Инстаграм неодамна воведе приватни лајкови како дополнителен начин за интеракција со содржината на Story. Сепак, се чини дека компанијата наскоро би можела да воведе уште еден начин за одговор на клиповите и сликите на вашите пријатели.

Според инвеститорот Алесандро Палучи, кој користи „обратно инженерство“ за да ги пронајде претстојните функции во апликациите, Инстаграм работи на тоа да им овозможи на луѓето да испраќаат гласовни пораки како одговор на Stories.

Палучи сподели слика од екранот на навидум новата функција.

Кога Инстаграм ги претстави лајковите на приватните Story, тој рече дека нивната мотивација е да го намалат нередот во сандачето.

Додавањето опција за испраќање гласовни пораки би било спротивно на таа филозофија, но сигурно ќе им обезбеди на корисниците друг начин за меѓусебна интеракција.

Новиот трговски центар Diamond Mall се очекува да биде отворен во март 2023 година. Тој е интегрален дел од мултифункционалниот комплекс Diamond of Skopje што е лоциран во строгиот центар на Скопје. Компанијата „Лимак“ инвестира 250 милиони евра во изградбата на овој проект, а покрај големиот трговски центар, дел од него се и хотелот со пет ѕвезди Limak Skopje Luxury Hotel, четири станбени кули со 772 станови, деловен центар, уредена зелена површина од 11.000m² и затворен паркинг простор за 3.200 возила. 

Diamond Mall располага со 180 продавници со вкупна површина за закуп од 48.000m², како и зона за забава (Dream Zone) со површина од 7.000m², што е повеќе од кој било друг мол во земјата и пошироко. Овој простор опфаќа едукативни и забавни содржини наменети за различни возрасни групи, од деца од најмала возраст до млади. Исто така, во состав на Diamond Mall постои и специјален автентичен простор „Gourmet Avenue“, наменет за различни типови на кафулиња, барови и ресторани од отворен и полуотворен тип.

Со ваквиот уникатен архитектонски концепт, кој ќе понуди врвно искуство преку комбинацијата на шопинг, забава и дружење, Diamond Mall со сигурност ќе прерасне во новото популарно собирно место за сите жители и посетители на македонската метропола.  
Освен врвната локација, голема предност што оди во прилог на ваквиот концепт е достапноста, односно лесниот пристап на сите посетители на молот, независно дали доаѓаат со возило, со јавен превоз или пешки. Имено, молот располага со голем број различни влезови кои овозможуваат лесна пристапност од кој било дел на централното градско подрачје. Дизајнот на Diamond Mall е компактен, прилагоден на потребите на купувачите, без непотребни галериски површини што овозможува лесна навигација, голема прегледност и видливост на брендовите за посетителите.

Во изградбата на Diamond Mall се применети највисоките и најсовремените стандарди за изградба на ваков вид објекти.

Групацијата „Лимак“ неодамна прослави 45 години од своето постоење. Со своите деловни активности е присутна во повеќе од 17 земји во светот, со повеќе од 60.000 вработени кои работат во неколку сектори: градежништво, енергетика, туризам, инфраструктура и други дејности. Во портфолиото на „Лимак“ се и светски познати мега проекти, како новиот аеродром во Истанбул (Istanbul Grand Airport), мостот Дарданели (Чанаккале) 1915, кој е најдолг висечки мост во светот, меѓународниот аеродром во Кувајт, хидроцентралата Јусуфели, трета по големина брана во светот откако ќе биде изградена, како и многу други. „Лимак“ беше рангирана на 56 место на листата на 250 најдобри градежни компании во светот за 2021 година.

Оваа глобално позната листа ја подготвува Engineering News Records (ENR), рангирајќи ги најголемите градежни компании во светот според нивните градежни активности на странски пазари.

Земјите од ЕУ најавија дека нема да се согласат со барањето на Москва да го плати гасот во рубљи, а Русија вели дека нема да го дели горивото бесплатно.

Ако Гаспром го намали гасот за Европа, илјадници фабрики ќе бидат затворени, а милиони ќе останат без работа и греење

Многу поскапо
Европа ќе мора да купува гас на слободниот пазар, што значи дека ќе плати многу повеќе за него

Европа наскоро би можела да остане без руски гас. Земјите од ЕУ најавија дека нема да плаќаат гас во рубљи, а Москва најави дека нема намера да го дава тоа гориво бесплатно. Ако тоа се случи, се заканува катастрофа, бидејќи илјадници фабрики низ Стариот континент ќе бидат принудени да се затворат, а милиони луѓе ќе ги загубат своите работни места и греењето.

Крајниот рок се ближи

Западните медиуми објавија дека францускиот претседател Емануел Макрон во вторникот вечерта во разговор со неговиот руски колега Владимир Путин рекол дека ЕУ нема да се согласи со барањето на Москва да го плати гасот во рубљи.

