Во рамките на Регионалната Платформа за социјални иновации во младинското вработување (YOUSEE), Младинскиот културен центар – Битола (МКЦ – Битола)  во соработка со KARIERA.mk, Ве поканува на презентација и јавна дискусија на тема: „Социјални иновации за намалување на младинската невработеност“.

Презентацијата ќе се одржи на 20 јуни 2017 година (вторник) во просториите на Јавна соба ул. 50 дивизија 22 Скопје – Makers Roomк со почеток во 17.00 часот.

На презентацијата е планирано со свои излагања да учествуваат: 

Д-р Ѓорѓи Какашевски – професор по информатички науки и ко-сопственик на KARIERA.mk 
Норик Селими – Претседател на Федерацијата на агенции за привремени вработувања и ко-сопственик на KARIERA.mk 
Зорица Бужаровска – консултант во KARIERA.mk 

Настанот е во рамките на Регионалната Платформа (YOUSEE) со поддршка на фондови од Европската Унија.

Повеќе информации на www.youseefor.me 

Теми за дискусија на настанот ќе бидат: 

• Социјални иновации и социјално претприемништво 
• Трендови и предизвици со човечки ресурси (HR) во Македонија 
• Начини за наоѓање на работа во Македонија 
• Препораки за успешно претставување пред работобарателите 
• KARIERA.mk социјална иновација и проект кој поврзува илјадници работобаратели и компании 

Ве покануваме и се надеваме на Вашето присуство. 

Од обичен камен создава вистинска уметност. Парче по парче, со многу труд, посветеност и трпение малите парчиња мермер  и камен  25 годишната Слободанка Мечева ги претвара во вредни уметнички и духовни дела.

Таа веќе две години изработува икони, но наместо во класичната техника ги изработува во мозаик, а нејзините дела може да се сретнат во голем број цркви и манастири ширум државата. Во моментов работи на иконата на „Света Петка“  наменета за новоизградена црква во струмичко.

Инспирација за да ги работам иконите ми е духовното во мене што го чувствувам. Сакам да се изразам преку иконите бидејќи тоа ми е некако најпријатно чувство кога творам, вели Слободанка Мечева - мозаичар.

На една икона понекогаш работи и неколку месеци, а материјалите ги набавува и обработува сама. Дел од нив купува, а многу често ги наоѓа случајно при прошетки во природа.

Материјалите ги набавувам од продавници за мермер, обични камења кои ги наоѓам по река или било каде околу мене каде што ми се допаѓаат. Мермерот знаете дека е голем, имам машина на која прво го сечам, а потоа се крши на наковална и со клешти па се изработува мозаикот, вели Мечева

Освен иконите кои ги изработува сама, оваа млада авторка била  дел и од тимовите кои работеле на неколку поголеми проекти. Меѓу нив се црквата посветена на Цар Константин и Елена во Скопје, како и на подниот мозаикот во новоизградената црква во Свети Јован Бигорски.

Xavier de Lecaros-Aquise, ко основачот на Girl Meets Dress се присетува дека неговиот прв бизнис план бил целосно не соодетен за таква прекрасна идеја како неговата. Бизнис планот го напишал на word и истиот немал дел за финансиски предвидувања. Подоцна вклучив стручни лица кои ми објснија дека ова е недостаток и видно го изменија планот пренесувајќи го во Excel со дополнителни колони кои ми го олеснија работењето.

Louis Barnett, основачот на Chocolatier раскажува дека неговиот прв бизнис план бил напишан во една тетратка со рецепти. Истиот бил долг само 2 параграфи. Можеби може и да му се прости бидејќи кога ја имал својата прва идеја за бизнис бил само 12 години.

Немав никакво искуство, впрочем бев дете и не знаев како е да се работи до финансии. Токму поради тоа правев многу грешки, всушност кога би можел да сменал нешто од денешна гледна точка, единствено би бил само похрабар, бидејќи кога си млад размислуваш и се плашиш од секој предизвик.. Денес, тоа не ми претставува никаков проблем и веднаш влегувам во акција.

Ретроспектива е прекрасна работа, но за жал нема опција да се променуваат акции од минатото. 

John O'Nolan, основачот на Ghost.org раскажува дека имал 17 години кога го напишал првиот бизнис план и истиот се однесувал на бизнис за размножување на змии. Бизнисот бил осмислен да комбинира различни генетски материјали од кралски питони.

Не потребно е да се каже дека овој план никогаш не успеал бидејќи не бил реалистичен меѓутоа бил обид за сопствен бизнис уште на најмлада возраст.

Sophie Frost, ко-основач на Yucoco Јас бев прилично задоволна со нашиот прва бизнис план. Поминавме многу време во читање, истражување, пресметување, сурфање на интернет и во пишување белешки - па кога завршивме се чувствував навистина задоволна. Сепак мојот прв бизнис план беше на темплејт превземен од интернет 

Моника од Скопје е млада девојка за чија животна приказна деновиве дозна светската јавност. Нејзината сторија беше споделена на фејсбук страна The Atlas of Beauty која во моментов има повеќе од милион следбеници од целиот свет. 

Таа денес студира право, но сообраќајна незгода која ја доживеала додека била дете е причината денес да е во инвалидска количка. Возач под дејство на алкохол бил причината за сообраќајна несреќа, но тој никогаш не бил осуден или добил било каква казна за ова кривично дело.

Денес, по 15 години Моника сака своето образование и искуство да го посвети на превенирање вакви појави во општество.

Во објавата на фејсбук страна се заклучува дека младите луѓе како Моника може да го направат светот подобро место за живеење, а луѓето од целиот свет преку коментари даваат поддршка за остварување на нејзината животна цел и мисија.