Горива повторно поскапуваат, најави денеска првиот човек на Регулаторната комисија за енергетика, Марко Бислимовски. Тој денес информира дека бензинот поскапува за еден денар, а дизелот за 0,5 денари.

За жал ова е осма недела како поскапува. Како РКЕ не можеме да влијаеме на цената на горивата, имајќи ја во предвид структурата. Цената на бензините отпаѓа на набавната цена која што е на берзите и немаме никакво влијание. Соодветно на тоа е и курсот на доларот, рече Бислимовски во емисијата „Студио 10“.

Тој додаде дека Македонија има најниска цена на дизелот во регионот, која изнесува 1,19 евра за литар.

Цените на нафтата на светските берзи пораснаа минатата недела, осми пат по ред, како резултат на тензиите меѓу САД и Русија околу Украина и рекордните проценки за раст на побарувачката оваа година.

Цената на барелот на лондонскиот пазар минатата недела порасна за 1,25 отсто, на 94,44 долари, додека на американскиот пазар барелот поскапе за 0,85 отсто, на 93,10 долари.

Новите највисоки нивоа на цените на нафтата од крајот на 2014 година во голема мера се должат на скокот на цените од 3 отсто во петокот, откако Белата куќа соопшти дека Русија сега има доволно војници да спроведе голема воена операција во Украина, така што нападот би можел да следи во секое време. Сите Американци треба да ја напуштат Украина во рок од 24 до 48 часа.

Тоа предизвика страв кај трговците од прекини во снабдувањето со енергија на Европа од Русија, пишува Хина.

Сите сакаат да обезбедат доволно нафта... Доколку дојде до инвазија и знаете дека ќе следат санкции против Русија, што може да резултира со прекин на снабдувањето со гас и нафта, изјави Ендрју Липу, претседател на Lipou Oil Associates.

„Поддршка“ на цената даде и Меѓународната агенција за енергетика (ИЕА), која ја зголеми проценката за побарувачката на нафта оваа година за 800.000 барели дневно, а сега очекува да се зголеми за 3,2 милиони барели дневно и да достигне рекордни 100,6 милиони барели на ден.

Проценката на ИЕА уследи по предупредувањето на ОПЕК дека глобалната побарувачка за нафта може да се зголеми уште повеќе оваа година, со оглед на силното закрепнување на економиите од кризата со коронавирусот.

Но, ИЕА исто така соопшти дека Саудиска Арабија и Обединетите Арапски Емирати би можеле да ги смират нестабилните пазари со поголемо производство.

Организацијата на земјите извознички на нафта (ОПЕК) и нејзините сојузници произвеле 900.000 барели дневно помалку од планираното во јануари, соопшти ИЕА, а Саудиска Арабија и ОАЕ имаат најрезервен капацитет за производство и би можеле да го намалат притисокот врз резервите.

Глобалните резерви на нафта штотуку се намалени - еден од факторите што ги зголемува цените кон 100 долари, поттикнувајќи ја инфлацијата ширум светот, нагласи ИЕА.

Иако растат веќе осум недели по ред, растот на цената на нафтата забавува во последните недели, бидејќи во иднина би можел да забави растот на економиите.

Имено, со оглед на тоа што инфлацијата во САД достигна 7,5 отсто, што е највисоко ниво во последните 40 години, ФЕД наскоро ќе ги зголеми клучните каматни стапки поагресивно од очекуваното.

А тоа би можело да го забави растот на најголемата светска економија, а со тоа и побарувачката на нафта.

- Податоците за инфлацијата во САД веројатно ќе го зголемат притисокот врз ФЕД да ги зголеми каматните стапки поагресивно. Ваквите проценки донекаде ги ограничија нафтените пазари, рече Ворен Патерсон од ИНГ.

По поскапувањето за повеќе од 50 отсто минатата година, цената на нафтата скокна за повеќе од 20 отсто од почетокот на оваа година.

Некои аналитичари сметаат дека поради зајакнувањето на побарувачката, и недоволната понуда, цената на барелот наскоро ќе достигне ниво од 100 долари.

Други сметаат дека трендот на поскапување наскоро би можел да се запре.

Цените на светските пазари ги поскапуваат цените и кај нас

Причина за скок на цените на нафтените деривати и кај последователно неколку недели по ред се должи на зголемените референтни цени на нафтените деривати на светскиот пазар.

На пладне РКЕ треба да го соопшти новиот ценовник за горивата кој ќе биде на сила една недела.

По пауза подолга од една декада Софија и Скопје повторно се поврзаа со воздушна линија со авионот полн со политичари и владини претставници. Немало никакви политички пречки да се воспостави авиолинијата меѓу Скопје и Софија вели поранешниот амбасадор на Македонија во Бугарија Марјан Ѓорчев.

По повеќе од десет години повторно се прави обид да се воспостави авиолинија меѓу македонскиот и бугарскиот главен град. Во првиот лет на компанијата Гуливер од Софија до Скопје денеска беа владини делегации кои ги предводеа министрите за транспорт на двете земји Николај Сабев и Благој Бочварски. Но, дали политичкото промовирање на линијата ќе донесе и економска оправданост, ако се земе предвид дека и досега имаше обиди за воспоставување на авиолинија меѓу Скопје и Софија?

