Македонска и бугарска делегација од ресорните министри за трансорт и туроператори од двете држави ќе бидат патници на првиот лет што треба да се реализира на 11-ти месецов на релацијата Софија-Скопје. Компанијата „Гуливер“ е заинтерсирана да го реализира летот, а на оваа релација се очекува да има редовни летови во текот на следниот месец, информираше денеска министерот за транспорт и врски Благој Бочварски.

Интерес за одржување на оваа врска покажала бугарската стартап компанија „Гуливер“, а според бугарските портали, цената на летовите би била до 50 евра.

Претходно беше најавено дека овие летови нема да бидат субвенционирани од владите, но според најновите информации, за авиопревозникот ќе има повластени давачки.

-На 10 февруари ќе имаме средба во Софија заедно со нашите тимови на Комисијата за транспорт и инфаструктура и на 11-ти веќе ќе се организира првиот лет од Софија за Скопје каде заедно со делегациите од нашата страна и министерот и туроператори од Бугарија ќе бидеме дел од тој лет заедно. На 11 февруари во Скопје ќе организираме заедничка средба со туроператорите од Северна Македонија, каде што очекувам да се најдат сите поволности и можности и најдобри солуции за граѓаните, за да во иднина оваа линија биде операбилна и да може да оперира редовно на релација Софија – Скопје и секако уште една дестинација која ќе биде дополнителна можност за граѓаните, изјави Бочварски одговарајќи на новинарски прашања при денешната посета на Кочани.

Очекувам, како што рече, развој на економијата и на туризмот. -Драго ми е што веќе има заинтересирана компанија – тоа е компанијата Гуливер која што ќе го изврши овој прв лет со кој даваме до значење дека со разговори и со позитивен пристап можеме да отвориме повеќе можности за нашите граѓани, за економијата и секкао за развој на туризмот на двете земји, рече Бочварски.

Прашан кога ќе профункционира редовната авиолинија Бочварски посочи дека постои можност за во текот на следниот месец, укажувајќи дека предлозите околу оперирањето на авиолинијата ќе бидат разгледани на средбата на 11 февруари.

Неговиот бугарски колега Николај Сабев исто така вчера најави дека првиот лет од Софија за Скопје ќе биде на 11 февруари и оти редовните летови ќе започнат во март, како и дека туроператорите од Бугарија и Северна Македонија треба да се договорат за туристички пакети сокоиштп ќе се зголемат меѓусебните посетите на туристите од двете земји.

Сабев најави дека властите во Скопје ќе обезбедат слотови за летовите на авиокомпанијата со Софија, која ќе лета или до Тирана, или Атина или Истанбул. За рутата треба да има повластени давачки, кои ќе ги добива бугарската авиокомпанија што ќе ги извршува летовите. Тогаш ќе може да се види каков е протокот на патници во овие насоки, за да може да се направи точна проценка и авиолинијата да опстои.

Бочварски и Сабев на 25-ти минатиот месец во Софија потпишаа два докумената за зајакнување на инфраструктурното поврзување на двете земји, за директна авиолинија Скопје-Софија и за железничкиот Коридор 8. Документите беа потпишани по заедничката седница на двете влади.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра леснотомасло за домаќинство (ЕЛ-1), се зголемуваат за 1,50 денари/литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 31.01.2022 година и со тоа малопродажната цена на ЕУРОСУПЕР БС-95 изнесува 81,00 ден/лит, малопродажната цена на ЕУРОСУПЕР БС-98 изнесува 83,00 ден/лит, додека малопродажната цена на Екстра лесното масло за домаќинство (ЕЛ-1) изнесува 73,00 ден/лит.

Малопродажната цена на ЕУРОДИЗЕЛ (Д-Е V) се зголемува за 2,00 денари/литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 31.01.2022 година и со тоа малопродажната цена на ЕУРОДИЗЕЛ (Д-Е V) изнесува 73,50 ден/лит.

Малопродажната цена на Мазутот М-1 НС се зголемува за 1,815 денар/килограм, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 31.01.2022 година и со тоа малопродажната цена на Мазутот М-1 НС изнесува 46,537 ден/кг. 

Big Business Solutions е брзорастечка и успешна компанија во областа на телемаркетинг. Ние се фокусираме на целокупниот развој на нашите вработени. Нудиме стабилност и работна култура која се фокусира на успехот на сите членови на нашиот тим. Да се биде дел од Big Business Solutions значи да се напредува во кариерата и да се соработува со најдобрите. Нашите модерни канцеларии во центарот на градот им го даваат најдоброто искуство на нашите вработени.

