Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 1,40 % во однос на одлуката од 07.04.2022 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит, додека малопродажната цена на ЕУРОДИЗЕЛ (Д-Е V) се намалува за 2,00 ден/лит. Малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се намалува за 1,127 ден/кг и сега ќе изнесува 51,535 ден/кг.

Од 12.4.2022 година од 00:01 часот максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 80,00 (денари/литар)
• Моторен бензин ЕУРОСУПЕР БС – 98 82,00 (денари/литар)
• Дизел гориво ЕУРОДИЗЕЛ БС (Д-Е V) 80,00 (денари/литар)
• Масло за горење Екстра лесно 1 (ЕЛ-1) 78,50 (денари/литар)

Електродистрибуција ДООЕЛ е компанија чија примарна дејност е дистрибуција на електрична енергија на територијата на целата држава. Најважната цел ни е сигурно и квалитетно снабдување на корисниците со електрична енергија.

Ве покануваме да земете учество во нашата Програма за учење и развој:

ЕВН - ИДНАТА ГЕНЕРАЦИЈА

КОИ се кандидатите кои ги бараме? 

Апсолвенти/ки или штотуку дипломирани инженери/ки од областа на Електроенергетските системи. Од нашите идни колеги/шки очекуваме отвореност, посветеност, дисциплинираност, конструктивен пристап, способност за прилагодување на различни ситуации и средини, како и подготвеност за работа во различни градови во државата.

ШТО нудиме? 

Договор за вработување на една година, со можност за продолжување на договорот. Менторски систем, директно вклучување во работниот процес и специјализирани обуки од долгогодишни експерти во областа. 

КАДЕ се одвива програмата?

Вашите задачи ќе ги извршувате во нашите Кориснички Енерго Центри во Скопје, Битола, Прилеп, Охрид, Струга, Кичево, Гостивар, Тетово, Велес, Куманово, Кратово, Струмица, Гевгелија, Кавадарци, Делчево, Кочани и Штип каде ќе Ве обучиме и подготвиме за идните предизвици. 

КОЛКУ трае програмата?

Програмата трае 12 месеци и вклучува ротации во должина од шест месеци во 2 различни Кориснички Енерго Центри. Преку работа на проектите ќе имате можност да учите и да ги развивате вашите потенцијали. 

Сакате да аплицирате?

Испратете ја Вашата Биографија, мотивациско писмо и потврда за положени испити на [email protected] со назнака “ИГЕВН” најдоцна до 30.04.2022

Ги покануваме сите кандидати кои ги исполнуваат условите да аплицираат.

Електродистрибуција е компанија која нуди еднакви можности и правичен третман при вработување на сите лица без оглед на нивната раса или етничко потекло, боја на кожа, пол, возраст, здравствена состојба, вид на попреченост, религиско, политичко или друго убедување, членство во синдикати, национално или социјално потекло, семеен или социјален статус, полова определба или други лични услови. 

Повеќе информации на следниот ЛИНК

Укинување на обврската за носење маски за време на физичката настава во средните училишта, укинувањето на забраната за екскурзии и настава во природа, укинување на обврската за носење на заштитни маски во затворен простор, со исклучок на здравствените установи, јавниот превоз, аптеките и домовите за возрасни лица, се усвоените заклучоци кои Комисијата за заразни болести ги достави до Главниот координативен кризен штаб (ГККШ).

Како што информира владината прес-служба, на петта седница на Главниот координативен кризен штаб беа усвоени повеќе заклучоци од одлуки и препораки на Комисијата за заразни болести.

Заклучоците ќе бидат доставени до Владата, која за нив ќе одлучува на следната владина седница.

Според најновите податоци на компанијата „Henley and Partners“ која од 2006 година ги рангира пасошите од 199 земји, затворањето на воздушниот простор поради кризата во Украина и отворање на границата за украинските бегалци почнало да влијае на глобалните патувања.

Во извештајот се напоменува дека ситуацијата меѓу Русија и Украина се покажала како строг потсетник на променливоста на светот, начинот на кој конфликтот може да доведе до масовно раселување и колку точно нечиј пасош може да има влијание на нечија положба.

На врвот на листата традиционално се наоѓаат Јапонија и Сингапур, додека пак на дното се наоѓа Авганистан чии државјани можат да патуваат во само 26 земји од светот без претходно издавање виза.

Македонскиот пасош се наоѓа на 44-то место, а што се однесува од земјите во нашето опкружување, Хрватска се наоѓа на 17-то место, Црна Гора на 45-то место, Босна и Херцеговина на 49-то место, а Србија е на 37-то место.

Листата на најмоќни пасоши изгледа вака:

1. Јапонија, Сингапур

2. Германија, Јужна Кореја

3. Финска, Италија, Луксембург, Шпанија

4. Австрија, Данска, Холандија, Шведска

5. Франција, Ирска, Португалија, Велика Британија

6. Белгија, Нов Зеланд, Швајцарија, САД

7. Австралија, Канада, Чешка, Грција, Малта

8. Унгарија

9. Литванија, Полска, Словачка

10. Естонија, Лaтвија, Словенија