Следниот приказ ја одразува медиумската присутност на 10-те Акционерски Друштва кои се дел од МБИ10 индексот на Македонската Берза. 

Мониторингот на ПИКАСА АНАЛИТИКС презентира резултати од 400 мониторирани дигитални медиуми, кои вкупно во текот на Февруари објавиле над 300.000 вести (политика, економија, спорт, култура, технологија, хроника итн). 

Еден дел од тие вести се однесуваат на активностите на најголемите и најуспешните акционерски друштва, учесници на МБИ10 индексот. 

Приложените резултати покажуваат:

• На колку медиумски објави биле споменати
• Колку пати биле споменувани на социјалните мрежи Твитер, Фејсбук, Инстаграм и Јутуб.
• Колку вкупно реакции предизвикале објавите каде што биле споменати (збир на лајкови, споделувања, емоции и коментари)
• Споредба со претходниот месец (Јануари) - дали има зголемување или намалување на бројот на споменувања и реакции.

Покрај банките, кои сочинуваат пола од МБИ10 индексот, останатите 5 компании се од различни индустрии и затоа табелата нема карактер на споредба на компании од различни индустрии.

На пример, во Фармацевтската индустрија, Алкалоид АД учествуваат со над 80% од сите активности на индустријата.  

• Мониторингот е овозможен од платформата analytics.live на Пикаса која следи над 2.000 медиуми од Западен Балкан и главните социјални медиуми (Фејсбук, Инстаграм, Твитер и Јутуб).
• Податоците се јавни.

Цената на маслото за јадење во Косово достигна 3,5 евра, а граѓаните ги празнат полиците, јавуваат приштинските медиуми.

За вечерва пред Министерството за индустрија, трговија и претприемништво најавуваат ригорозни контроли за стопанските субјекти.

Во соопштението на министерството се наведува дека некои трговци прво ги испразниле полиците, за да се создаде впечаток на недостиг. 

Владата во Прштина пред само еден ден им се закани на трговците кои ги злоупотребуваат цените, а нафтата  поскапе за речиси 50 отсто.

Премиерот Албин Курти вели дека Косово има најскапо масло за јадење во светот, а цената е вештачки надуена. Тој вели дека трговците сакаат да профитираат од кризата. 

Машинскиот и извршниот персонал на „Железници транспорт” најавува дека од утре во седум часот ќе го прекине железничкиот сообраќај.

Причина за бојкотот на работата, како што вели претставникот на машинскиот персонал Душко Чакаровски, е неисплатениот надомест за материјални трошоци што требале да го добијат заклучно со денеска.

Според Чакаровски, бојкотот е согласно Одлуката од ноември лани која предвидува најдоцна до 25 во месецот да им биде во целост исплатена платата за претходниот месец, а најдоцна до 10-ти во месецот да ги добијат и материјалните трошоци.

Ова не е нивен прв штрајк, бидејки платата речиси секој втор месец им доцни и ќе трае се до исплата на средствата.

Нафтените деривати од ноќеска на полноќ ќе поскапат во просек за 1,67 отсто, соопшти вечерва Регулаторната комисија за енергетика (РКЕ).

Според РКЕ, малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат и ќе останат 93 и 95 денари, додека малопродажната цена на ЕУРОДИЗЕЛ (Д-Е V) се зголемува за три денари и ќе изнесува 97 денари.

Малопродажната цена на Екстра лесното масло за домаќинство се зголемува за 2,5 денари и ќе изнесува 92,50 денари, а на Мазутот се зголемува за 1,404 денари и ќе изнесува 60,569 денари за килограм.

Ова се максималните цени на нафтените деривати од 00:01 часот на 11.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, наведува РКЕ.