Од денеска почнува етапната исплата на априлските пензии. Ќе бидат исплатени предвреме и етапно со цел да се овозможи поголема заштита на пензионерите во услови на опасност од болеста. Пензија повисока за 1.000 денари ќе добијат повеќе од 330 илјади пензионери со исплатата на априлската пензија преку договорената директна финансиска помош за три месеци.

Како што соопшти Министерството за труд и социјална политика, подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата.

Исплатата за пензии до 11.000 денари ќе се изврши денеска, утре на пензиите од 11.001-14.000 денари, во четврток на пензиите од 14.001-18.000 денари и в петок ќе се реализира исплата на пензиите над 18.001 денари.

Според ресорното министерство, пензионерите кои користат платежна картичка, поврзана со сметката на која се префрлува пензијата, со парите можат да располагаат од денеска. Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања. Етапното процесирање на пензиите, како што се наведува, ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.

Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми.

Апелираме до пензионерите да се придржуваат до распоредот за исплати затоа што етапната исплата е направена со цел да се намали метежот пред банките и можностите за загрозување на личното и јавното здравје, се наведува во соопштението од Министерството за труд и социјална политика.

Владата по состанокот со СОНК, на кој се договорија за зголемување на платите за наставниците и останатите вработени кои штрајкуваат за 12 отсто, соопшти дека следува и усогласување на гранскиот колективен договор во него да биде вклучена и редовната исплата на регресот за годишен одмор, односно К-15.

Тој ќе започне да се исплаќа од 2023 година, откако претходно ќе биде потпишан општиот колективен договор со јавниот сектор, соопштија од Владата.

Владата и СОНК постигнаа согласност за зголемување на платите во основното и средното образование и во детската заштита. Денешниот договор вклучува согласност за почеток на наставата и почеток на работата на градинките од среда, 27 април, откако утрешниот ден претставниците на претседателството на СОНК и регионалните советници ќе ги информираат вработените во образованието и во детската заштита за постигнатиот договор, објавија од таму.

Со состанокот претседавал премиерот Димитар Ковачевски, и на кој учествуваа министерот за образование и наука Јетон Шаќири и министерката за труд и социјална политика Јована Тренчевска. СОНК бил претставен од претседателот Јаким Неделков, придружуван од членови на синдикатот и од Сузан Флокен, директорка на Европската конфедерација на синдикати за образование.

Денешниот договор меѓу Владата и СОНК вклучува и заедничка соработка на креирањето на методологија за раст на платите која треба да биде завршена до крајот на оваа година и којашто ќе се применува од 2023 година, а која ќе е предмет и на општиот колективен договор, додава Владата.

Илон Маск, сопственик на Tesla Motors и SpaceX и најбогат човек на светот, ја купи социјалната мрежа Twitter за 44 милијарди долари.

Твитер вечерва објави дека ја прифатил понудата на Маск. Маск тргна да ја преземе функцијата на почетокот на април

Да потсетиме, Илон Маск купи 9,2% од Твитер на почетокот на април. По оваа објава, вредноста на акциите на Твитер порасна за повеќе од 25%. Маск стана еден од најголемите акционери на компанијата и сега поседува четири пати повеќе акции од основачот на Твитер Џек Дорси. Уделот на Дорси е 2,25%.“

Една недела по купувањето на акциите, Маск даде понуда за купување на Твитер и рече дека „ќе ја разгледа неговата акционерска позиција“ доколку неговата понуда не биде прифатена.

Решив да инвестирам во Твитер бидејќи верувам во неговиот потенцијал да биде платформа за слобода на говор ширум светот и верувам дека слободата на говор е социјален императив за функционална демократија, напиша Маск во изјавата за финансиската регулатор.

На денешната средба во Владата на претставниците на СОНК со премиерот Димитар Ковачевски и министерите за образование и за труд и социјална политика е понудено покачување на платите во образованието и предучилишните установи за 12 проценти. Синдикалниот лидер Јаким Неделков рече дека дојде до усогласување во рамки на владините можности и најави дека за понудата ќе треба да се изјасни членството, а тоа значи дека настава ниту утре нема да има. До утре вечер треба да се дознае дефинитивниот одговорот на СОНК дали штрајкот ќе биде прекинат. 

Според тоа што е кажано, станува збор за евентуално усогласување на ставовите во рамките на можностите на државата, покачувањето да започне најдоцна од јули откако ќе биде изгласан ребалансот на буџетот, односно станува збор за зголемување на платите од 12 проценти на сегашните плати со додатоци предвидени со Колективниот договор, рече Неделков кој денешните преговори ги оцени како многу тешки и кои траеја повеќе од три часа..

Тој додаде дека тоа е максимумот што СОНК можел да го добие,но  и дека е договорена и изработка на Колективни договори за детска заштита во основно и средно образование, како и за патните тошоци и К-15, што останува за работа за наредниот период.

На средбата во Владата учествуваше и Сусан Флокен, директор на Европската конфедерација на синдикати на обраованието, која претходно изјави дека е дојдена во Скопје за да изрази целосна поддршка за СОНК и да му даде поддршка и во преговорите со Владата. Неделков ѝ изрази голема благодарност за поддршката и оцени дека на преговорите биле засилени со нејзиното присуство.

Како и на претпладневната прес-конференција, Неделков повтори дека во текот на утрешниот ден ќе има консултации со членството, со цел да се изјаснат дали се прифаќа понудата од Владата за штрајкот. Тој изрази надеж дека понудата ќе се прифати со цел да заврши штрајкот и децата да се вратат во училишните клупи. Тој рече дека по завршувањето на штрајкот наставниците ќе се погрижат да биде предавана целата предвидена образована програма и изрази жалење што мораше да има прекин на наставата.

Министерот за образование и наука Јетон Шаќири и министерката за труд и социјална политика Јованка Тренчевска изразија надеж дека од среда децата ќе се вратат во градинките и во училиштата, а родителите ќе можат да продолжат на работа.

Според министрите, понудениот процент за покачување на платите нема да предизвика инфлација зашто со ребалансот на Буџетот ќе се изнајдат пари за платите.