Франција е против плаќањето на рускиот гас во рубљи, како и остатокот од ЕУ. Претседателот Макрон тоа јасно му го кажа на рускиот лидер за време на разговорите – изјави за Ројтерс извор од Елисејската палата.

Кремљ потврди дека за време на разговорите меѓу Путин и Макрон се разговарало за рускиот гас, но не соопштуваат повеќе детали.

Рускиот претседател им даде рок на властите до 31 март да подготват се што е потребно за преминот кон плаќање на гас во рубљи, за да може да ги наплати непријателските земји, односно оние кои воведоа санкции кон Москва, гас во локална валута. Сепак, Кремљ вчера објави дека нема веднаш да бара од државите да ја плаќаат сметката за гас во руска валута од 1 април, туку ќе се остави простор за усогласување.

Ватикан веќе купува рубљи за да плати бензин

Ватикан има намера да го исполни барањето на Русија и купува гас во рубљи. Според италијанските медиуми, Ватиканската банка веќе и префрлила десет милиони евра на Централната банка на Русија со цел да купи рубљи.

Се беше направено според новата шема, која ја воведе руската влада – изјави извор од Ватиканската банка.

Меѓутоа, доколку ЕУ во тој период не го промени ставот, руски „Гаспром“ едноставно ќе престане да испорачува гас за Европа. Портпаролот на Кремљ, Дмитриј Песков, тоа јасно им го кажа на сите.

Европа нема да добие гас бесплатно. Кој не плати, нема да добие бензин - рече Песков.

Бидејќи цела ЕУ е зависна од рускиот гас и увезува количества од 200 до 800 милиони долари дневно, останувањето без тој извор на енергија ќе предизвика вистинска катастрофа.

Рускиот гас не може така лесно да се замени. Европа ќе мора да ја купи таа енергија на слободниот пазар, што значи дека ќе плати многу повеќе за тоа. Прашањето е дали има доволно гас на слободниот пазар за да ги задоволи европските потреби и потребите на другите земји, бидејќи Русија е најголемиот извозник на гас во светот. Секако, цената на таа енергија значително ќе се зголеми насекаде во светот. Во Европа, тоа би можело да биде голем проблем, бидејќи илјадници фабрики би можеле да бидат затворени и милиони луѓе би можеле да останат без работа. Европејците би можеле да останат без греење следната зима - објаснуваат аналитичарите.

Големата криза

Тие додаваат дека Русија, пак, најверојатно ќе го пренасочи гасот што го праќала во Европа во Азија.

Тоа нема да биде голем проблем за Русија. Сепак, Европа може да се соочи со најголемата економска криза од Втората светска војна, заклучуваат експертите.

Европа плаќала од 200 до 800 милиони долари дневно за руски гас

ЕУ се подготвува за најлошото сценарио

Европската комисија вчера објави дека се подготвува за идниот развој на ситуацијата во областа на снабдувањето со гас.

Подготвени сме за секое сценарио. Секако, тесно ќе соработуваме со земјите-членки за да бидеме сите подготвени за секоја ситуација - изјави европскиот комесар за климатска политика, Франс Тимерманс.

Народниот правобранител Насер Зибери ќе предложи измени на регулативата за испорака на електрична енергија во делот на обврската за отчитувањето на броилата, откако голем број граѓани се пожалиле дека добиваат високи сметки за струја која не ја потрошиле, а ЕВН им наплатува авансно, пишува НОВА ТВ. 

Од Канцеларијата на Народниот правобранител најавуваат дека во наредниот период оваа иницијатива ќе има приоритет, а првиот чекор што планираат да го направат е предлогот да го достават до Регулаторната комисија.

Народниот правобранител вели дека граѓаните најчесто реагираат затоа што  еден месец плаќаат високи сметки, кои следниот месец им се намалуваат, но дека ваквата пракса им предизвикува стресови  затоа што потрошувачите авансно ја плаќаат потрошената електрична енергија. Некои семејства, пак, и не се во можност со оглед на ниските примања да ги плаќаат вака скроените сметки и затоа бараат секој месец да платат онолку колку што потрошиле. 

Како што јас за мојата работа добивам плата месечно, така треба и ЕВН да ми наплатува за тоа што јас сум го потрошил во текот на месецот, не можам со месечната плата да подмирувам паушал во вредност од речиси две сметки за струја. Секогаш кога сум реагирал на нереалната сметка во ЕВН ме упатуваат на интернет да пријавувам колку киловат часови сум потрошил, но секако дека како потрошувач имам право да барам да се подобрат услугите при наплатата од ЕВН, вели граѓанин за НОВА ТВ. 

Целиот текст на НОВА ТВ.