Big Business Solutions во овој момент брои 100 вработени и е во процес на регрутација на нови кандидати. Единствен предуслов кој треба да го исполнувате за да бидете соодветен канидат за оваа позиција, е да имате добро познавање на еден од странските јазици: германски, шпански и италијански јазик.

Со цел да го зголемиме нашиот тим со креативни и талентирани луѓе, компанијата во моментов е во потрага по дополнителни 150 маркетинг агенти за продажба. Доколку сте комуникативна и посветена личност која солидно го владее некој од бараните јазици, Ве охрабруваме да ја испратите Вашата кратка биографија на нашата официјална електронска адреса. Ние ќе Ви обезбедиме дополнителна едукација и обуки кои се неопходни за Вашиот понатамошен развој.

Big Business Solutions e работодавач кој дава еднакви можности за сите и ја цени различноста во компанијата. Ние не правиме разлика врз основа на боја на кожа, етничка припадност, јазик, национално потекло, пол, сексуална ориентација, возраст, семејна или брачна состојба итн.

Во своето последно обраќање, нашиот извршен директор Иван Петрушевски издвојува:

„Ова беше одлична година за нашата компанија. Во услови на зголемена конкуренција и економски предизвици, Big Business Solutions успеа да постигне солидни стапки на раст и добри финансиски резултати. Во почетоците на нашето работење тимот го сочинуваа 35 вработени. Денес може да се пофалиме со тим од 100 успешни маркетинг агенти за продажба.

Нудиме одлични услови за работа и работна атмосфера каде трудот на секој поединец се вреднува. Преку континуирана едукација и пристап до соодветни обуки на своите вработени им помагаме да го достигнат својот потенцијал.

Би сакал да ја искористам оваа прилика да им посакам добредојде на сите кандидати кои сакаат да се приклучат на нашиот тим. Придружете ни се, доживејте нова авантура и растете заедно со нас.

ВЕРУВАЈ ВО СЕБЕ

ИСКОРИСТЕТЕ ЈА МОЖНОСТА

ПОДОБРА ИДНИНАТА ЗА СИТЕ“

Со нетрпение ги очекуваме новите колеги кои ќе го зголемат нашиот ТИМ .

Дополнителни информации:

Аплицирајте за работа со испраќање на Вашата кратка биографија на: [email protected]оm.

Во делот за „предмет“ на електронската порака, Ве молиме наведете го јазикот за кој аплицирате.

Сертификатите  за вакцинација и прележан Ковид-19 во Грција имаат различно времетраење при влез и во внатрешноста на земјата.

Согласно двете министерски одлуки, едната со предусловите за патување во земјата, а другата со мерките за заштита на јавното здравје во самата земја, што денеска стапија во сила, а со оглед на тоа дека рестрикциите во Грција важат и за туристите, постојат различни правила за влез во земјата и различни во внатрешноста, а се однесуваат на европските сертификати за вакцинација и прележан Ковид-19, кои имаат различно времетраење, јави дописничката на МИА од Атина.

Утрово стапи во сила новата министерската одлука „Предуслови за влез во земјата за ограничување на ширењето на Ковид-19", а влез во Грција е дозволен за посетители од државите членки на Европската Унија и Шенген зоната и за 33-те земји кои се вклучени во системот на ЕУ за дигитален сертификат (European Union Digital Covid Certificate, EUDCC), а меѓу нив и Северна Македонија, кои ќе треба да поседуваат европски дигитален сертификат за Ковид-19, поврзан со вакцинација, со прележана болест или негативен тест по направен ПЦР или рапид тест.

За патување во Грција валиден е европскиот сертификат за вакцинација до девет месеци од втората доза, но за влез во затворените објекти во земјата, валидноста на сертификатот е седум месеци, а иста е ситуацијата и со потврдата за прележан Ковид-19, што важи 180 дена при влез, но 90 за во Грција.

Поконкретно, како што анализира МИА, во Грција може да се влезе со европски сертификат за вакцинација, доколку не се поминати девет месеци од втората доза, но ако се поминати над седум месеци, посетителот нема да има пристап во затворените објекти, како што се малопродажбата, продавниците во рамките на моловите, банките, угостителските објекти, кината, театрите, археолошките локалитети.

Идентична е ситуацијата и со прележаните. Сертификатот за прележан Ковид-19, што се издава 14 дена по првиот позитивен тест со направен ПЦР или со рапид тест е со важност е до180 дена, кога станува збор за патување во Грција. Но, во внатрешноста на земјата, времетраењето е намалено на 90 дена. /МИА