Big Business Solutions е брзорастечка и успешна компанија во областа на телемаркетинг. Ние се фокусираме на целокупниот развој на нашите вработени. Нудиме стабилност и работна култура која се фокусира на успехот на сите членови на нашиот тим. Да се биде дел од Big Business Solutions значи да се напредува во кариерата и да се соработува со најдобрите. Нашите модерни канцеларии во центарот на градот им го даваат најдоброто искуство на нашите вработени.

Big Business Solutions во овој момент брои 100 вработени и е во процес на регрутација на нови кандидати. Единствен предуслов кој треба да го исполнувате за да бидете соодветен канидат за оваа позиција, е да имате добро познавање на еден од странските јазици: германски, шпански и италијански јазик.

Со цел да го зголемиме нашиот тим со креативни и талентирани луѓе, компанијата во моментов е во потрага по дополнителни 150 маркетинг агенти за продажба. Доколку сте комуникативна и посветена личност која солидно го владее некој од бараните јазици, Ве охрабруваме да ја испратите Вашата кратка биографија на нашата официјална електронска адреса. Ние ќе Ви обезбедиме дополнителна едукација и обуки кои се неопходни за Вашиот понатамошен развој.

Big Business Solutions e работодавач кој дава еднакви можности за сите и ја цени различноста во компанијата. Ние не правиме разлика врз основа на боја на кожа, етничка припадност, јазик, национално потекло, пол, сексуална ориентација, возраст, семејна или брачна состојба итн.

Во своето последно обраќање, нашиот извршен директор Иван Петрушевски издвојува:

„Ова беше одлична година за нашата компанија. Во услови на зголемена конкуренција и економски предизвици, Big Business Solutions успеа да постигне солидни стапки на раст и добри финансиски резултати. Во почетоците на нашето работење тимот го сочинуваа 35 вработени. Денес може да се пофалиме со тим од 100 успешни маркетинг агенти за продажба.

Нудиме одлични услови за работа и работна атмосфера каде трудот на секој поединец се вреднува. Преку континуирана едукација и пристап до соодветни обуки на своите вработени им помагаме да го достигнат својот потенцијал.

Би сакал да ја искористам оваа прилика да им посакам добредојде на сите кандидати кои сакаат да се приклучат на нашиот тим. Придружете ни се, доживејте нова авантура и растете заедно со нас.

ВЕРУВАЈ ВО СЕБЕ

ИСКОРИСТЕТЕ ЈА МОЖНОСТА

ПОДОБРА ИДНИНАТА ЗА СИТЕ“

Со нетрпение ги очекуваме новите колеги кои ќе го зголемат нашиот ТИМ .

Дополнителни информации:

Аплицирајте за работа со испраќање на Вашата кратка биографија на: [email protected]оm.

Во делот за „предмет“ на електронската порака, Ве молиме наведете го јазикот за кој аплицирате.

Сертификатите  за вакцинација и прележан Ковид-19 во Грција имаат различно времетраење при влез и во внатрешноста на земјата.

Согласно двете министерски одлуки, едната со предусловите за патување во земјата, а другата со мерките за заштита на јавното здравје во самата земја, што денеска стапија во сила, а со оглед на тоа дека рестрикциите во Грција важат и за туристите, постојат различни правила за влез во земјата и различни во внатрешноста, а се однесуваат на европските сертификати за вакцинација и прележан Ковид-19, кои имаат различно времетраење, јави дописничката на МИА од Атина.

Утрово стапи во сила новата министерската одлука „Предуслови за влез во земјата за ограничување на ширењето на Ковид-19", а влез во Грција е дозволен за посетители од државите членки на Европската Унија и Шенген зоната и за 33-те земји кои се вклучени во системот на ЕУ за дигитален сертификат (European Union Digital Covid Certificate, EUDCC), а меѓу нив и Северна Македонија, кои ќе треба да поседуваат европски дигитален сертификат за Ковид-19, поврзан со вакцинација, со прележана болест или негативен тест по направен ПЦР или рапид тест.

За патување во Грција валиден е европскиот сертификат за вакцинација до девет месеци од втората доза, но за влез во затворените објекти во земјата, валидноста на сертификатот е седум месеци, а иста е ситуацијата и со потврдата за прележан Ковид-19, што важи 180 дена при влез, но 90 за во Грција.

