Во новата епизода на поткастот „На Каде Одиме“, зборуваме со Валентина Тасева – CEO и сопственичка на Semos Education, визионерка со децении искуство во неформалното образование. 

Разговараме за сè поголемото значење на неформалното образование во современиот свет, за зошто младите сè повеќе се насочуваат кон области како анализа на податоци и дигитален маркетинг, и како желбата да се направи промена често стои во коренот на секоја инспиративна приказна.

Валентина несебично споделува практични совети за личен и професионален развој, како и начини како преку континуирано учење, љубопитност и упорност, секој може да изгради кариера што има значење.

Оваа епизода е вредна за сите кои се стремат кон раст, промена и влијание – без разлика дали се на почетокот од својата кариера или веќе се на лидерски позиции.

Не пропуштајте – денес во 19:00 на YouTube и Spotify каналите на KARIERA.mk!

Тагови: интервју поткаст

Доколку барате нова можност за работа, Гостивар станува центар за бројни интересни и разновидни огласи. Од административни позиции до технички профили, од услуги во угостителство до експертски професии – Гостивар нуди работни места кои може да одговараат на вашиот профил и искуство.

Доколку го барате своето работно место во Гостивар може да аплицирате за следниве позиции:

Возач на камион ADR (Опасни товари)
Traffic Engineer
Советник за клиенти - Гостивар
Продажен агент - Гостивар
Кредитен консултант во филијала Гостивар
Референт за продажба - Гостивар

Не ја пропуштајте можноста да го најдете вашето идеално работно место во Гостивар! Следете ги огласите, подгответе се и зачекорете кон нова успешна кариера.

Кинеските онлајн гиганти „Тему“ и „Шејн“ објавија дека од 25 април ќе следи зголемување на цените на нивните производи, како резултат на новите царински давачки воведени од страна на САД. Компаниите ги охрабруваат потрошувачите да купуваат по актуелните, пониски цени додека сè уште се достапни, со цел да избегнат дополнителни трошоци.

Во официјалното соопштение, „Тему“ и „Шејн“ истакнаа дека поради промените во глобалната трговија и зголемувањето на оперативните трошоци, се принудени да направат корекција на цените. Компаниите уверуваат дека и покрај поскапувањето, квалитетот на производите нема да биде компромитиран, и дека ќе продолжат да нудат разновидна понуда – од играчки до електроника.

Причината за оваа промена е неодамнешната одлука на американскиот претседател Доналд Трамп, со која се укинува поволноста за увоз на пакети под 800 долари од Кина и Хонг Конг без царина. Оваа мерка има за цел да го ограничи дотокот на евтини производи од странство и сериозно го загрозува постојниот бизнис модел на овие платформи.

Тагови: онлајн купување цени

За време на China Supermarket Week 2024, основачот на кинескиот синџир супермаркети Pang Dong Lai, Ју Донглај, објави дека вработените ќе имаат право на дополнителни десет слободни денови кои ќе можат да ги искористат кога не се во добра ментална или емоционална состојба. Тој ги нарече овие денови „нерасположени денови“ и потенцираше дека не е неопходно да се доаѓа на работа кога не се чувствуваме добро.

Ју Донглај изјави дека вработените треба самите да одлучат кога им е потребен одмор, а компанијата треба да го охрабрува тоа. Тој нагласи дека одбивањето на ваквите денови од страна на менаџментот ќе се смета за прекршување. Целта е не само да се подобри моралот, туку и да се поттикне продуктивноста преку урамнотежен начин на живот.

Во Кина долго време постои култура на долги работни часови што негативно влијае врз здравјето и мотивацијата на вработените. Затоа, ваквата одлука на Pang Dong Lai беше дочекана со позитивни реакции на социјалните мрежи, при што многумина ја гледаат како прогресивен чекор кон поголема грижа за благосостојбата на вработените.

Тагови: неплатен одмор слободни денови