Овие времиња може да бидат предизвикувачки и може да доведат до повеќе деловни спорови од вообичаеното. Ако наидете на голем спор со вашиот деловен партнер што може да ја загрози иднината на вашиот бизнис, земете ги предвид овие пет работи: 

1. Обидете се да избегнете конфликт со планирање однапред

Многу конфликти може да се избегнат со планирање. Имањето јасен договор за деловно партнерство може да помогне да се избегнат заеднички спорови во врска со одговорностите, паричните обврски и управувањето со бизнисот. Овој договор може да опфати широк спектар на прашања, вклучувајќи:Улогата на секој партнер, Колкава контрола има секој партнер, Должности и одговорности на секој партнер.

2. Обидете се да го решите проблемот внатрешно

Пред да преземете поагресивна акција, обидете се прво да го решите проблемот внатрешно. Обидете се објективно да ја слушате жалбата на вашиот деловен партнер и да видите дали двајца можете да се обидете да најдете решение за проблемот. Многу деловни спорови се предизвикани од недоразбирање или конфузија. Обидете се да ги расчистите сите такви недоразбирања. Ова може да ви помогне да го решите проблемот многу побрзо и полесно.

3. Обидете се да ја видите другата страна

Може да биде многу безболен процес за вас да се обидете да се ставите на местото на другата страна и вистински да се обидете да ја разберете нивната позиција. Запомнете дека сте во бизнис со оваа личност со причина. Веројатно имате долга врска која би сакале да ја одржувате, ако е можно.  

4. Не чекајте премногу долго за да го решите проблемот

Понекогаш, ако има премногу одложување помеѓу моментот кога ќе се појави некој деловен проблем и кога тој евентуално ќе се реши, тоа може негативно да влијае на деловниот однос и да го отежне постигнувањето на пријателско решение. Со текот на времето, партиите може да ја зацврстат својата основа во одредена ситуација и може да станат нефлексибилни за одредени резолуции на нивното правно прашање.

5. Размислете за медијација

Партнерска медијација е процес во кој деловниот посредник се среќава со страните лично или виртуелно и ги води низ преговарачко решавање на правно прашање. Деловното посредување е обично многу поевтино и одзема помалку време од судските спорови. Посредувањето во деловни спорови е исто така доверлив процес, така што страните можат да го решат своето прашање без да ги изнесуваат своите поплаки на јавен форум.

Денеска, на 5.897 вработени во МВР, кои оствариле над 150 часови прекувремена работа во текот на 2021 година, ќе им биде исплатена бонус платата во поединечен нето износ од 28.718 денари (463 евра), информираше преку својот Фејсбук, министерот за внатрешни работи Оливер Спасовски.

За оваа намена од Буџетот на МВР се издвоени 188.167.373 денари, напоменува министерот додавајќи дека средствата се обезбедени со домаќинско и планско работење.

Досега, вклучувајќи ја и бонус платата за 2021 година, исплативме пет бонус плати со вкупна вредност од 561.773.133 денари односно 9.060.857 евра.Ова раководство на МВР е решено континуирано да го унапредува статусот на полициските службеници и вработените во МВР, како преку драстичното и сеопфатно материјално-техничко и инфраструктурно подобрување на условите за работа, така и со спроведувањето на гарантираните права на сите вработени, секогаш имајќи го предвид фактот дека само задоволна полиција претставува ефикасен сервис на граѓаните, работи со полн капацитет и легитимитет и испорачува резултати во активностите за справување со криминалот, напиша Спасовски.

Претставничката на Детскиот фонд на ОН (УНИЦЕФ) во земјава, Патриција Ди Џовани во вчерашно обраќање истакна дека се наоѓаме во непредвидлива состојба со пан*емијата и оти треба да се почитуваат мерките.

Треба да имаме предвид во која фаза од пан*емијата сме, односно каков е нејзиниот тек. Комисијата за заразни болести заседава, издава свои препораки, меѓутоа не значи дека сите мерки треба да бидат унифицирани за целата територија, бидејќи, како што кажавме ние од УНИЦЕФ, заедницата треба да се грижи за заедницата. Доколку во одредена заедница немаме позитивни случаи тој случај би можело да се намалат мерките, односно да нема потреба да се носат маски итн., меѓутоа доколку има случаи треба да се придржуваме до мерките. Треба да имаме доверба во работата на Комисијата, нагласи Ди Џовани.

Во однос на намалување на мерките, Главниот координативен кризен штаб за справување со болеста на крајот од минатата недела ги прифати препораките од Комисијата за заразни болести за укинување на обврската за носење маски во основните училишта, препорака за физичко присуство на наставата на факултетите, со силен апел за вакцинација и на студентите и на образовниот кадар, максимална исполнетост на капацитетите во затворен простор од досегашните 50 проценти да се зголеми на 75 проценти, но и да се укине протоколот за угостителски објекти со кои се бара сертификат за имунизација за отворените простори на локалите, додека за затворените делови останува обврската за задолжително поседување сертификат.

Предлозите се доставени до Владата и се очекува во текот на оваа недела да бидат изгласани и усвоени на владината седница.

Утре 30 март ќе се одржи предупредувачки протест кој го организира Конфедерацијата на слободни синдикати (КСС) а кој го поддржа и Самостојниот синдикат за образование, наука и култура на Република Македонија – СОНК. Ако не им се исполнат барањата од 11 април ќе има генерален штрајк а во деновите кога ќе се штрајкува, вработените во училиштата и во градинките ќе бидат на своите работни места, но нема да згрижуваат деца и нема да има воспитно-образовен процес. Јаким Неделков претседателот на овој синдикат изјави дека во случај на штрајк вработените ќе бидат на работните места, односно ќе бидат во заедничка просторија во која ќе седат до крајот на работното време.

Инаку овие синдикати бараат усогласување на платите врз основа на зголемување на минималната плата на национално ниво, како и почитување на Законот за минимална плата и колективните договори. КСС е поддржан и од повеќе други синдикати, односно од околу 30.000 работници.

Според објавеното СОНК е убеден дека нивниот организиран протест ќе биде успешен и дека нивните оправдани барања ќе бидат сериозно сфатени. Сепак, сметаме дека по пат на социјален дијалог ќе се изнајдат взаемно прифатливи решенија за гранските синдикати при КСС и Ве уверуваме дека СОНК и во иднина ќе им ја дава целосната поддршка за сите чекори што би ги преземале. Ви посакуваме успех во Вашата мисија, со надеж за остварување на истата, секако со нашето присуство на протестот кој ќе се одржи на 30.03.2022 година во 15:30 часот пред Собранието на Република Македонија, соопштија од КСС, објавувајќи го писмото на СОНК.

Инаку преговорите за поголеми плати во образованието пропднаа минатата недела.

СОНК бара минималната плата во државата да биде основица за пресметка на плата по коефициент на сложеност. Според таа пресметка, нето-плата на наставник би требало да биде 43.000 или 44.000 денари.

Вицепремиерот Фатмири Битиќи вели дека е зачудувачки што се најавуваат штрајкови, кога пред само месец и половина се договориле за растот на минималната плата. 

Ние се договориме дека дијалогот ќе продолжи во сите ресорни министерства и никој не кажа дека не сака да преговара рече вицепремиерот за економски прашања, Фатмир Битиќи во емисијата 24 анализа на ТВ24 по повод најавите за штрајк за усогласувањето на минималната плата.

Тој повика сите да се придржуваат до договореното и додаде дека не е можно усогласување на сите плати во јавниот сектор за еден ден.