Поконкретно, како што анализира МИА, во Грција може да се влезе со европски сертификат за вакцинација, доколку не се поминати девет месеци од втората доза, но ако се поминати над седум месеци, посетителот нема да има пристап во затворените објекти, како што се малопродажбата, продавниците во рамките на моловите, банките, угостителските објекти, кината, театрите, археолошките локалитети.

Идентична е ситуацијата и со прележаните. Сертификатот за прележан Ковид-19, што се издава 14 дена по првиот позитивен тест со направен ПЦР или со рапид тест е со важност е до180 дена, кога станува збор за патување во Грција. Но, во внатрешноста на земјата, времетраењето е намалено на 90 дена. /МИА

Тројца од пет луѓе кои работат од дома во Германија изјавиле дека се во голема мера задоволни поради тоа, покажа истражување спроведено од Форса по нарачка на германската осигурителна компанија ККХ.

Само една петтина од испитаниците ги опишале своите искуства со работа на далечина како претежно негативни, пренесува ДПА..

Околу 70 отсто од сите учесници во анкетата рекле дека подобро можеле да го спојат семејството и работниот живот кога не се во канцеларија. Една петтина од вработените изјавиле и дека работата дома позитивно влијае на состојбата на нивното здравје, особено преку намалување на стресот.

Но, исто толку изјавија дека нивната благосостојба се влошила благодарение на тоа што работеле од дома. Меѓу оние кои пријавиле негативни влијанија, главните проблеми биле болките во грбот и мускулната напнатост.

Ова има влијание врз отсутноста на вработените, како што покажуваат податоците за осигурувањето на ККХ од 2021 година. Компанијата за здравствено осигурување припишува 24 отсто од сите денови на отсуство на мускулно-скелетни нарушувања. Во претходните години тој беше малку понизок, од околу 22 до 23 проценти.

Според податоците, околу две третини од вработените кои работеле од дома, а пријавиле дека се погодени од ментална болест, се жени.

Најчесто жените се тие кои покрај нивната работа се грижат за децата и домаќинството“ рече економскиот психолог на ККХ, Антје Џудик.

Според Форса, самците, исто така, повеќе страдаат кога работат од дома отколку луѓето кои живеат во партнерство. Причина за тоа е недостигот на социјални интеракции, како што е случај во канцеларија.

Многу германски работодавци ги испратија своите работници дома за да го спречат ширењето на коронавирусот и дури сега почнуваат да ја откриваат својата визија за постпандемиска работа.

Институтот за истражување на пазарот Форса соопшти дека спроведе репрезентативно национално истражување на 1.002 вработени лица со канцелариски работни места во име на KKH Kaufmännische Krankenkasse во периодот од 10 до 25 јануари.

Еден килограм „Бабура зелена македонска“ ќе ве чини 279 денари. Ако мислевте дека тоа е цената за готови, односно полнети бабури, не! Се лажете! Добивате само зелена пиперка која потоа треба да ја полните.

Па така, повеќе ви се исплаќа да купите ананас, кој ем е увезен, ем ви е поевтин. За еден килограм ќе платите само 120 денари. А ручекот да ви биде овошна салата. Ем диета, ем поевтино, ем здрава храна!

Ако сепак се решите пак за „Полнети бабури“, ќе ви треба и месо, а ќе ви треба и салата. А доколку пак се одлучите тоа да биде македонска марула, ќе ви требаат уште дополнителни 249 денари на пример за 1 килограм марула.

Нема поевтино да поминете ниту ако се одлучите за салата со краставици, бидејќи еден килограм е неверојатни 259 денари.

Ова се цените на кои денеска наидовме во еден од поголемите маркети во Скопје.

Додека се мислевме дали да ги купиме бабурите, дојде и една повозрасна жена исто така тргнала да купи бабури за да ги полни за ручек. Но, планот за ручек се смени кога ги виде цените, видно нервозна искоментира „ове е кражба на народот“.

Владата пред една недела инфорамираше дека цените на основните продукти остануваат замрнзати. А во нив спаѓаат лебот, шеќерот, брашното, маслото за јадење, трајното млеко, свежото месо и сувомеснати производи и сирењето и урдата.

Извор: Ценометар.мк