KARIERA.mk разговараше со Маја Коуфакис од Boutique de la Parfumerie.

Како дојдовте до идејата да ја отворите вашата парфимерија во Скопје?

Долги години сме во брак со грчки државјанин, имаме живеалиште во Атина веќе 10 години. Таму во секое населено место има по една ваква продавница. Кога отвори таква продавница во мојата населба тоа беше љубов на прв поглед! Ме освои прекрасната продавница и  парфемите, поради што јас станав нивна редовна муштерика долги години. Откако се вратив во Македонија, сакав да ја споделам таквата убавина и со мојот народ и да им овозможам и тој да уживаат во квалитетот на парфемите по многу поволни цени.

Кажете ни нешто повеќе за брендот од каде потекнува и кои се спецификите по кои се разликува од сите други парфимерии?

Франшизата на нашиот бренд Boutique de la Parfumerie потекнува од Грција, а парфемите се произведуваат во Франција, во фабрика каде што се произведуваат во нивната оргинална верзија. Овие парфеми се наливни па затоа содржат 2% повеќе есенција од оргиналната верзија и со самото тоа и нивната трајност и јачина се подолгорочни.

Нашиот бренд се издвојува од останатите по тоа што имаме доста голем избор на парфеми. Кај нас можете да го најдете стариот добар парфем што некогаш сте го користеле, а веќе не се произведува како и најновиот парфем што е лансиран само 2 или 3 месеци претходно. Исто така квалитетот и концептот на нашата услуга се доста уникатни затоа што се точат парфемите на самото место пред купувачот во убава атмосфера со пријатен и љубезен персонал кој ги пакува парфемите во убава амбалажа. Наша цел е купувачите да бидат задоволни со нашите производи.

Кажете ни како ја направивте селекцијата на вработени, колку во тоа помогна KARIERA.mk како сервис за огласување на слободни работни места во вашиот салон и како изгледа едно интервју за вработување?

Можам слободно да кажам дека благодарение на Кариера.мк имав можност да оформам една многу добра и квалитетна екипа на вработени, сега за сега само женски, но тоа не значи дека машките се исклучени. Со огласувањето на Кариера.мк ми се овозможи да имам голем одзив на огласот со многу испрани CV  од различни апликанти. Навистина изборот беше голем, а вредеа и направените интервјуа со голем број на девојки кои беа запознаени со целиот концепт на нашиот бизнис и се друго за што е потребно да бидат упатени.

Бидејќи се работи за специфична гранка во бизнисот за козметика и убавина какво е вашето мислење за македонските купувачи на ексклузивни добра и каков е вашиот реален впечаток од досегашната работа?

Најважно од се е да го сакаш тоа што го работиш. На мое големо задоволство сакам да кажам дека за изминативе два месеци постигнавме особено голем успех во продажбата на овие квалитетни парфеми по неверојатно достапни цени за овој пазар во новоотворениот трговски центар East Gate Mall каде се наоѓа нашата продавница. Имаме огромен број на задоволни потрошувачи, а тоа е клучот што не прави да бидеме посилни и да не отстапуваме од нашиот квалитет.

Нема поволни автомобили и чинат повеќе од било кога. Подобрување не е на повидок пред 2023 година. Таква е ситуацијата и во Македонија, но во германија половните автомобили станале ретка стока. Дојче веле пишува дека заменик-претседателот на Централната асоцијација на германската автомобилска трговија (ЗДК), Томас Пекрун вели оти во моментов има помалку користени автомобили од клиенти. Според Пекрун, цените се зголемени од пет до десет проценти. Има и понови половни автомобили кои чинат повеќе од истите нови автомобили, бидејќи испораката на нови во моментов е многу подолга.

Мартин Вајс кој работи за DAT, вели дека пазарот полудел, додавајќи дека половните автомобили се поскапи од кога било досега, дури 15 отсто повеќе. Тој наведува дека во некои случаи цената може да биде и повисока. Како прво, автомобилите со дизел мотори се многу поскапи отколку во првите години по скандалот со фалсификувани емисии

Експлозијата на цените беше предизвикана од пандемија и постојан недостиг на чипови за автомобилска електроника. Во 2020 година, поради пандемијата, регистрирани се помалку нови автомобили, од кои некои сега недостасуваат како половни автомобили.

Дополнително, компаниите за изнајмување автомобили моментално помалку инвестираат во возила кои по кратко време ќе бидат понудени на продажба. Намален е бројот на регистрации на нови автомобили кои дилерите ги прогласуваат за користени по само еден ден. Пекрун наведува дека едноставно има премалку автомобили на пазарот. Со оглед на тоа што дилерите една година чекаат нов автомобил поради недостиг на чипови, тие се повеќе посегнуваат по користени автомобили. Ова дополнително ја намалува понудата.

