Доколку сакате да патувате доколку работите, овие професии се како измилени за вас:

Блогер или влогер за патувања

Ако имате голем број на следбеници на Јутјуб каналот или блогот, со помош на познати брендови кои го сакаат вашето промовирање можете да заработите доволно пари за патување на далечни дестинации.

Пилот / стјуардеса

Ако сакате секој ден да бидете во друга странса држава, станете пилот или стјуардеса. Само имајте во предвид дека поради густиот распоред некогаш нема да имате време да ја разгледате посакуваната дестинација

Готвач

Врвните професионалци во кујна се многу барани, па не е чудо што многу готвачи патуваат низ светот работејќи во познати хотелски ланци и одмаралишта.

Работа на брод

Работата на брод е најдобрата шанса за да патувате низ светот, а уште и да ви плаќаат за тоа. За оваа авантура не мора да бидете морнар. На бродот можете да миете садови, да ги послужувате гостите, да им пеете… можностите се големи.

Археолог

Ако сте љубител на старите цивилизации, запишете се на археологија. Оваа работа ќе ве одведе на атрактивни дестинации ширум светот, а за ова искуство ќе бидете и платени.

Оние кои најмногу заработуваат во Германија најмногу и работат, е заклучок на истражувањето кое го спроведе Германскиот завод за вработување.

Повеќе од 40 отсто од сите вработени во Германија неделно работат најмалку пет прекувремени часа, додека пет отсто работат 10 прекувремени часа неделно.

Оние кои заработуваат помалку од 30 000 евра годишно по недела работат во просек два часа прекувремено. Оние кои заработуваат до 60 000 евра работат во просек четири часа прекувремено. Оние со годишни приходи од 120 000 евра и повеќе, неделно работат во просек 10 часа прекувремено, пресметаа германски статистичари.

Со бројот на прекувремени часови поврзани се и годините-млади под 20 години возраст работат во просек два часа прекувремено, а постари од 60 години просечно 3,6 часа.

Најмногу прекувремно работат советници во компании, а следат работници во трговски сектор. Голем број од нив не добиваат никаква компензација за прекувремена работа  (околу две третини).

Најмалку прекувремени часа има во машинскиот сектор.

Ова истражување е спроведено на примерок од 220 544 вработени во последните 12 месеци.

Погледнете го краткото видео од Forbes, за тоа како треба да се постапи на интервју кога не знаете колку би биле платени за позицијата за која се пријавивте.

Искористете некои од советите на вашето наредно интервју за работа  и добијте ја вашата работна позиција од соништата со супер плата.

Новиот тарифник за сметководители со кои се утврдува најниската цена  за извршена услуга  ќе ги погоди малите бизниси, оние со неколку  вработени и со помал промет.

Ако тие до сега за сметководствена услуга месечно плаќале по 500 денари сега најниската цена ќе биде 2.000 денари. Експертите сметаат дека ваков тарифник треба да има, но да им се остави простор на помалите фирми да го развијат бизнисот.

Цените за сметководствените услуги треба да бидат различнни за канцелариите во Скопје и во помалите градови. За разлика од тука, таму кириите се помали, а фирмите за кои вршат услуги се мали и со помали заработки.

Од инситутот за сметкодводители велат дека новиот тарифник ќе помогне сметководителите да ги покријат направените трошоци, а услугата ќе биде поквалитетна.  

Според новиот тарифник најниската цена за сметководствена услуга е 32 евра. Толку ќе ги чини компаните кои годишно имаат промет до 400 илјади денари. Додека највисоката е 1000 евра, цена која ќе ја плаќаат фирмите со годишен промет над 200 милиони денари.

Новиот ценовник ќе се стави во употреба од први јули 2017та.