Извештајот ги презентира резултатите од истражувањето спроведено во март на прашањето: Кои брендови на пиво се најдоминантни во дигиталниот простор низ Западен Балкан.
Преку алгоритми засновани на специфични истражувања за брендови на пиво, успеавме да опфатиме медиумски написи и објави на социјалните мрежи каде се споменуваат брендовите на пиво и да ја измериме нивната вкупна реакција од страна на публиката.
ИНФОГРАФИКОТ претставува ТОП 3 БРЕНДОВИ НА ПИВО за секоја земја, кои имале најмногу реакции во март 2022 година, во однос на нивниот вкупен број на реакции на брендови на пиво во соодветната земја.
Општиот заклучок е дека домашните пива во сите земји се многу поприсутни во дигиталната средина во споредба со увозните/меѓународните брендови. Во Албанија, првите 3 брендови во однос на дигиталното присуство се домашните брендови.
Низ земјите, Хајнекен е најчестиот меѓународен бренд на пиво кој е во Топ 3 брендови на пиво, во 4 од 6 земји во регионот (освен Албанија и Косово). Во Црна Гора, од севкупното дигитално присуство 91% припаѓа на Никшичко пиво, со апсолутна доминација над меѓународните брендови, слично како Бира Пеја во Косово со 83%, и Нектар пиво во Босна и Херцеговина со 76% учество во вкупниот број на реакции од публиката.
Меѓу поистакнатите кампањи и настани кои придонесоа за поголема интеракција на публиката со написите и објавите на брендовите на пива во март, издвојуваме:
Во Црна Гора спонзорствата на Никшичко на познатиот „Мимоза фестивал“ - Херцег Нови и радио емисијата „Секој петок точно на полноќ“, додека Скопско пиво ја ангажираше дигиталната публика во С. Македонија со социјалните објави како официјален спонзор на националниот фудбалски тим за време на плеј-офот на Европското фудбалско првенство и ја активирало базата на фанови за време на натпреварите против Италија и Португалија.
Резултатите се преклопени на Регионалната топлинска карта на земјите од Западен Балкан, со интензитетот на бојата која ја претставува потрошувачката на пиво во земјата по глава на жител.
Методологија
Пикаса ја искористи својата онлајн платформа Analytics.live за да спроведе мониторинг во реално време на повеќе од 2000 медиуми и илјадници канали за социјални медиуми низ 6-те земји во регионот на Западен Балкан (Босна и Херцеговина, Србија, Црна Гора, Косово, Албанија и Северна Македонија). Платформата за аналитика ги прикажува медиумските написи заедно со нивната соодветна пенетрација во платформите на социјалните медиуми (Фејсбук, Инстаграм, Твитер, Јутјуб итн.) со броење на сите видови активности и реакции (допаѓања, споделувања и коментари).