„Гугл“ објави дека постигнал договор со повеќе од 300 медиуми во шест земји од Европската унија да плати за нивната содржина, најавувајќи понуди и за медиумите во други земји-членки на ЕУ.

Издавачите се меѓу најжестоките критичари на „Гугл“ и долго време ги повикуваат владите да го регулираат плаќањето на надомест за медиумски содржини објавени на дигиталните платформи.

Австралија пропиша исплатата минатата година, а сличен закон стапи на сила во Канада во април.

Сулина Конал, директорка на одделот за медиуми на „Гугл“, на својот блог објави дека со триста медиумски компании од групата земји од Европската унија се договориле да плаќаат за содржини.

Договорите што ги постигнавме досега опфаќаат повеќе од 300 национални, локални и специјализирани медиумски публикации во Германија, Унгарија, Франција, Австрија, Холандија и Ирска, а и понатаму многу се дискусира, напиша во вторникот директорката на „Гугл“.

Конал не прецизираше колку им плаќаат на медиумите, а деталите треба да бидат објавени во текот на денот. Германските медиуми сочинуваат две третини од групата и ги вклучуваат неделниците Der Spiegel и Die Zeit и дневниот весник Frankfurter Allgemeine Zeitung.

Шефицата на „Гугл“ најави и нова алатка, која ќе им понуди договори на други издавачи во ЕУ во наредните месеци, почнувајќи од Германија и Унгарија.

Алатката ќе им понуди на издавачите проширен договор за преглед на вести што ќе му овозможи на „Гугл“ да прикажува исечоци и најави на вести преку плаќање на надоместок.

Наредба за работа подолга од полното работно време ТУКА

Точна е информацијата дека на 10 јуни ќе им биде ускратено гостопримството во градинките на сите дечиња чии родители не се жители на општина Карпош. Одлуката е донесена на осмата седница на Советот на Општина Карпош одржана на 20 април 2022 година, а јас ова го најавив уште во декември минатата година, но веројатно некој не сакал сериозно да ја прими информацијата, објаснува градоначалникот на Општина Карпош, Стевчо Јакимовски за „Слободен печат“.

Тој додава дека сега уште еднаш, еден месец однапред, им се соопштува на родителите кои не се жители на општината, дека од 10 јуни нема да можат повеќе да ги посетуваат градинките во општина Карпош. Во моментов 306 дечиња од општината чекаат место во градинките во Карпош, а во нив се сместени 200 деца од други општини.

Според Јакимовски, родителите кои живеат во општина Карпош и не можат да ги згрижат децата во градинка, тука плаќаат данок и ги гласале за да им ги решаваат проблемите.

Во градинките на територијата на Карпош има 11 слободни училници со капацитет за околу 150-160 деца, но нема доволно персонал за нивно згрижување.

Немаме согласност од надлежните министерства да примиме персонал. Истовремено, повеќе од 25 негувателки, воспитувачки и технички персонал се заминати од различни причини и за нив нема одобрение да се пополнат испразнетите места. Од тие причини градинките се во многу тешка ситуација. Вработените со крајни напори успеваат само да ги згрижат децата, но за жал отсуствува воспитната и образовната компонента. Сето ова оди на штета на децата од општина Карпош, а јас како одговорен субјект кој е избран од овие граѓани морам да најдам решение, вели Јакимовски.

Деновиве, група родители кои не се жители на општина Карпош, а чии деца одат во градинки во оваа општина, информираа дека добиле известување дека нивните деца ќе бидат отпишани на 10 јуни. 

Регулаторната комисија за енергетика и водни услуги соопшти дека донела одлука со која се врши намалување на малопродажните цени на нафтените деривати во просек за 1,13 отсто во однос на одлуката од 9 мај.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-) се намалуваат за 2,50 денари за литар, додека малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат, информираат од Регулаторната комисија за енергетика и водни услуги.

Од полноќ максималните цени на нафтените деривати ќе изнесуваат:

Моторен бензин ЕУРОСУПЕР БС – 95 90,50 (денари/литар)

Моторен бензин ЕУРОСУПЕР БС – 98 92,50 (денари/литар)

Дизел гориво ЕУРОДИЗЕЛ БС (Д-Е V) 87,00 (денари/литар)

Масло за горење Екстра лесно 1 (ЕЛ-1) 85,00 (денари/литар)

Мазут М-1 НС 53,848 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,77 отсто, кај дизелот има намалување за 3,343 отсто, кај екстра лесното масло намалувањето е за 3,442 отсто и кај мазутот има намалување за 2,142 отсто.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,004 отсто.

Од Регулаторната комисија за енергетика и водни услуги посочуваат дека од полноќ ова се максималните цени на нафтените деривати. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, додаваат од Регулаторната комисија за енергетика и водни услуги.