Американскиот онлајн гигант „Amazon.com“ ја зголеми просечната почетна плата на 350 илјади долари. Бројката не вклучува дополнителна компензација како бонуси или акции на компанијата.

Зошто го прават ова? Иако овој број не вклучува дополнителни компензации како бонуси или акции на компанијата, тој повеќе од двојно го зголемува износот што вработените во дадените улоги би можеле да го заработат. 

Промената доаѓа во услови на национален недостиг на работна сила и борбa на самиот Амазон да понуди конкурентна работа на сите сегменти на пазарот на трудот.

Од корпоратиен аспект, Амазон веќе заостанува зад компаниите како Твитер и Гугл кога станува збор за основната плата. Друг извештај покажа дека 50 потпретседатели ја напуштиле компанијата во 2021 година. 

Една неодамнешна студија покажа дека скоро 40% од работниците на белата јака ја сметаат рамнотежата помеѓу работата и животот како поважна од платата при изборот на работа. За да се движи кон ова, Амазон неодамна лансираше програма наречена Amazon FamilyFlex за вработени кои можеби ќе треба да земат одмор за деца или семејни обврски.

Дарко Димовски, претседателот на Сојузот на синдикати на Македонија, во „Студио 10“ на 24 Вести рече дека газдите ќе се соочат со кривични пријави доколку од 1 март не исплаќаат зголемена минимална плата од 18.000 денари. За тоа однапред ќе бидат писмено известени од гранковите синдикати.

Откако вчера беше објавено дека на трипартидниот состанок е зголемена минималната плата на 18.000 денари, Димовски откри дека просечната плата сега ќе се зголеми на 30.250 денари.

Тој додаде дека најголемите измами со минималната плата се прават кај микро и макро занаетчиските дејности. Според првиот човек на ССМ, работодавачите кријат данок со тоа што дел од платите ги исплаќаат како минимална а дел во кеш. 

Ние прво кажавме дека 110.000 пријавени се на минимална, а рестото им го исплаќаат на плико. Мора да разберат работниците, кога ќе остареме, владата нема да ни биде крива кога ќе земеме пензија од 10.000 денари во тоа трето доба.

Кријат даноци и така наоѓаат дел од парите во кеш да исплаќаат. На државата вака и даваме сигурни приходи. Важно ја спречивме сивата економија и дадовме нешто на работникот.

Фризерско студио кое наплаќа 1.500 денари од фризура имало двеет вработени пријавени на минималец од 15.000 денари. Работничка пријави во Државниот пазарен инспекторат, кој установил дека дури и директорот е пријавен на мминимална плата.  Така се создава црн капитал. Таму најмногу се задскрива данок, рече Димовски.

Тој додаде дека следното барање ќе биде исплата на регрес за сите работници во јавниот сектор, а го пофали проектот недела - неработен ден со тоа што на премиерот Димитар Ковачевски му забележак дека и натаму работат коцкарници, обложувалници и кафулиња. Според Димовски, на овие дејности им се прогледувало низ прсти.

За барањето на комората да се направи ревизија на законоското решение за недела - неработен ден, Димовски дава предлог до бизнисмените да го обжалат на Уставен суд.

Комората нека го даде на Уставен суд, па кога ќе решаваат судиите, нека се состанат во недела да видат како е. Уште поголем револт е предлогот сите дејности да бидат опфатени, а работодавачите да ни платат онолку колку што ќе се договорот за недела. Така ќе ги правиме законите - со ќефови? Не можеме да кроиме закони за некои да се изживува со работникот затоа што порано правел 50 милиони евра, а сега 49. Па доста е другари!, нагласи Димовски.

Тој најавува дека владата за зголемувањето на минималната плаќа че ги субвенционира придонесите 10 месеци или 1 година.

Согласно владината одлука за измена на начинот на достава на решенијата за изолација на лица позитивни на КОВИД-19 и на нивни контакти, од денеска е во функција платформата на која секој граѓанин кој има потреба да дојде до сопственото решение за изолација ќе има пристап единствено до своето решение без да има увид во податоците на другите граѓани на кои им е издадено решение за изолација.

Пристапот, како што соопшти владината прес-служба, е можен преку банер на веб-страницата на Државниот здравствен и санитарен инспекторат (http://dszi.gov.mk/), кој носи до порталот Вакцинација.мк или директно на https://vakcinacija.mk/mk/landing.

Постапката е едноставна. Граѓаните кои досега немаат креирано профил, ќе треба да се регистираат на порталот со креирање профил преку кој се овозможува генерирање на решението за изолација кое е дигитално потпишано од страна на Државниот санитарен и здравствен инспекторат. Сите лица кои до сега имаат свој профил на vakcinacija.mk, ќе може да го генерираат решението на ист начин како и сертификатите за КОВИД-19 вакцинација или за прележан КОВИД-19.

Секое лице кое се тестира за КОВИД-19 потребно е веднаш по спроведеното тестирање да биде во самоизолација, сè до добивање на резултат од истото. Доколку резултатот е позитивен, останува во изолација уште седум, односно најмалку десет денови во зависност од тоа дали развило симптоми на болеста, информираат од владината прес-служба.

Неофицијално, постигнат е договор за минимална плата од 18.000 денари дознава Телма од извори кои учествуваат во разговорите на економско-социјалниот совет. Најверојатно државата ќе се вклучи, и ќе ја субвенционира сумата до 18.000 денари. 

Претходно, имаше две средби, но без договор. Сега минималецот е 15.200 денари.