Германија веќе планираше да ги укине субвенциите за електрични возила, но тие идеи беа отфрлени од експерти од автомобилската индустрија.

Растечката продажба на електрични автомобили во голема мера е мотивирана од субвенциите за нивно купување. Automotive News Europe пишува дека германското Министерство за економија сака да ги укине субвенциите за plug-in хибридни возила до крајот на 2022 година и постепено да ги намалува субвенциите за електрични возила почнувајќи од 2023 година.

Новиот план целосно ќе ги стопира стимулациите од 4.500 евра за plug-in хибридите, додека субвенциите за електрични возила од следната година ќе паднат на 4.000 евра, а од 2024 година на 3.000 евра.

Германија веќе планираше да ги укине субвенциите за plug-in хибридите, но тие идеи беа отфрлени од експерти од автомобилската индустрија.

Германското здружение на производители на автомобили VDA соопшти дека plug-in хибридите служат како пионери за преминот кон електрична мобилност и дека укинувањето на субвенциите ќе го загрози зголемувањето на електричната мобилност.

Сето ова ќе биде голем тест за индустријата за електрични автомобили и нивната популарност. Што се однесува до plug-in хибридите, тие тешко ќе преживеат во новите околности.

Ако EQS е големиот и луксузен седан на Mercedes-Benz, тогаш новиот EQS SUV е голем и луксузен – погодувате – SUV на Mercedes-Benz!

Новиот луксузен електричен SUV на Mercedes-Benz ќе може да помине и до 660 километри според WLTP мерењата. Секако, тоа се должи на најновата итерација на супер-напредниот електричен погон на Mercedes-Benz кој кај EQS SUV ќе биде понуден во три конфигурации. „Основната“ верзија е EQS SUV 450+ која е со погон на задните тркала и која располага со 360 коњски сили и 568 Nm вртежен момент – и токму оваа верзија може да помине до 660 километри.

Над оваа верзија е EQS SUV 450 4Matic, со слични карактеристики, но погон на сите четири тркала, 800 Nm вртежен момент и максимални 613 километри. На самиот врв (сега за сега, пред да бидат претставени неизбежните AMG изведби) е EQS 580 4Matic со 545 коњски сили и 858 Nm вртежен момент. Сите верзии ја користат истата голема батерија со капацитет од 107.8 kWh. EQS SUV овозможува полнење со максимална моќност од 200 kWh, па со доволно моќен полнач батеријата се полни од 10 до 80% за само 31 минута.​ 

Кабината на EQS SUV е супер-напредна, па во „основна“ варијанта ќе добиете 12.8-инчен мултимедијален уред и 12.3-инчен екран наменет за возачот, а ќе добиете и панорамски сончев кров, седишта со ладење и греење… Ако сакате повеќе, тука е MBUX Hyperscreen кој комбинира три екрани под еден огромен 56-инчен панел поставен пред возачот и совозачот. Доколку сакате, можете да нарачате и мултимедијални уреди за задните седишта – 11.6 инчни екрани на секое седиште, а ако сакате ќе добиете и централно-поставен таблет кој можете да го извадите и да го земете со вас.

Секако, големиот SUV стандардно доаѓа со Airmatic воздушна суспензија и адаптивни амортизери, како и сите можни системи за асистенција во возењето кои Mercedes-Benz ги има во своето портфолио. Дополнително, EQS SUV може да „запомни“ до 7 различни профили на корисници кои ќе ги идентификува преку отпечаток од прст и ќе ги помни нивните желби и навики на возење. Со текот на времето, EQS SUV ќе ги „научи“ вашите желби и навики и ќе ве потсетува без да го побарате тоа.

Инаку – дизајнот е зрел и малку воздржан – како што и му прилега на еден Mercedes-Benz. Дизајнот ни е воглавно веќе познат од EQS седанот, но тука е интерпретиран во поголема, SUV форма со препознатливи SUV детали. На предниот дел вниманието оди кон широкиот преден елемент и светлосниот потпис, додека профилот е конвенционален и горд. На задниот дел доминира светлосниот елемент кој стана препознатлив детал на EQ-моделите на Mercedes-Benz. Инаку, дизајнот на EQS SUV е дело на македонскиот дизајнер Славче Таневски.

EQS SUV изгледа како да е подготвен да доминира во сегментот на луксузни SUV модели, нели?

Законската одредба за недела неработен ден во државата, утре ќе биде разгледана од Уставниот суд на иницијатива на Стопанска комора на Северна Македонија, која се однесува на последните измени на Законот за работните односи.

Подносителот смета дека оспорениот закон кој се однесува на уредување на работата во недела е спротивен на слободата и пазарот на претприемништво, темелните вредности и еднаквоста на граѓаните.

Во иницијативата се наведува дека Законот за изменување и дополнување на Законот за работните односи го уредува користењето на неделен одмор преку воведување на забрана за работа во недела и притоа таксативно ги набројува исклучоците на одредени дејности кај кои неделниот одмор може да се користи во друг ден во неделата и се укажува дека ова законско решение не е во полза ниту на економските субјекти, ниту на работниците и директно задирало во темелните вредности на уставниот поредок на државата, велат од Уставен суд.

Според подносителот, со ова законско решение работодавачите од економските дејности на кои им се забранува работа во недела – неметалните минерални производи, имале еднаква правна положба од аспект да ги намируваат данокот и другите јавни давачки кон државата, кои се утврдени со закон, но биле ставени во нееднаква правна положба со работодавачите од економските дејности на кои им е дозволено да работат во недела, од аспект да остваруваат приходи и добивка.

Освен ова точка, Уставниот суд утре ќе дискутира и за иницијативата поднесена од Здружението на приватни стоматолошки установи и приватни доктори по дентална медицина од Кавадарци и за Правилниот за облиците на континуирано стручно усовршување.

Други две иницијативи за кои уставните судии утре треба да се произнесат се за носењето на лична заштита заради спречување на ширењето на Ковид-19 и за еден обвинителен акт поднесен од Основно јавно обвинителство за гонење организиран криминал и корупција.

Кончено стигнаа првите количини зејтин од Србија. 48 илјади шишиња попладнево биле царинети, а уште толку се очекува да стигнат во текот на утрешниот ден. Останатите најавени количини до 2 милиони литри, се договорени, но рокот и начинот на испорака дополнително ќе се прецизира.

Но, се уште oстанува забраната за извоз на нерафинирано масло од Србија, иако дел од домашните производители веќе имаат склучено договори со српските фирми.

Властите во земјава велат дека се во постојана комиуникација со нивните српски колеги, не прецизираат кога ќе заврши забраната, но велат очекуваат тоа да се случи нaскоро. Во меѓувреме, домашните производители суровина набавуват од други држави, по поскапи цени, и предупредуваат дека заради тоа можно е поскапување и цената во малопродажба.