Жичарницата на Водно ќе биде пуштена пред Нова година, информираше денеска в.д директорот на ЈСП, Иван Илиевски.

Во моментот се проверува техничката исправност.

Жичарницата околу две години не е во функција, односно од почетокот на пандемијата кога поради рестриктивните мерки за заштита од Ковид беше затворена, а скопјани подолго време бараат да почне да работи.

Интересен оглас за вработување се појави во еден австриски весник, истиот стана хит поради условите кои мора да ги исполни идниот вработен. Работодавачот нуди 15 плати годишно во износ од 6.000 евра, а за возврат бара некој кој истовремено би можел да биде домаќинка, приватен готвач, градинар и техничар. Покрај потврда дека лицето е имунизирано потребна е валидна гастро и туристичка обука и работно искуство во „ексклузивни домаќинства или хотели“.

Меѓу другите необични услови, наведено е дека кандидатот треба да има „одлично однесување, негуван изглед, самоуверено држење на телото, како и апсолутна флексибилност, лојалност и дискреција“. Кандидатите мора да сакаат животни.

На прашање на „Хојте“, работодавачите не сакаа да дадат никакви дополнителни информации бидејќи мораа да ја заштитат приватноста на клиентот. Открија само дека очекуваат многу пријавени бидејќи е понудена добра плата.

Пратениците во Бугарија одлучија да се замрзне цената на струјата и парното на сегашно ниво. Зголемувањето на цените во минатото кај нив предизвикаа протести, бидејќи сиромашните семејства често се бореа со тоа како да ги платат сметките преку зима.

Бугарскиот независен енергетски регулатор најави зголемување на цените на електричната енергија во просек за 11,5 насто и цените на парното до 30 насто за домаќинствата од 1 јануари, со што ќе се усогласат со цените на пазарот каде компаниите ја купуваат својата енергија.

Кај нас, Електродистрибуција веќе доставила барање за 100% зголемување поради големите загуби во мрежа и високите берзански цени на струјата, што според претседателот на РКЕ Марко Бислимовски што би значело 34% зголемување на крајната сметка за струја. Се очекува да пристигне и барањето од МЕПСО, кои веќе најавија дека нивните пресметки покажуваат 60% поголеми трошоци, што би значело дополнителни зголемување од 4% на крајната сметка. Освен МЕПСО, се очкеува и барањето на ЕВН Хоум.

Побарано е 100% пред се зголемени трошоци за загуби./Вкупно се 140 милиони евра заради надворешни влијанија, нема нови вработувања таму. И доколку се прифати 33 – 34% на крајна цена. / Доколку е така крајна цена дополнително 4%, значи без ЕВН 37-38% зголемување, изјави Марко Бислимовски, претседател на РКЕ.

Бугарите се најсиромашни во Европската Унија(ЕУ). Најлош животен стандард во ЕУ има во Бугарија, чии граѓани се со најниска куповна моќ, по неа е Хрватска, а највисок стандард има Луксембург. 

Бугарија  е со стандард кој е 39 отсто под просекот за ЕУ-27 нивото во 2020, следи Хрватска каде стандардот во 2020 бил за една третина (32 отсто) понизок од просекот во Европската Унија, објави Евростат. Лани највисокиот стандард, изразен во фактичката индивидуална потрошувачка по глава на жител, е забележан во Луксембург, 45 отсто повисок од просекот на ЕУ.  По оваа земја, следат Германија, Данска, Холандија, Австрија. Сликата е горе долу иста со години наназад. Бугарија, Романија, Хрватска се на дното на скоро сите рангирања.