Тешко дека ситуацијата би можела да се подобри во 2022 година Ќе имаме зголемени цени на половните автомобили во 2022 година, предвидува Пекрун.

Законот за заштита од вознемирување на работно место е донесен во 2013 година. Три години подоцна, во 2016-та, донесена е и првата пресуда за психичко вознемирување на работно место. Во пресудата, судот наложува тужените да престанат со психичкото вознемирување на работното место на тужителот и да овозможат соодветно вреднување на неговата работа. Оттогаш, предмети по овој основ се заведени само во седум од вкупно 26 Основни судови на територијата на Република Северна Македонија.

Според информациите до кои дојде МИА преку Законот за слободен пристап до информации од јавен карактер, во 26-те Основни судови на територијата на Република Северна Македонија, во изминатите пет години се заведени вкупно 70 предмети по основ Вознемирување на работно место. Од нив, како неосновани се одбиени 26 тужбени барања, додека, усвоени осум. Делумно усвоени се две барања, во тек се 19 предмети, еден е во прекин, а повлечени се 14 тужбени барања.

Над 46,4 милиони евра е годишниот приход од наплата на патарини на Јавното претпријатие за државни патишта во минатата година, што е за 2,8 милиони евра повеќе во однос на 2019, а за 12,1 милион евра повеќе во однос на 2020 година. Над 25 проценти од вкупните средства лани се остварени преку електронската наплата на Коридор 10. Годинава ЈПДП очекува приход од над 50 милиони евра, ставање во функција и на наплатните станици Преод и Кадрифаково на автопатот Скопје-Штип, како и електронски систем на наплата на постојните патарини на Коридор 8.

Директорот на Јавното претпријатие за државни патишта (ЈПДП) Ејуп Рустеми во интервју за МИА вели дека наплатната служба при ЈПДП во 2021-ва иако беше година на пандемија и ограничени можности за непречен сообраќај меѓу државите оствари рекорден приход и историски успех во 35-годишното постоење. И покрај затворени гранични премини до втората половина на мај, посочува Рустеми, наплатната служба успеа одлично да ја организира и контролира работата и при тоа да оствари промет во 2021 година кој е за 36 проценти повеќе во споредба со 2020 година, а во однос на претходно рекордната 2019 година зголемувањето е за шест проценти.

Според досегашниот остварен годишен промет од наплата, зголемувањето е  над 170.000.000 денари (2,8 милиони евра) повеќе од 2019 година, додека во однос на 2020 година зголемувањето е за 747.583.000 денари (или 12.155 милиони евра) повеќе остварен промет од наплата на патарина. Во 2019 година вкупно беше остварен приход од 2.681.866.666 (или 43,6 милиони евра), додека во 2020 година остварениот приход изнесуваше 2.092.9818.055 денари (или 34.029.562 евра). Оваа календарска година приходот е 2.853.668.980 денари (или над 46,4милиони евра). Овие суми на приходи се однесуваат само за остварен промет од наплата на патарина, продажба и надополнување на електронски уреди, а над 25 проценти од вкупно наплатени возила е остварен преку електронската наплата на Коридор 10, наведува Рустеми во интервјуто, што МИА ќе го објави дополнително.

Во голема мерка да се остварат овие резултати, како што вели, придонесе и Современиот мониторинг центар, кој е направен по европските стандарди за следење и организирање на работата.

Со оглед на постигнатите резултати во електронската наплата наш фокус годинава ќе биде продолжување на процесот на модерницазија на патарините. И оваа 2022 година во однос на наплатната служба имаме поставено високи цели, кои ќе станат реалност со отворањето на двете нови наплатни станици Преод и Кадрифаково, и се предвидува годишниот приход да биде над 50 милиони евра, а годинава ќе го воведеме електронскиот систем на наплата и на Коридорот 8, најавува директорот на ЈПДП.

Во тек е изработка на проектна документација за реконструкција и имплементација на електронски систем за наплата на постојните наплатни станици на Коридор 8. По целосно одобрување на проектната документација од надлежните органи и институции  Рустеми најавува дека ќе започне и реализацијата на терен. Се очекува модернизацијата  на наплатните станици на Коридор 8 да стартува по првиот квартал од годинава.

Имајќи ги во предвид временските прилики и сезоната кога градежните работи најчесто паузираат, посочува, завршувањето на изградбата и имплементацијата на електронскиот систем за наплата на наплатните станици Преод и Кадрифаково се очекува да заврши кон крајот на април годинава.

Зголемувањето на приходите значи и зголемување на инвестициите, зголемување на градбите, рехабилитациите, реконструкциите, изградба на нови патишта, доизградба на започнатите патишта, подобрување и подобро одржување на патната инфраструктура во држава со крајна цел сигурни и безбедни патишта за граѓаните, истакнува Рустеми.