Невакцинираните граѓани во Грција кои се над 60-годишна возраст и досега не примиле барем една доза од вакцината ќе бидат казнети со парична казна од 50 евра за јануари и по 100 евра за секој нареден месец, со оглед на тоа дека од денеска стапува во сила одлуката за задолжителна вакцинација на конкретната старосна група, јави дописничката на МИА од Атина.

Мерката беше соопштена на крајот на ноември, неколку дена подоцна конкретниот амандман го изгласаа пратениците во грчкиот Парламент, а предвидува дека „од неопходни причини за заштита на јавното здравје, задолжително се вакцинираат против ковид-19 сите физички лица со живеалиште или постојан престој на грчка територија, а кои се родени пред 31 декември 1961 година”.

За јануари, казната ќе биде 50 евра, со оглед на тоа дека е за половина месец, а за секој нареден, административна глоба е 100 евра. Казната ќе ја заверува и наплатува Независната управа за јавни приходи, а собраните средства ќе се користат исклучиво за зајакнување на националниот здравствен систем во битката со пандемијата.

Од задолжителната вакцинација ослободени се оние кои прележале ковид-19 во последните 180 дена, оние кои се вакцинирале во странство, како и оние кои имаат докажани здравствени причини кои ги спречуваат да се вакцинираат.

Од конкретната старосна група, вакцинирани се девет од десет граѓани, а невакцинирани, според грчките медиуми, се над 300.000 лица.

Кога беше соопштена одлуката на крајот на ноември околу 580.000 граѓани беа невакцинирани, а грчкиот премиер Кирјакос Мицотакис мерката ја оцени како успешна, со оглед на тоа што, според него, од моментот кога беше најавена задолжителната вакцинација „речиси половина од невакцинираните одбраа да се вакцинираат”.

Форбс ја објави листата на најплатени Јутубери во 2021 година.

На прво место беше Џими Доналдсон, попознат како MrBeast.

Неговите клипови на YouTube имаат повеќе од 10 милијарди прегледи, а му донесоа профит од 54 милиони долари.

Минатата година заработил повеќе од најдобрите спортисти во светот како Новак Ѓоковиќ, Лионел Меси, Леброн Џејмс, Кристијано Роналдо, кои сите заработиле околу 40 милиони долари.

Џими го надмина 10-годишниот рецензент на играчки Рајан Каџи, кој беше на врвот на листата во последните две години.

Во 2020 година, MrBeast, како второпласиран, заработил 24 милиони долари, со три милијарди прегледи и 47,8 милиони претплатници, што значи дека има повеќе од двојно зголемен приход и повеќе од тројно зголемен број на прегледи за една година.

На второто место се најде Џејк Пол, третото го зазеде Маркиплиер, потоа американското комично дуо Рет и Линк, а потоа и Нејтан Џонсон Греам.

Истражувањата покажуваат дека во 2021 година, платформата YouTube имала 2,3 милијарди корисници ширум светот.

Новинарот Крис Стокел-Вокер вели дека YouTube се повеќе ја заменува телевизијата, а заработката на таа платформа покажува дека објавената содржина е квалитетна.

Денес е “Blue Monday” - Син понеделник. Третиот понеделник во јануари го носи тоа име и важи за најдепресивниот ден во годината. Се смета дека е предизвикан од постпразничната криза, вината за непочитување на зацртаните новогодишните резолуции, студеното време и други фактори, а оваа година паѓа на 17ти јануари.

Нептун ве радува на најтажниот ден во годината! - Нептун Македонија, компанијата која е лидер на пазарот за малопродажба на апарати за домаќинство, се потруди на граѓаните на нашата држава овој “Blue Monday” да биде поинаков! Нептун денес организира голема акција haPPiest day - Само еден најсреќен ден! со цел да предизвика радост и среќа кај купувачите, со попусти и одлични понуди во сите продуктни категории. Понудата вклучува врвни модели на: смартфони, телевизори, лаптопи, смарт уреди и аксесоари, бела техника, мали апарати за домаќинство, апарати за нега и убавина.

Акцијата важи за купување во Нептун продажните салони ширум Македонија, но и за онлајн продажба преку веб сајтот Neptun.mk и преку нивната мобилна апликација за онлајн шопинг. Не ја пропуштајте оваа идеална прилика за шопинг по супер цени, АЈДЕ во Нептун продавниците ширум Македонија или онлајн на Neptun.mk, разгледајте ги понудите, ИЗБЕРЕТЕ ГО НАЈДОБРОТО ЗА НАЈДОБРА ЦЕНА! ПОБРЗАЈТЕ!

Австриската влада денеска го претстави нацрт-законот со кој од февруари се воведува задолжителна вакцинација во таа земја.

Австрискиот канцелар Карл Нехамер најави дека задолжителната вакцинација ќе стапи на сила на почетокот на февруари, а преодната фаза без казни ќе трае до средината на март.

Од 16 март, како што беше речено на прес-конференцијата, ќе следат казни за оние кои не се вакцинирани.

Во Австрија обврската за вакцинирање ќе важи за сите граѓани на возраст над 18 години, а од оваа мерка се изземени бремените жени и сите лица кои не можат да се вакцинираат од медицински причини.

Предлог-законот предвидува казни од 600 до 3.600 евра.

Нехамер изрази уверување дека предлог-законот ќе биде усвоен во парламентот, бидејќи се работи за тема која се однесува на општото здравје.

Ние не сме поединци кои живеат одвоени едни од други, ние сме општество, подвлече тој.

Нехамер рече дека не станува збор за борба против вакцинираните и невакцинираните или за форма на дискриминација, туку за заштита на граѓаните.

Обврската за вакцинација се воведува во три фази.

Од почетокот на февруари до 14 март ќе се спроведе првата, преодна фаза, при што дописно ќе бидат информирани сите домаќинства за мерката.

Потоа, во втората фаза статусот на вакцинација станува, како што истакна, предмет на контрола.

Ако некој се најде без вакцинација, мора да смета на извештајот, а рамката за глоба е од 600 евра по скратена постапка до 3.600 евра во подолга постапка, доколку лицето поднесе жалба.

Владата потоа ќе ги одреди датумите кога ќе ја анализира листата на вакцинирани и повторно ќе го поднесе барањето за вакцинација до невакцинираните лица.

Доколку биде потребно поради епидемиолошката состојба ќе стапи на сила и третата фаза која предвидува Владата да го определи датумот до кој сите мора да се вакцинираат, а врз основа на изводот од регистарот на вакцинирани сите кои не биле вакцинирани ќе биде казнети.

„Вакцината штити и ги штити нашите сограѓани“, подвлече министерот за здравство Волфганг Микштајн.

Австрискиот парламент се очекува во четврток да го усвои законот со кој се воведува задолжителна вакцинација.

Предлог-законот однапред ќе помине на комисијата за здравство.

За донесување на законот е потребно просто мнозинство, со кое располага владејачката коалиција на Народната партија на Австрија (ОВП) и Зелените, а поддршка најавија и опозициската Социјалдемократска партија (СПО) и Неос.

Партијата на слободата на Австрија (ФПО) целосно го отфрла овој закон, а таа партија во неколку наврати, последен пат на протестите во сабота, јасно изјави дека нема да ја почитува задолжителната вакцинација.