведе до „прегорување“ на работа.

„Пандемијата покажа дека организациите можат да им веруваат на своите луѓе да бидат продуктивни, каде и да работат. Сега, според тоа, имаат можност да ја преобликуваат работата околу индивидуалните работни места, преференциите и личниот живот“, е еден од наодите на оваа студија.

Во Обединетото Кралство, речиси милион луѓе смениле работа во периодот од јули до септември оваа година, што е најголем број во последните две децении, според Националното биро за статистика. Во Германија, 6% од вработените ги сменија работните места за време на пандемијата, а слични, иако малку помалку развиени, трендови беа забележани во остатокот од Европа, вклучително и Кина. Соединетите Американски Држави се во првите редови на сè, со над 4 милиони доброволни отпуштања месечно.

Владата ќе набави 10.000 дози вакцини Фајзер за деца од 5 до 12 години. 

На денешната 127-ма седница е донесена одлука за набавка на 500.000 дози вакцини Фајзер. Во нив се вклучени и дозите за деца во количина од 1 процент од вкупниот број на деца во државата на возраст од 5 до 12 години, или околу 10.000 дози. 

Дозите за возрасните да почнат да се испорачуваат од месец мај, а педијатриските дози во првото тромесечје на 2022 година, а вкупната количина треба да се испорача до декември 2022 година, велат од Владата. 

Набавката на оваа количина вакцини против КОВИД-19 за 2022 година е поради заштита на јавното здравје и за рестартирање на економијата. 

Доколку сакате да патувате и чедто ги користите услугите на авиокомпанијата „Визер“, денес можете да искористите една неверојатна понуда и да го испланирате следното патување со тоа што ќе купите билети за само 2 евра.

Имено, на почетната страница веднаш ќе ви се појави можеби најубавата вест на денот, а тоа е дека се продаваат билети за само 2 евра.

Доколку сакате да патувате и чедто ги користите услугите на авиокомпанијата „Визер“, денес можете да искористите една неверојатна понуда и да го испланирате следното патување со тоа што ќе купите билети за само 2 евра.

Имено, на почетната страница веднаш ќе ви се појави можеби најубавата вест на денот, а тоа е дека се продаваат билети за само 2 евра.