Последниот амбасадор на Македонија во Бугарија Марјан Ѓорчев, кој на позицијата беше до 2020 година, во изјава за Радио Слободна Европа вели дека и досега немало никакви политички пречки да се воспостави авиолинијата.

„Концесионер на аеродромот во Скопје е ТАВ, не знам кој е концесионер на аеродромот во Софија сега и тие две компании требало да седнат и да најдат модалитет како да соработуваат со некоја економски исплатлива сметка. Веројатно досега концесионерите немале математика да организираат авиолинија“, вели Ѓорчев.

Инаку последнa авиолинија меѓу Скопје и Софија имаше од 2007 до 2009 година. Сега летовите ќе ги врши авиокомпанијата Гуливер која има лиценца во Бугарија од 2020 година. Од софискиот аеродром компанијата, која е бугарска старт ап инвестиција постара помалку од две години, во моментов има летови до осум дестинации, претежно чартер до туристички центри, а од подалечните места лета до Доминиканска република и Малдиви.

Но, како што пишуваат бугарските медиуми за економската исплатливост на линијата, летот до Скопје всушност е дел од поголемите планови на компанијата. Гуливер добила официјална дозвола од американското Министерство за транспорт да оперира со чартер и редовни летови од ЕУ до САД, а летот Софија-Њујорк би требало да почне пролетва. Истата компанија добила дозвола да лета и до Торонто, а покрај од Скопје, се планирале летови и од Тирана и од Солун. Целта на компанијата, според бугарскиот медиум „Сега“ е да ги спои балканските летови со прекуокеанскиот, а цената на авиобилетот би изнесувала околу 50 евра.

Авиоповрзувањето како идеја прво го промовираше бугарскиот премиер Кирил Петков во рамки на неговиот нов пристап во обидите за решавање на проблемот меѓу Софија и Скопје. Заедно со летот меѓу двата главни града се формираа и работни групи од областите на економијата, транспортот и културата, покрај досегашната заедничка мешовита комисија за историски и образовни прашања. Досега нејзината работа, исполнета и со несогласувања, беше во фокусот на јавноста, пред се и поради тоа што официјална Софија одлучи да ја блокира земјава во 2020 година првично поради нерешени прашања од историјата.

Според амбасадорот Ѓорчев, ваквите чекори како пуштање на авиолинијата се добри но нагласува дека остануваат многу горливи прашања меѓу двете држави и вели треба да се почека за да се даде заклучок.

„Се разбира дека треба да се гради доверба, треба да се дискутира, да се прават проекти, да се даваат нови идеи, да се даваат нови идеи за да се разработат тие проекти, особено за коридорот 8, но треба да видиме. За се е потребно време. Времето лечи се, да му дадеме време на времето“, вели Ѓорчев.

Инаку, покрај за економските теми и транспортната поврзаност во Софија продолжија разговорите за политичките прашања на нивоа на министерства за надворешни работи. Премиерот Димитар Ковачевски не открива детали, но нагласи дека кога ќе имало нешто конкретно јавноста ќе била информирана.

Просторот на незаменливи токени (NFT) се менува секоја недела, а многу компании се натпреваруваат за внимание. 
Во 2021 година, сите видови NFT се зголемија - од членства и корисни NFT до генерирана уметност.  Продажбата рушеше рекорди  од месец за месец на OpenSea и Rarible. Потоа видовме милијардери, холивудски актери, музичари и брендови како Најк и Адидас како зашпочнаа да купуваат. 

Има толку многу ниши на пазарот на NFT, вклучително и NFT поврзани со метаверс, како предмети за облекување на вашите аватари , можности за земјиште на Sandbox и Decentraland, NFT-и за членство кои се нудат како клуч за приватни заедници и слики на профили (PFP) кои чинат милиони од долари.

Речиси е невозможно да се остане во тек со она што се случува неделно на пазарот со NFT бидејќи има стотици нови проекти кои се лансираат, нови технологии се развиваат и се формираат партнерства. 

На пример, многу компании започнуваат проекти и нудат комунални NFTs пред да го лансираат својот производ, на тој начин тимот има доволно капитал за да го зголеми производот.

NFT просторот ќе продолжи да се развива и брзо да расте во 2022 година. Многу луѓе очекуваат дека музичката индустрија ќе влијае на просторот во наредните месеци, а други чекаат да се намалат надоместоците за гас за да започнат со тргување со NFT, што веројатно ќе се случи подоцна оваа година со претстојната надградба на мрежата Ethereum.

На еден или друг начин, NFT наскоро ќе станат мејнстрим. Тие нема да бидат само популарни уметнички проекти и музика, туку и NFT базирани на корисни. Оваа технологија ќе стане дел од нашите животи, поедноставувајќи и збогатувајќи голем дел од она што го правиме на интернет.