Утре почнува нов месец а тој носи нов бран поскапување на омиленото задоволство на пушачите-цигарите.

Ценовен шок ќе удри по џебот на пушачите кои ќе треба да издвојат 4 денари повеќе за кутија цигари.

Почнувајќи од 1 јули минатата година до 1 јули 2023 година ќе расте акцизната стапка која ќе се зголемува по 0.20 денари за цигара секоја година.

До 2023 овој тренд на растење на цената ќе ги поскапи цигарите за дури 40 денари.

Што велат пушачите за поскапувањето?

Дел од пушачите зголемената цена велат нема да ги погоди значајно. И покрај тоа ќе продолжат да „уживаат во задоволството“ додека многумина размислуваат за сериозно откажување од овој порок кој спред последните податоци бележи раст кај возрасните генерации а пад кај тинејџерите.

Бројот на германски граѓани кои годишно заработуваат повеќе од еден милион евра нагло порасна, соопшти германската канцеларија за статистика.

Во 2013 година 17.400 даночни обврзници пријавиле приходи поголеми од еден милион евра, што е за 20 отсто повеќе отколку во 2010 година.

Просечен бруто приход во групата на милионерите изнесува 2,7 милиони евра.

Кај 79.200 даночни обврзници, кои имаат приход поголем од 250.731 евра годишно, се применува најголемата даночна стапка од 45 отсто.

Истовремено, 9,6 милиони даночни обврзници се ослободени од плаќање данок бидејќи нивните годишни приходи не надминуваат 8.131 евра.

Причините што оваа даночна статистика с еобјавува со три години задоцнување лежат во долгите рокови за даночна пријава. Во Германија тие можат да се предадат и две години по завршената фискална година.

Дали ќе плаќаме повисоки или пониски сметки за струја, останува да видиме овие денови.

Каква цена на струјата ќе плаќаме од 1 јули ќе се знае веќе утре. Регулаторната комисија има рок до крајот на овој месец да ја соопшти новата цена која ќе важи од 1. јули и ќе важи до 1. јули 2018 година.

Од Регулаторната комисија за енергетика официјално не обелоденуваат колку ќе чини киловат-час електрична енергија за домаќинствата.Неофицијално меѓутоа се говори за намалување на цената за 0,25 отсто.

Минатата година струјата поевтини за 0,25 отсто, додека претходно за 0,33 отсто.

Според годишната ранг-листа на Passport index со македонски пасош без виза може да се патува во 108 земји, што ја рангира Македонија на 40 место во светот.

Според оваа листа, најценет пасош имаат Германија и Сингапур и со нив може да се патува без виза во 159 земји. По нив следуваат Шведска и Јужна Кореја (158 земји), треторангирани се Данска, Финска, Италија, Франција, Шпанија, Норвешка, Велика Британија, Јапонија и САД (157), на четврто место се Луксембург, Швајцарија, Холандија, Белгија, Австрија и Португалија (156), петти се Малезија, Ирска и Канада (155), шести Грција, Нов Зеланд и Австралија (154), седми Малта и Исланд (153), осма е Унгарија (151), на деветтото место се Словенија, Словачка, Полска, Литванија, Летонија (150), а на десеттото место е пасошот на Естонија (149).

Во соседството и во поширокиот регион, најценет пасош имаат граѓаните на Грција (6 место) кои без виза можат да патуваат во 154 држави, потоа следува Словенија (9 место), а по неа најдобро рангирани се Бугарија и Хрватска на 14 место, со чии пасоши може да се влезе во 144 земји, 37 е Србија (112 земји), на 43 место се Турција и Црна Гора (105), 47 е Босна и Херцеговина (101) и 48 Албанија (96), а според ранг-листата, последното место од регионот го зазема Косово, со чиј пасош може да се патува во 41 држава.

На дното на листата на која се рангирани 199 земји во светот, се наоѓаат Авганистан, Пакистан и Ирак, со чии пасоши може да се патува без виза само во дваесетина држави.