Во ноември 2021 година се издадени 406 одобренија за градење, што е за 95,2 проценти повеќе во однос на истиот месец од претходната година, објави Државниот завод за статистика.

Најголем дел од одобренијата, 137, се во Скопскиот регион. Во општина Карпош се издадени 39 одобренија, во Сарај 16, по 12 нови дозволи има во Центар и во Бутел, по 11 во Гази Баба, Кисела Вода, Илинден и Чучер Сандево.Според издадените одобренија за градење, предвидената вредност на објектите изнесува 9.580.435.000 денари, што е за 398,5 проценти повеќе во однос на истиот месец од претходната година. Зголемената предвидена вредност се должи на фактот дека во наведениот период е издадено одобрение за градење на објект од нискоградбата со поголема вредност, ветерна електрана во Југоисточниот регион, појансуваат од ДЗС.

Од вкупниот број издадени одобренија за градење, 248 (61,1 процент) се наменети за објекти од високоградба, 43 (10,6 проценти) од нискоградба и 115 (28,3 проценти) за објекти за реконструкција.

Од вкупно 406 објекти, на 235 (57,9 проценти) како инвеститори се физички лица, а на 171 (42,1 проценти)  инвеститори се деловни субјекти.

Во извештајниот период е предвидена изградба на 1.284 станови, со вкупна корисна површина од 100.799 метри квадратни. Најмногу се во Скопскиот регион, 953, од кои 598 во Аеродром, 96 во Чаир, 93 во Карпош, 46 во Кисела Вода, 31 во Центар… Зад Скоспкиот по број на предвидени станови е Полошкиот со 148, од кои 69 во Тетово и 59 во Гостивар. Во Југоситиочниот, пак, се предвидени 74 станови, во Југозападниот 49, во Вардарскиот 26, Пелагонискиот 17….

Peugeot потврди дека следната година ќе ja лансира чисто електричната верзија на новиот хечбек 308, кој ќе влезе во битка со моделите како Volkswagen ID.3 и Cupra Born.
 

Новиот e-308 ќе биде, заедно со претстојниот Vauxhall Astra-e, првиот целосно електричен патнички автомобил што ќе биде достапен на Stellantis EMP2 платформата и првиот автомобил од групата Stellantis со чисто согорување, приклучок хибридна или чиста електрична енергија, кога ќе пристигне во јуни 2023 година.

208 и 2008 имаат батерии од 50 kWh и електричен мотор од 134 КС, но e-308 ќе се напојува од поголема батерија од 54 kWh и помоќен мотор од 154 КС. Peugeot вели дека системот ќе понуди максимален опсег од повеќе од 400 километри. Променет е и составот на батеријата, што би можело да донесе подобрувања како побрзо време на полнење – иако Peugeot допрва треба да ги потврди сите технички детали.

Сепак, електричната технологија ќе ги зголеми цените. Во моментов, најевтиниот бензинец 308 е 24.000 фунти, но електричната верзија може да чини дури 34.000 фунти додека да стигне до салоните.

Eве како изгледаат 417 километри на час во Bugatti Chiron на германскиот аутобан сниман со GoPro камера.

Максималната брзина на Bugatti Chiron е ограничена на 420 километри на час, а вака изгледаат 417 километри на час – и тоа потврдени со GPS мерење.

Јапонецот Шоџи Моримото три години живее од тоа што бил ангажиран од луѓе за да не прави ништо.Тој за Си-Би-Ес изјавил дека неговото семејство и колегите цел живот му велеле дека е мрзелив, да не живее така и дека нема да постигне ништо во животот, но не се грижел за тие коментари.

Уште во 2018 година имал идеја да не прави ништо и да го претвори тоа во професија. Своите услуги ги понудил преку интернет.

"Напишав дека не чистам, не сум тука за разговор, само сум тука. И луѓето почнаа да ми се јавуваат", започнува Јапонецот.

Моите услуги ги користат луѓе кои се плашат сами да одат до продавница, луѓе кои се срамат да се појават некаде без придружба, луѓе кои само сакаат да седат со некого на пијачка. Многу сум зафатен, имам три термини дневно, додаде тој.

Открива дека секоја недела седнува на кафе со девојка - и тоа е тоа.

Не разговараме. Само седиме и тоа и` е доволно, вели Шоџи. Поради неговата неработливост, тој станал популарен во Јапонија, а за неговите услуги наплаќа околу 100 долари по состанок.

Бил повикан и да помогне во чистењето на куќа, да биде пријател или да пере алишта, но тој одбил бидејќи не сакал да работи. Но, овој Јапонец стоел на студ за да биде публика на уличен музичар, им правел друштво на луѓе кои не сакале да одат сами во шопинг и го поминал својот роденден со луѓе кои во тоа време биле сами.

Попатно има напишано четири книги, а додека не пишува, времето го поминува со непознати. Една вечер пиел со 44-годишната Тамами Мијазаки.

Кога излегуваш со друиштво ,треба да се грижиш дали им се допаѓа кафулето или не. Но, кога вработувате некого, тој само вели да или не. Тоа е помалку драма отколку излегувањето со пријател, изјавила Тамами, додека Шоџи додава дека ништо не е повеќе забавно отколку да не правиш ништо“.